[اشغال يدوية ] طقم كروشيه للجلسة من ديات الصابرة

السلام عليكم

حبيت انوريكم طقم لجلسة خدمته لاهلي من مدة فاتت
لكن هذا وين سخر ربي الحال وتمكنت من تنزيله اتمنى ان ينال اعجابكم

طبعا هذه عبارة عن
تلبيسة لعلبة المناديل
والمربع عبارة عن حافظ للمناديل اللي تجي في اكياس مربعة الشكل
والمثلث الصغيرة عبارة عن حاملة المناديل التي تثنى بشكل مثلث وتقدم مع حلويات القهوة


http://sphotos-c.ak.fbcdn.net/hphoto...64194101_n.jpg


وهذا مفرش للطاولة بتاعت الجلسة


http://sphotos-h.ak.fbcdn.net/hphoto...16319327_n.jpg


وفي غلاف للمصحف الشريف لكن الصورة انحذفت مني
لما انعدي لاهلي انصوره وانزله ان شاءالله
وفي تلبيسة لعلبة بخور منزلتها في موضوع سابق ليا
اتمنى ان ينال اعجابكم

بسم الله ماشاء الله روووعه
و يهبلوووو ربي يعطيك الصحة
نبي اندير كيفهم صبورة ماتنسيناش
ربي يسلمك لي اهلك وزوجك
جاري التقييم اكيد

اسمعي وخاصة الوردات خاطري انديرهم وانحطهم
في شعري او علي جاكيت من جاكيتاتي

ماشاء الله تبارك الله شغل منظم وراقي ياصابرة ربي يحفظك

ماشاءالله لا قوه الا بالله
ياسعد اهلك بيك يهبل يا صبوره
ربي يحفضك ويحفظ هاليديات
تستاهلي عليهن احلي تقيــــــم
وان شاءالله ديما موفقه

وعلي قولت لوبا زيها حتي اني نبي هالوردات فوق الشعر ههههه

ماشاء الله يا صبورة
تسلم ايديك وان شاء الله اتبديوهم بالهني والصحة وراحة البال

ولك احلى تقييم عالاشغال الحلوة

وعليك السلام الصابرة....سلم إيديك اللى تتلف فى حرير,يارب لو فيها خيره لك عاجل غير اجل انشوفوا حاجات البيبى,عندى سؤال امتاع المناديل المثلثات هل نشيتيها؟.

والله اسعدني كلامكن الحلو والرائع الذي يشبهكن اكيد
والشكر لمن قيمني

لوبا ميمي
اكيد حنعلمها ليكن

ام عدنان
ايه نشيتها بس مش بالنشا

طاقم حلو
مادخلنيش نبى زيه
وانت جايه للبيضاء ديريلى واحد لونه موف وجيبيه ليا معاك

ربي يسلم هالايدين

مشكورة نسومة
خلاص اني في نهاية شهر 12 بنعدي لبنغازي كان سخر الحال
واكيد بنعدي منها لطبرق وطبعا انمروا على البيضاء
ادللي غير قوليلي موف شنو معاه لون تاني

بسم الله ماشاء الله
مبدعة ياصابرة ينخاف عليك من العين
ربي يحفظك ويسلم ايدياتك
ويحفظلك اهلك واحبابك ويسعدك ويهنيك
تحفة الطاقم واحلى حاجة لما تكون عندك مهنة ايدين
احلى تقيييييييييييم لعيونك:)

مشكورة غروبة على الكلام الحلو والجميل
وفعلا صنعة اليدين مش عادية
واتمنى ان الجميع تكون عنده صنعة يعبي بيها وقت الفراغ مهما كانت

السﻻم عليكم ورحمة الله وبركاته
كيف الحال اﻷخوات
ماشاء الله عليك يا اخت الصابرة اني من محبات الكروشيه نبي منك طلب لو ان عندك بترونات ان تنزليها ع المنتدى
وبنسئلك الصوف او اللانه منين تشري فيها اني ليا فترة معملتش شئ واني ملياش هلبه كيف امسجله ف المنتدى يبى وقت بيش اتعلم بالرغم ف اخوات ما قصرن معي بارك الله فيهن


http://www.libyan-kitchen.com/kitche...6&d=1352712390

تبارك الرحمن
ما عندي ماانقول من حلاوتهم
ربي يعطيك الصحة ويطعمك كل خير تبيه
ما فيش كيف ادزيلي منهم عن طريق السحيري
اكيد تسئلي شنو السحيري

اقتباس:

---

المشاركة الأصلية كتبت بواسطة محبة الكروشيه

السﻻم عليكم ورحمة الله وبركاته
كيف الحال اﻷخوات
ماشاء الله عليك يا اخت الصابرة اني من محبات الكروشيه نبي منك طلب لو ان عندك بترونات ان تنزليها ع المنتدى
وبنسئلك الصوف او اللانه منين تشري فيها اني ليا فترة معملتش شئ واني ملياش هلبه كيف امسجله ف المنتدى يبى وقت بيش اتعلم بالرغم ف اخوات ما قصرن معي بارك الله فيهن


http://www.libyan-kitchen.com/kitche...6&d=1352712390

---

اهلين اختي محبة الكروشيه
بالنسبة للبترونات عندي هلبة لكن حددي الشئ اللي تبي ليه باترون بيش انزله لك
وبالنسبة للعنوان
اذا انتي في طرابلس هذا العنوان

اسمه دازة
جامع مولاي محمد من عند باب دخول المصلين بجانبه الخطوط الليبية ومحل اخر
اسئليهم يدلوك على العنوان او بعد ماتوفتيهم على ايديك اليمين منعطف تجديه
ان شاءالله الوصف سهل وواضح

واذا كنتي خارج طرابلس ياريت تقولي لي وان شاءالله تطلعي في مكان نعرفه

[quote=ام عبسي;123915]تبارك الرحمن
ما عندي ماانقول من حلاوتهم
ربي يعطيك الصحة ويطعمك كل خير تبيه
ما فيش كيف ادزيلي منهم عن طريق السحيري


امين يارب
ولا يهمك وخيتي ام عبسي انتي ادللي اني عندي خوي ديمة يمشي
لسبها قولي حبيبة شنو تبي ايجيك لعندك ومن غير شئ هدية من وخيتك
قديش عندي ام عبسي

ماشاء الله شغل متقن يسلموا إيدياتك مبدعة تبارك الله

ماشاء الله لاقوة الا بالله

ربي يسلم ايدياتك ويحرمهم من النار

ويبارك لك في وقتك وجهدك وصحتك يارب

وينولك كل الي في بالك يارب عاجل غير آجل


وان شاء الله نقدر نتعلمه حتى اني وندير حاجات حلوة كيفك

مشكورة بنت الاشراف
واسعدني مرورك

ام سارة
بارك الله فيك يارب
وان شاءالله حبيبة ربي يفتح عويناتك على خير
وتعلمي معانا الكروشيه

تبارك الرحمن