[ مشاركة تشجيعية فى مسابقة تجهيزاتك المطبخيه فى شهر رمضان والعيد] بديل الخبز المرحي او البقسماط من مطبخ لوبا

السلام عليكم ورحمة الله


http://www.libyan-kitchen.com/gallery/images/2wnw.gif

بديل الخبز المرحي هو

الكورنفلكس المرحي


http://www.libyan-kitchen.com/gallery/images/la1010.jpg



طبعا تقدروا تستعملوا اي نوع عادي يخلوا من الفواكه المجففه

و يمكن اصحاب الرجيم


يستعملوا الكورنفلكس المصنوع من الشعير او القمح

طبعا تاخدو كمية مناسبة وترحوها في الخلاط و سرعة خلاطك

ومدة رحيك فيه يعطيك نتيجة الفتات اللي تبيه كبير او رقيق



http://www.libyan-kitchen.com/gallery/images/la1008.jpg



http://www.libyan-kitchen.com/gallery/images/la1009.jpg


هنا يباع جاهز ومطحون وفي نوع خاص للحم يقولوله كريسبي

وكلهم يعطوا نفس النتيجة

استعمالاته ولا غني عنه في


الكنتاكي ومجرب ومعتمد عندي

البفتيك ادا كان رحيك فيه شوية رقيق

الكفتة او الكروكيت

ونتيجته لذيذة ومقرمشة

http://www.libyan-kitchen.com/gallery/images/la1010.jpg


وان شاء الله تلقوا في الموضوع الفائدة

واللي تعرفه نكون ذكرتها بيه بيش تجهزه في رمضان

ماشاء الله لوبا فكرة مميزة فعلاً

نعرفها لكن ما جربتها ولا مرة

بنسألك هل نقدر انتبلها زي الحبزة المرحية أو يفضل هكي بس

مشاركة مميزة فعلاً بارك الله فيك

تستاهلي أحلى نجوووووم

جزاك اله خيرااااااااااااااا

اقتباس:

---

المشاركة الأصلية كتبت بواسطة أمـ ساره

ماشاء الله لوبا فكرة مميزة فعلاً

نعرفها لكن ما جربتها ولا مرة

بنسألك هل نقدر انتبلها زي الحبزة المرحية أو يفضل هكي بس

مشاركة مميزة فعلاً بارك الله فيك

تستاهلي أحلى نجوووووم

---

اهلين ام ساره

ايه تقدري اتبليها او اتبلي الدجاج كيف ماتحبي

اسعدني مرورك وشكرا عالتقييم

اقتباس:

---

المشاركة الأصلية كتبت بواسطة الفالحة الليبية

جزاك الله خيرااااااااااااااا

---

امين يارب ومشكورة عالمرور بارك الله فيك

ماشاء الله فكرة حلوة إن شاء الله انجربها في رمضان بوركتي لوبا .........

ماشاءالله عليك ياغالية
فعلا والله ذكرتيني بيه
وفعلا طعمته مش عادية واضافة روعة
سلم دياتك
وان شاءالله ربي يذكرك بالشهادة يارب
لك احلى نجوم

ماشاء الله نسمع بيها لكن عمري ماجربتها ولا ضقتها
وبعد أنت اديري فيها وجبتيها في خاطري
ان شاء الله جاري التطبيق
تسلم يديك وربي يبارك فيك
لك مني 5 نجوووووم

حلووووه الفكره بارك الله فيك
ماشاءالله عليك وعلي افكارك يا ام الافكار انتي
تسلم الايادي وجاري التطبيق بادن المولي
وليك احلي نجيمات

ماشااااااااااااء الله عليك وعلى افكارك
بصراحه نحبه ونستعمل فيه بس عمره ماخطرلى نجهزه قبل بوقت
جاااااااااااارى التطبيق ان شاء الله
وسلم دياتك

بارك الله فيك

ماشاء الله على هالفكرة الرائعة ... حتى انا نعرفها لكن عمري ماجربتها .. جاري التطبيق ان شاء الله .. سؤال لوبا نقدر نحفظها في الفريز زي الخبزة .. ولك احلى نجمات

فكرة روعة بارك الله فيك

بارك الله فيك لوبا فكرة رائع
ان شاء الله جاري تطبيقها

جزاك الله خير

اسعدني مروركم ووجوودكم ربي يدوم هاللمة الطيبة

بارك الله فيكم

يعطيك العافيه فكره حلوه