[مشاركة في مسابقة تجهيزاتك المطبخية لشهر رمضان والعيد] تجهيز المعدنوس(البقدونس) من مطبخ أمـ ساره
http://www.libyan-kitchen.com/gallery/images/2wnw.gif
السلام عليكم ورحمة الله وبركاته
مشاركة متأخرة سامحوني لكن الظروف والنت التاعب عندي
نبدأ بسم الله
من الحاجات المتعبة جداً بالنسبة لي والي تاخذ وقت طويل
هي تنظيف المعدنوس وتجهيزيه ويوم الخضرة نخمم فيه
لأني لازم نقعمز عليه ونوازيه كويس موسوسة منه هلبة المعدنوس
لما تكون عندي منه كمية كبيرة
http://i1159.photobucket.com/albums/...the/aashab.gif
نوازيه ونقضه ونغسلة كويس وبعدين نفرزه
أو مرات انظفه بدون غسل خاصة لو بنستعمله ثاني يوم
ونحطع في كيس نايلون العادي او الخاص بالتبريد الي يكون سهل الفتح والتغلق
نحط فيه المعدنوس ونفرغ منه الهواء ونسكره ونحطه في الثلاجة ويقعد حتى اسبوع
لونه أخضر وطازج مافيه شيء لمهم من دون غسل أو لو غسلتيه جففيه كويس من الماء واحفظيه
طريقة اليوم خاصة بالتفريز وهي طريقتين بصراحة
الاولى
بعد ما انظفه ونقرضه ونغسله نخليه يجف شوي من الماء
http://i1159.photobucket.com/albums/...he/aashab1.gif
ونحطه في اكياي ونفرغ منه الهواء كويس ونطرحه في الكيس
زي ما واضح في الصورة
http://i1159.photobucket.com/albums/...he/aashab3.gif
وكل ما نحتاج نكسر منه شوي ونرجع الباقي
يقعد لونه أخضر وحتى بنته حلوة المهم ما يقعد برا الفريز هلبة حتى ما يذبل ويتغير لونه
والثانية
نعرفها من قبل لكن ما جربتها اول مرة وفكرت فيها للشربة
وهي نستخدم في مكعبات الثلج نحط فيها حوالي 2 ملعقة صغيرة معدنوس مفروم في كل مكعب
وبعدها نصب عليها مية ولم بنستخدمها ناخذ مكعب او 2 حسب الرغبة
http://i1159.photobucket.com/albums/...he/aashab2.gif
وهذه طرقي في المعدنوس وتقدري تستخدميها مع الكسبر
بس الحبق نحسه صعب شوي لأنه يسود لونه
وان شاء الله تعجبكم مشاركتي البسيطة