[ تمت الاجابة] سؤال عن تتبيلة الدجاج

....السلام عليكم ورحمة الله وبركاته....

حبيباتى كيف حالكم ؟؟؟:D....

بصراحه نبى نسألكم عن تتبيلة الدجاج تبع الزبادى

فى تتبيله بالزبادى الحامض كيف ؟؟....

ياريت اللى تعرف تقولى عليها

تحيــــاتى ...:cool:

Om Amory

السلام عليكم ورحمة الله وبركاته

عزيزتي كيف الحال

تتبيلة الدجاج بالزبادي تأخدي الزبادي تحطيه في صونية وتأخدي معاه ثوم وليم قارص وزعتر والتوابل اللي عندك من قرفة وفلفل أسود وزعتر وتابل تونسي أن وجد وزنجبيل مرحي وحبهان وتعرفي اللي يضيف نكهة حلوة تخلي بنة الدجاج حلوة الزنجبيل الأخضر لكن للأسف مش ديمة متوفر عموما هادي تقريبا الخلطة اللي ندير فيها متع الزبادي .

طبعا تأخدي التتبيلة وتدهكي بيه الدجاج باهي لين اطيبيله كبيدته هههههههههه وتخليه مدة في الثلاجة أو حقه توه شتيه خليه بره لين يمص التتبيلة كويس وتأكلي بالهناء .

هههههههههههههه خلاص تو ندهكه لين يطيب هههههههههه

شكرا حبيبه بارك الله فيك ماننحرم منك ان شاءالله

اهلين حبوبة هاذي الخلطه انك تحطي زبادي وليم قارس
والباقي تتبيلتك اللي تحبيها

يطلع ايهبل
وماتنسي مية البصل والزعتر وصوص الصويا يعطو لدجاج بنة روعه

وبارك الله في أم ميووسة ماقصرت

وينقل للقسم المناسب

مشكوره حبيبتى نواره

http://www.12allchat.com/upload/uplo...acb0839616.gif

اهلا ام عموري ماتقولليش انتي هي اللي في قلب علاء
المهم بالنسبة لتتبيلتي
ناخد صدور الدجاج هدا بالنسبة لسكالوب نحطه في صونية بعد الغسل طبعا نملحه ونخلطه بكوب ياغورث الطبيعي
وشوية خل وخردل والبهارات نضيفله في التابل التونسي طبعا اللي عندي دياري جايبهولي خوي من تونس نبش عليه بصل
وشوية بزار مخلط وجنزبيل واكليل مطحون وزعتر وخليه من ربع ساعة الى ساعة كانك مستعجلة حتى ربيع ساعة باهي لانا اني ديمة مستعجلة تكفيني ربيع ساعة
وبعدين تاخدي صونية صغيرة وتضربي فيها الدحي وتخلطيه بمية التتبيلة وتغرمدي كل قطعة في الخبزة المرحية وبعدين الدحي وبعدين الخبزة وتقلي يطلعلك مش عادي
اما بالنسبة لتتبيلة المشوي ديريله ملح وشوية فلفل اسود وبهارات الدجاج اللي هي التابل التونسي
وليم قارصواميةبصل وخليه راقد في تتبيلته حتى ليلة كاملة وبعدها اشوي وبالهناء والشفاء
غير ابعتيلي منه هههههههههههههههههههههههههههههههههههههههههههههههههه ههههههههه راهو الطريقة مش بلاش

ههههههههههههههه انى اللى فى قلب علاء ههههه قصدك ماعرفتنيش ؟؟؟


صحيتى ان شاءالله تو نديرها

بارك الله فيك حبوبه

وحصتك تو توصلك باهى

نفس خلطه الصبايا بس انا بضيف عليها ملعقه كاتشب بتعطى طعم كثير طيب

شكرا حبيبتى أم عبود

نورتى

ماشاء الله أم عموري

الاخوات ماقصروا معاك

وزي ما قالولك تضيفي لتتبيلتك الزبادي فقط عادي

وباقي الدباير على راحتك وزي ما تحبي انتي وزجك

مشكوره حبيبتى أم ساره

نورتى

اهلا
تتبيلة الدجاج على طريقتى
فى ست البيت بوة على خوة ههههههههه مش عركة مقادير
بصلة متوسطة وفصوص ثوم وكمون ورشة فلفل اكحل ورشة زعتر وملح وزنجبيل وكوب زبادى اولبن النسيم يطلع روعة وعن تجربة وزيت زيتوون ولاتنسى اكليل الجبل مهم جدا شوى وتفركى الدجاجة نين اتقول خلاص وتطعنها فى اوركاة اللى اتجنن وفى صدرة اللى ايهبل وتترك ساعة ثم فى الكيس البلاستك وعلى الفرن والطعم خيال
ومثل هذة الطريقة نعمل الراس

ماشاء الله البنات ماصرو معاك

http://www.libyan-kitchen.com/kitche...t-top-left.gifاقتباسhttp://www.libyan-kitchen.com/kitche...-top-right.gifhttp://www.libyan-kitchen.com/kitche...ot-by-left.gifالمشاركة الأصلية كتبت بواسطة السمحةhttp://www.libyan-kitchen.com/kitche...t-by-right.gifhttp://www.libyan-kitchen.com/kitche...p-right-10.gifاهلا
تتبيلة الدجاج على طريقتى
فى ست البيت بوة على خوة ههههههههه مش عركة مقادير
بصلة متوسطة وفصوص ثوم وكمون ورشة فلفل اكحل ورشة زعتر وملح وزنجبيل وكوب زبادى اولبن النسيم يطلع روعة وعن تجربة وزيت زيتوون ولاتنسى اكليل الجبل مهم جدا شوى وتفركى الدجاجة نين اتقول خلاص وتطعنها فى اوركاة اللى اتجنن وفى صدرة اللى ايهبل وتترك ساعة ثم فى الكيس البلاستك وعلى الفرن والطعم خيال
ومثل هذة الطريقة نعمل الراس
http://www.libyan-kitchen.com/kitche...t-bot-left.gifhttp://www.libyan-kitchen.com/kitche...-bot-right.gif

هههههههههه يعطيك الهنى صار بوه على خوه

مشكوره حبيبه تو نجربها ان شاءالله

http://www.libyan-kitchen.com/kitche...t-top-left.gifاقتباسhttp://www.libyan-kitchen.com/kitche...-top-right.gifhttp://www.libyan-kitchen.com/kitche...ot-by-left.gifالمشاركة الأصلية كتبت بواسطة الساجدة للهhttp://www.libyan-kitchen.com/kitche...t-by-right.gifhttp://www.libyan-kitchen.com/kitche...p-right-10.gifماشاء الله البنات ماصرو معاك http://www.libyan-kitchen.com/kitche...t-bot-left.gifhttp://www.libyan-kitchen.com/kitche...-bot-right.gif

ايه يعطيكم الصحه كلكم