السلام عليكم ورحمة الله وربركاته
اخواتي اليوم عندي ليكم طريقة خبزة مش عادية طعمتها روعة وطريقتها ساهلة ومش مكلفة وكل بيت موجود فيه المقادير
انا شخصيا انفضلها عن خبزة السوق ومحسناتها والي امشجعني عليها انها نقدر نستخدمها سندويشات مع الشوربات وع الطواجين يعني مع كل شي وسهولة تحضيرها
المهم منكترش الدوة ونقوللكم علي المقادير والطريقة
المقادير :
دقيق+ملح +ماء فقط وطبعا انا منحطش بمقدار يعني عيني ميزاني وهي نفس خوات الفطيرة اليبية يعني كانك بديري فطيرة
نخلط الماء وملح مع بعض
http://www.nsaayat.com/up/uploads/nsaayat6c93a99088.gif
وانسكب عليه الدقيق
http://www.nsaayat.com/up/uploads/nsaayatd399b97829.gif
لين نتحصل علي عجينة متماسكة متلصقش لا في اليد ولا في الصونية
http://www.nsaayat.com/up/uploads/nsaayat7ac33769ad.gif
وبعدين انكورها كويرات مش كبيرة ومش صغيرة
http://www.nsaayat.com/up/uploads/nsaayatdb9630a638.gif
وبعدين انرش الرخامه بشوية ودقيق ونفرد عليها احد الكور العجين بعد منخليها ترتاح شوية وتكون مش غليطة هلة ومش رقيقة هلبة لان لو غليطة مطيبش زين ولو رقيقة حتتكسر منك وتيبس
http://www.nsaayat.com/up/uploads/nsaayat4140e4af22.gif
وبعدين انكون امسخنين الطاوة علي النار وانحط العجين عليها لين تتحمر متكونش النار عالية هلبة حتي متنحرقش ومطيبش زين
http://www.nsaayat.com/up/uploads/nsaayatcb7e477294.gif
وبعدين نقلبها علي جهه التانية
http://www.nsaayat.com/up/uploads/nsaayatce43346978.gif
شوفوها كيف تتنفج امممممممممممم روعه
http://www.nsaayat.com/up/uploads/nsaayat6154396237.gif
وهدا المقدار كله بعدما طابت واصبحت جاهزة
http://www.nsaayat.com/up/uploads/nsaayat74c6b54a87.gif
زووووووووووووووووم
http://www.nsaayat.com/up/uploads/nsaayat68b9b301d7.gif
وهدا صورة عشانا انا شنبيري ربي يحفط هولي خبيزاتي وفاصوليا ومسيرة وجز المخلل وزيتون وسلاطه خضرة وامبطن
http://www.nsaayat.com/up/uploads/nsaayat5d327c09c0.gif
http://www.nsaayat.com/up/uploads/nsaayat5631e084bf.gif
وان شاء الله يعجبكم موضوعي وخبيزاتي وانكون فدتكم بيها وتجربوها
في امن الله