حبيباتي تعالوا أنقوللكم حاجه .................................................. .....................................!

خيرات شن الأخبار شرفتوا موضوعي
حبيباتي نبي نقترح عليكن نعاودا قروب الرجيم عشان نتشجعوا ونساعدوا بعضنا بالدعم النفسي لأني ما نحكيلكن :rolleyes: ن بعد جيبتي لبنتي زدت زيده مريعه:( وماقدرتش نستمر في رجيم بروحي وحابه ننقص ونرجع مثل أول وقلت بيني وبين نفسي ماليا إل حبيباتي فها المنتدى توا أنشورهم ونشوف:) بلكي يوافقوا ونكون مجموعه ويطرح فيها ربي البركه وتكون فاتحة خير لنا على أبواب الرشاقه هاه شنوا رايكم وحبيت بعد العيد الله يعيدا علينا بالخير والصحه والعافيه والأمن والأمان عشان ناخدو راحتنا أيام العيد وبعدين نبدا فنبي رايكم في الموضوع والسلام

عادى سنابل من قبل كانت فضاوى مدايره قروب للرجيم وشاركنا وتفاعلنا معاها كلنا وشجعنا بعضنا

وانا معاك فى هالموضوع مش شرط الرجيم لانقاص الوزن الرجيم حتى للصحه

انا معاك يااختي سنابل بس اصبري عليا نين انحط الي بطني قبل هههههههه خلاص انا في شهري تو

وبعد الولاده انشاء الله حنكون معاكم انا لازم اندير رجيم بعد كل ولاده لان انزيد هالبه

فكرة رائعه وجت في وقتها معاكم بادن الله
ام امير ربي يسهل عليك

اوكي سنابل فكرة حلووووة
بس مش معاكم كان يفتحوا قروب نزيدوا تو نشارك
موفقين يارب بس ياريت اتنزلوا اكلكم الصحي في قسم اﻻركان الصحية
ومرة ومرة حندعمكم بطبق صحي ان شاء الله

وكل عام وانتم بخير واﻻمة اﻻسﻻمية بخير وامن وامان

اقتباس:

---

المشاركة الأصلية كتبت بواسطة نسمه ليبيه

عادى سنابل من قبل كانت فضاوى مدايره قروب للرجيم وشاركنا وتفاعلنا معاها كلنا وشجعنا بعضنا

وانا معاك فى هالموضوع مش شرط الرجيم لانقاص الوزن الرجيم حتى للصحه

---

يعطيك الصحه حبيبتي تسلمي يالغاليه عارفه لأني بديت فيه من قبل أمعاكم بس ماكملتش لظروف بس أنشالله نستمروا المرة هادي
وحتى أني ماعندي رجيم مخصص نحب تخفيف واكل صحي

اقتباس:

---

المشاركة الأصلية كتبت بواسطة ام اميرولمار

انا معاك يااختي سنابل بس اصبري عليا نين انحط الي بطني قبل هههههههه خلاص انا في شهري تو

وبعد الولاده انشاء الله حنكون معاكم انا لازم اندير رجيم بعد كل ولاده لان انزيد هالبه

---

ربي يعطيك صحيحتك ويسهل عليك وما يحرمني ردودك الحلوة

اقتباس:

---

المشاركة الأصلية كتبت بواسطة أم خديجه

فكرة رائعه وجت في وقتها معاكم بادن الله
ام امير ربي يسهل عليك

---

ربي يبارك فيك وتسلمي عالتشجيع

اقتباس:

---

المشاركة الأصلية كتبت بواسطة luba

اوكي سنابل فكرة حلووووة
بس مش معاكم كان يفتحوا قروب نزيدوا تو نشارك
موفقين يارب بس ياريت اتنزلوا اكلكم الصحي في قسم اﻻركان الصحية
ومرة ومرة حندعمكم بطبق صحي ان شاء الله

وكل عام وانتم بخير واﻻمة اﻻسﻻمية بخير وامن وامان

---

تسلمي يالغاليه ربي يحفظك وأفتكيتي حبيبتي من الوزن الزائد ويللا أتحفينا بأطباقك الحلوة

السلام عليكم ورحمة الله وبركاته
كيف حال الحلوات وشن أخباركم هاه مش المفروض نبدوا
بالنسبه لي اليوم ما ركزتش في الرجيم واجد يعني تخبيص
ومع هدا نكتبه
الفطور كوب شاي بحليب التخبيص (فيه سكر)+ربع خبزة شعير+كوب عصير أناناس بدون سكر
الغداء طرفين كوسه وطرف فلفل محشي +2ملعقه كبيرة طباهج+ربع خبزة
سناك كوب عصير أناناس+تفاحه +كوب شاي أعشاب (زنجبيل "شاي أخضر"نعناع"بردقوش)ملعقه كبيييييييييييييييييييييره مكسرات مشكله (بصراحه ماقدرتش نمسك روحي )
العشاء 3ملاعق مثروده زرتني عليها عمتي لازم أندوقها هههههه
وكوب شاي أعشاب وربع ساعه مشي
وووووووووووووووووووووووووووبسسسسسسسسسسسسسسسسسسسسسس سسسسس
هاه شن رايكن بس أول يوم بس من بكره إن شاء الله نلتزم

الموضوع قديم شوية لكن حبيت نشارك
بالنسبة ليا الريجيم القاسي مانحبه ولا مقتنعة بيه
زي برنامجك هذا كويس بدون حرمان
ماكلة شوية شوية وأهم حاجة الرياضة
وحتى أنا بعد الحمل والولادة زدت 15 كيلو :eek:
نقصت 8 ومازال خاطري ننقص
لو بترجعو تفتحو قروب أنا معاكم