http://i1263.photobucket.com/albums/...iy1985/juj.gif
السلام عليكم ورحمة الله وبركاته
طريقتي في البطاطا المبطنة حبيت نوريها لكم
المقادير :
عصاج مفروم مكون من :
مفروم لحم عجل أو قعود وممكن حتى بالدجاج ( استخدمت مفروم عجل وجربتها من قبل بالدجاج الحق تهبل )
زيت + بصلة كبيرة مفرومة + نص ربطة كسبر وزيها معدنوس + طماطم معجون + توابل ( ملح / فلفل أكحل / حرارات / كمون حوت )
بيض + خبزة مرحية + بطاطا + ثلاث فصوص ثوم
الطريقة :
نخلط كل حاجات العصاج الا كمون الحوت والثوم ونرفعه على النار مع نص كوب مية ونخله لغاية ما يجف
نطفي النار ونضيفله الثوم وكمون الحوت ونخليه يبرد شوي ونضيفله البيض ويكون حسب الكمية متاع العصاج
انا اضفت اربع بيضات لان الكمية واجد وضيفيلها الخبزة المرحية عشان الحشوة ما تطلع من البطاطا في الزيت
http://up.arabseyes.com/uploads/09_08_1213444817311.jpg
وقت ما العصاج عالنار جهزت البطاطا قشرتها وقسمتها كل حبة بطاطا اربع شرائح وكل شريحة فتحتها من واحد من الاجناب
http://up.arabseyes.com/uploads/09_08_1213444817312.jpg
لو لاحظتو فتحتها على طولها من جنب وخليتها ممسوكة من حافة الجنب الثاني
نملاها بالحشوة
http://up.arabseyes.com/uploads/09_08_1213444817323.jpg
ما تنخلعوش من الكمية درت 60 طرف ربي يزيد ويبارك
خلطت خبزة مرحية مع دقيق وخلطت البيض مع شوي فبفب اكحل
غمست الفم المفتوح في البيض بعدين في الخبزة وقليتها في زيت غريق وساخن والنار قوية في البداية بعدين متوسطة
رفعتها على ورق تصفى من الزيت وهدي النتيجة
http://up.arabseyes.com/uploads/09_08_1213444817324.jpg
http://up.arabseyes.com/uploads/09_08_1213444817325.jpg
في أمان الله