http://islamroses.com/zeenah_images/1137114121_3.gif
عرض للطباعة
ما شاء الله لا قوة الا بالله عليك
شرح وااااااااااااااااااااااااااافي للفتات
رغم اني عمري ما ضقته و لا جربته
لكن انتي شجعتيني انديره
الله يحفظك من كل شر
و يبارك فيك و في عيلتك
أهاااااااااااااااااااااماشاء الله لا قوة إلا بالله
فتات ولا أروع
كان سخر ربى حيكون غداى اليوم
بس عندى سؤال لما اطيبى طبقتين العجين اللى لاصقات فى بعضهن من فوق ومن لوطة و بعدها تفصليهن، حيكون الجهة الأخرى من كل طبقة مش متحمرة. هل انحمروهن أو نتركوهن هكى؟؟؟؟
يا ريت اللى عندها فكرة اتجاوبنى توا لأنى نبى اندير غداى بعد لحظات و لأن الأخت أم سوما ليست متواجدة
تسلم ايديك أختى الكريمة
أشواق لا ماتحتاجيش تحمريهم
أصلا كل ماكان التحمير أقل يعني نجاح الفتات.... والجبالية يديرو فيه أبيض أبيض لكن في نفس الوقت طايب ماشاء الله أبدعو فيه بصراحة
صحتين على قلوبكم أشواق
ماشاء الله واحويتة عليك يا ام سوما
والله الا ابدعتي وبصراحة ايهبل
وبالتوفيق
شكرا شكرا أختى طمطم....الحمد لله ...جا فتات مية المية (ههههه شكّارة روحها :d )
لا لا ما حمرتاش وفعلا ايجى ابيض لكن طايب
بوركت أختى
يسلمو كومايات كومايات أم سوما
أنا عزوزتي من مصراته وترمي في فردات الفتات على طاجين فوق النار ويكون رطب مش ناشف
اليوم كان عشانا فتات بس نديروا معاه في شريبة عربية
نفتتوه ونسقوه بيها
ماشاء الله
انا نعرف الفتات الفزاني وطريقته محتلفة شويا
بس الباين فتاتك لذيذ جدا
سلمت يداكِ
تسلم ايديك وتطبيق حلو.. شكله يشهي ومايبيش شي معاه لا سلاطة ولا كفته
عمري ما ذقته بس ان شاء الله حنجربه بعجينة المورقة نحسه يجي منها عادي..