[استفسار] مشكلة في اضافة موضوع جديد

كتبت مشاركة ونبي نشارك بيها لكن تطلع الرسالة هادي

حدثت الأخطاء التالية عند الإرسال

• النص الذي أدخلته كبير جداً (89814 حرف). الرجاء أجعلة أقصر إلى 40000 حقل كحد أقصى.

ارجو الرد عليا بسرعة قبل انفصال التيار الكهربي ويضيع كل اللي كتبته

اهلين بيك يجب استخدام الانتقال لي الوضع المتطور بدل الرد السريع وادا موضوعك فيه صور يجب تصغيرها بواسطة الرسام وكل هده المواضيع التصغير وغيرها تلقيها في الدعم الفني مواضيع متبته

أول شيء وخيتي انسخي الموضوع في ملف نصي (تكست) واحفظيه

حتى لو هرب الضيء تلقيه محفوظ ان شاء الله

وثاني شيء

موضوعك طويل وأحرفه هلبة

لذلك فقسميه على 2 اكتبي لحد ما يقبل عدد الاحرف والي هي 4000

وبعدين ديري اضافة رد بالانتقال للوضع المتطور وكملي فيه باقي الموضوع

وان شاء الله نشوفوا موضوعك قريب أختي

والله حاولت لن عيوني تعبوا ومافيش فايدة

لما قسمت الموضوع زي ماقالتلي الأخت أم سارة طلعتلي رسالة تقولي رسالتك قصيرة جدا

الباين ماعنديش نصيب نشارك معاكم

شكرا عالجهود المبدولة في المنتدى

والسلام عليكم

حبيبة الرسالة تطلع لك لما بتضيفي الموضوع أو الرد

لو الرد لازم تستخدمي الانتقال للوضع المتطور حت يمشي ردك

ولو الموضوع غريبة لأن هلبة ينزلوا في مواضيع وما فيه مشكلة

ان شاء الله تحاولي وتنجحي اختي

نحن نبو نكسبوك معانا

عطر

كلامك غريب

ليش نحن عادي نزلوا في مواضيع

شوفي مواضيعي طويلة ورغم هذا مفيش مشكلة تنزل عادي

فيه خطأ منك

حاولي تكتبي الموضوع وحدة وحدة هني

وبعدين حطي الروابط

حاولي ما تأيسيش

شفتى يا عطر ليبيا,كلنا نتمنوا انشوفوا مشاركاتك,وبالعكس دائما حاولى حتى تصلى الى ما تريدى,وعلى قولت زينب لا تيأسى,ابدا بحاجه بسيطه,ونحن بإنتظارك,خوذى راحتك أختى.

علي حسب مافهمت توا مشكلتك انت والله اعلم في العنوان حاولي تتاكدي من العنوان يعني مايكونش فيه مسافة من الاول لان اني من بداياتي تعرضت لهكي مشاكل وطلعت نفس الشي في العنوان

مشكورات الاخوات ماقصرن