عرض للطباعة
عندي عجينة بف باستري جاهرة .ماعرفت استعمالها.كيف نفردها . وكيف نشكلها
وعندي جيلاتين بودرة نذوب ملعقتين في كوب ماء مغلي .يجي مني مش صافي ومايلمع يعني مش شفاف. وطعمته فيها زخمه مش طيبة تخرب الطعم هل ممكن نضيف منكه .ع فكرة محتفظه بيه في الفريزر
وشكرا مسبقا واسفة ع الاطالة
مرحبا اختي خواطربالنسبة لعجينة البف باستري حسب علمي وعلي حسب مانشوف فيه في التلفزيون تفرديها زي اي عجينة عادية بس ماتضغطي عليها واجد بيش تبان طبقاتها بعد الخبز وبالنسبة للتشكيل شوفي مواضيع المنتدى
او دوري قي القوقل
ام الجلاتين ما عندي عليه فكرة لاني عمري مااستعملته ان شاء الله بعض الاخوات يفيدوك لانه عندهم خبرة اكثر مني
اهلين خواطر يا مية مرحب
بالنسبة للعجينة عندنا اهني في قسم المعجنات العالمي
هلبه طرق لتشكيلها باشكال حلوة وجديدة و سريعه وسهلة
اكتبي في البحت باف باستري ويطلعلولك
واما الجلاتين الباين انه فات وقته او من الفريز فسد
لانه مافيشي اي ريحه مش حلوة
او ممكن لايحتفظ فيه في الفريز وتلقي علي الباكو بره اماكن حفظة واظن مش في التلاجه نهائي بره منها
السلام عليكم
بالنسبة لعجينة البف زي ما ردوا عليك أخواتي
ام بالنسبة الجيلاتين هلبة اذوبيه في كوب ماء هو كل 3 ملاعق تذاب في ربع كوب ماء مغلي
او تضعي الجيلاتين في ربع كوب ماء عادي لمدة 10 دقائق ثم تضيعه في قدر على نار هادية جداً حتى يذوب وعلى العموم هو لازم تصفيه للضمان
ام بالنسبة لرائحته أو طعمته عادي صح هيا مش حلوة لكن بمجرد ما أضيفها للحلو اللي بديريه فتختفي يعني ماتخفيش منها وبالنسبة للحفظ مش ضروري الفريز عادي الثلاجة أو حتى برى
ام عيسي _لوبا _الصابرة _خوانتي بارك الله فيكن والله ماقصرتن ....
والله احلي منتدي وديما نلقي فيكن وقت الفزعة .بارك الله فيكن وشكرا جزيلا