السلام عليكم ورحمة الله وبركاته
http://www.libyan-kitchen.com/gallery/images/pyppyp.gif
اتيت ورائحة الكسكسي بالحوت تملاء ارجاء المطبخ وقلت لازم انضوكم منه
لانه كارتة في عالم الطبخ بصراحة انا مع العبارة التي تقول اللي ماجاش ليبي
فاته الكسكسي كله احم احم اقصد الجو كله هههههههههههه
سريعا للمكونات
كسيكسو على عدد افراد الاسرة
حويتات اللي موجودة عندك بالبيت ويفضل الفروج
انا مكانش عندي فروج فااستعملت نوع تاني
توم ، زيت ،طماطم معجون، عصير طماطم
فلفل احمر بودرة حار، وكركم ،كمون حوت
فلفل اخضر حار .
الطريقة
نقلي الفلفل الاخضر في الزيت في الطنجرة وانا استعملت نوعين زيت
http://upload.traidnt.net/upfiles/vSZ88293.jpg
http://upload.traidnt.net/upfiles/TaG88346.jpg
زيت الذرة وزيت الزيتون لاني نعشق طعمته
وبعدين وضعت الثوم إلى أن تخرج الرائحة متع الثوم وتحسي روحك جعتي بالحق ههههههه
http://upload.traidnt.net/upfiles/UxM88406.jpg
http://upload.traidnt.net/upfiles/M8C88455.jpg
بعدن اضيفي عصير الطماطم والمعجون وتخليهم شوية واضيفي البهارات وتزيديهم كمية امية
وتخليهم يغلو.
http://upload.traidnt.net/upfiles/flO88519.jpg
http://upload.traidnt.net/upfiles/n4988567.jpg
بعدين زيدي كمية الماء وضيفي الحويتات
وخليهم يغلو وبعدين نقصي النار وخليهم لعند مايطيبو وبعدين حوليهم .
في هالوقت اقلي بطاطس وقرعة وبالدنجان وفليفلات حارات
وتعالي توا وحطي الكسكاس فوق المرقة وحطي الكسكسي
وخليه مايطيب وبعدين حببي الكسكسي بالدهان اللي طالع من المرقة متع الحويتات
http://upload.traidnt.net/upfiles/NBv88627.jpg
http://upload.traidnt.net/upfiles/kUA88676.jpg
وخليه يتشرب شوية وبعدين سقي الكسكسي وستفي البططا والقرعة
وحطي الحويتات
هدا تبسي اخي لانه كان متغدي عندي اما تباسي العويلة مالحقتش انصورهم لان ماشاء الله
التمشيط بدوه بكري بكري حتى انا مالحقتش عليه وكليت مع خوي وداعكته فيه ههههههههه
http://upload.traidnt.net/upfiles/kGq88755.jpg
وصحة وهنا على قلوبكم غالياتي