[مشاركة في مسابقة سلطات ومقبلات عيد الاضحى 2013]شكشوكة الخضرة ع البخار من مطبخ ام عبسي
http://www.libyan-kitchen.com/gallery/images/juj.gif
السلام عليكم ورحمة الله وبركاته
مش عارفة اذا كان نقدر انخش بيها المسابقة او لا لاني كتبت اني مشتركة لااحم ولاتستور وانتم ليكم القرار ياحلوين:)
نبدو بسم الله
المقادير
-كوسة/باذنجان/بطاطا/فلفل حلو وحار/كرنب زهرة/ جزر/بصل/ثوم/طماطم/معدنوس
وزيدي او نقصي من الخضرة كيف ما تحبي او حسب المتوفر عندك
-زيت زيتون
-ملح/فلفل اكحل/زنجبيل/كروية/كركم
-ملعقة صغيرة طماطم معجون
-عصير ليمون
-علبتين سردين
الطريقة
-قطعي حبات الخضرة كلها بشكل طولي يعني جوانح واذا كان بعض الحبات طويلة زي الكوسة والباذنجان قصيها بالنص وبعدين بشكل طولي
-حطي الخضرة في الكسكاس ما عدا البصل والثوم والفلفل والطماطم وخليها اطيب ع البخار وطبعا حسب ما تحبيها انتي اذا كان تبيها اطيب واجد او لا
http://www.libyan-kitchen.com/galler...2013111710.jpg
http://www.libyan-kitchen.com/galler.../201311lil.jpg
-حطي طنجرة او طاجين ع النار وحطي فيه شوية زيت زيتون وحطي فيه البصل والثوم والطماطم والفلفل ويادوب يتحمسوا او يذبلو شوي ونحط عليه الحرارات والطماطم المعجون ونطفي عليه النار
http://www.libyan-kitchen.com/galler.../201311svs.jpg
-وبعد مانزلناه من النار على طول انحط علي علبتين السردين والمعدنوس والخضرة بعد ما طابت
http://www.libyan-kitchen.com/galler.../201311hyh.jpg
-ونخلطها بشويه بيش ماتنهرس ويضيع منظر الخضرة وصحتين وعافية
http://www.libyan-kitchen.com/galler.../201311qeq.jpg
جربوها والله طعمتها مش عادية وفوق من هذا صحية(ننفع للدعاية والاعلان صح:cool:)
في امان الله وحفظه
