[إستفسار ] عن الرسائل الخاصة والزوار وطرق الاقتباس

السلام عليكم ورحمة الله تعالى وبركاته
كيف حالكم جميعا
عندي سؤالين نبي الجواب عليهم
الأول كيف نعرف إن رسائلي الخاصة وصلو للشخص إللي بعتهمله لأني مرة من فترة بعتت رسالة لأم سارة وموصلتهاش وكررت الإرسال أكتر من مرة بدون فايدة ومن أسبوع بعتت لمغتربة وتوا للصابرة كيف نعرف إنهم استلمو السائل يعني شن نلقا في لوحة التحكم امتعي تنبهني بالوصول

التاني كيف نستعمل الإقتباس والإقتباس المتعدد لأني نضغط علي الإقتباس ميطلعلي شي
التالت ليش بعض العضوات منلقالهمش في صندوق بيش نكتب فيه رسالة زوار كانت عندي المشكلة هادي مع لوبا وبعدين انحلت بروحها وتوا عندي مع مغتربة والساجدة لله وبارك الله فيكم جميعا

شوفي حبيبة بالنسبة للرسائل الخاصة


تقريباً لازم يكون عندك عدد مشاركات معين حتى تقدري ترسلي الرسالة

وان شاء الله زوبة تزيد تفيدك بالموضوع

أما بالنسبة كيف تتأكدي ان الرسالة وصلت بصراحة ما نعرفها

لكن فيه خيار ان يجيك تبليغ بأن الشخص استلم الرسالة وهذا تفعليه قبل ما ترسلي




أما بالنسبة للإقتباس

حتى اني ما يمشي معاي وتقريبا هذا المشكلة حتنحل لما تنحل مشكلة الرد السريع




بالنسبة لرسائل الزوار

لما ما تلقي مربع الكتابة معناها العضوة مش مفعلة الرسائل عندها

أو لاغيتها وما تقدري ترسلي لها الا لما تفتح هالخاصية عندها



ان شاء الله قدرت نفيدك شوي وخيتي

وهذا الي نعرفه

اهلين بي لوتي

بصراحة مانقدرش انفيدك الا بالاقتباس

وهو انك اديري كلك ايمين علي الاقتباس
واديري فتح صفحة جديدة تفتح جنب الاولي
وتكتبي تحت الاقتباس
اعتقد كل الايقونات بالطريقة هادي
بس اني مجربه الاقتباس بس
ان شاء الله فمهتي عليا

أهلين أم سارة بالنسبة للرسائل الخاصة كيف إنفعل التبيليغ
أما الباقي فهمته مشكورررة علي الرد
أهلين لوبا مشكورة علي الرد توا انجرب وانقولك
بارك الله فيكم

بالنسبة لتأكيد طلب الاستلام

تجدي تحت صندوق الكتابة بعد الايقونات وتحت اعتمد الرسالة

خيارات منها خيارات اضافية

اعملي كليك في المربع الموجود امام الخيار الاول وهو:

طلب الإعلام والتبليغ بقراءة الرسالة الخاصة حين يقرأها المستلم؟

بالنسبة لرسائل الزوار للمنتسبات مقفلة اما بالنسبة للمراقبات فهى مفتوحة

الا اذا كانت المراقبة اقفلت رسائل زوارها

او انت فاتحة صفحة ملفها الشخصي على المعلومات وليس على رسائل الزوار

اما الاقتباس فيوجد به مشكلة مثل الرد السريع

ماشاء الله البنات ما قصروا

عندك حتى الصندوق الرسائل الصادر والوارد

ماشاءالله
فهمت هلبة حاجات والفضل لسؤالك يالوتي

بارك الله فيكن وجعله في ميزان حسناتكن ماقصرتن