http://www.libyan-kitchen.com/gallery/images/gdfdi.gif
السلام عليكم
اليوم جايبتلكم طريقتنا في الفتات اكيد الاغلب بتكون غريبة عليهم الطريقة
ولكن الطعم مش عادية
افكرة في طريقتنا للفتات انك بتجهزي مكرونة امبكبكة وتكون المكرونة اسباقيتي ورقيقة رقم (1) وجارية
وتقطعي الفطيرة الى قطع صغيرة وبعدها اتديري لها دهان من الطبيخة وسمن وقرفة وتحركيها
وهذي الطريقة
بتجهزي فطيرة لاستعمالها للفتات
اني مش امصورة طريقة الفطيرة ولكن هي الطريقة العادية
اللي بتعجني عجينة متكونة من دقيق وملح وماء وبتقطعيها الى كرات صغيرة ثم تخليها ترتاح
وبعدها تلصقي كل كرتين بخليطم من الدقيق وزيت الزيتون وتخليها ترتاح وبعدها تفرديها رقيقة واتطيبيها عالنار
طريقة الفتات
اولا الطبيخة
بصلة متوسطة مقطعة مكعبات صغيرة
زيت وتكون الكمية اكثر من المعتاد استعماله بشوية لانه نبوا الدهان متاع الطبيخة بعدين للفطيرة
ملح فلفل احمر بزار وحرارات ومعجون طماطم
لحم قطع حسب العدد
نقطع البصل ونحطه مع الزيت في طنجرة ونخليه يذبل
ثم نضيف عليه الملح والفلفل وابزار والحرارات والطماطم
http://im19.gulfup.com/07561.jpg
بعدها انضيف اللحم ونقلب
http://im19.gulfup.com/SNlH2.jpg
نضيف ماء ونخلي اللحم الى ان ينضج
هذي المكرونة اللي استعملتها سبيقة رقم 1 اسباقيتي
http://im19.gulfup.com/yOWq3.jpg
هذي الفطيرة قطعتها الى قطع صغيرة
http://im19.gulfup.com/Kk9A4.jpg
وبعدها ناخد دهان من الطبيخة ونحط له سمن وطني
http://im19.gulfup.com/gUro5.jpg
نرش الفطيرة بالقرفة ونرشها بالدهان مع السمن
http://im19.gulfup.com/CjsY6.jpg
نقشر بطاطا ونقطعها بالطول الى قطعتين
ونحطها في المرقة ونخليها اتطيب
بعدها انطلع اللحم والبطاطا من الطنجرة ونحط المكرونة بعد تكسيرها ونخليها اتطيب وتكون جارية ومش ملتصقة في بعضها
في الاخير
نضع طبقة من الفطيرة في صحن التقديم وطبقة مكرونة
http://im19.gulfup.com/hjAf7.jpg
ثم طبقة ثانية من الفطيرة وطبقة مكرونة
http://im19.gulfup.com/9yOr8.jpg
وبعدها انحط اللحم والبطاطا عالوجه ونرش عليها شوية دهان وقرفة
http://im19.gulfup.com/yETz9.jpg
ونسيت البيضة في الاخير تفكرتها
البيضة تكون مسلوقة ومقشرة ونغطسها في الدهان
http://im19.gulfup.com/ytVe10.jpg
وهذي طريقتنا وياربي تعجبكم