[ مشاركة في مسابقة تجهيزاتك المطبخية لشهررمضان والعيد] تجهيز ورق السلك من مطبخ بنت حواء

http://www.libyan-kitchen.com/gallery/images/3qwq.gif


هذي طريقتي في تجهيز ورق السلك لرمضان
والحق ندير فيها كل سنة والسبب؟؟
لأن أصعب حاجة عندي لما بندير (البراك/الضولمة)
هيا تقطيع وغسل وطبخ السلك على النار
فأنا نجهز فيه باش نرتاح من الخطوات هذي في رمضان

وفي سبب تاني واللي يخلي فيا ندير فيها حتى في غير رمضان مرات
أن الخضروات الخضراء بالعموم تفقد هلبة من فوائدها لما تطبخ على النار ويتغير لونها
ولهذا الطريقة هذي تخلي السلك محتفظ بفائدته بإذن الله

سامحوني طولت عليكم وهيا نخشو للموضوع


تابعو الصور:

https://a.top4top.net/p_864eqr5h1.jpg

http://im32.gulfup.com/f5Ffj.jpg

نقطع الورقة الصغيرة على 2 والورقة الكبيرة على 4

https://e.top4top.net/p_8646w3y91.jpg


https://c.top4top.net/p_864jr8lc1.jpg


الجزء الممزق من الورق نقطعه رقيق

https://a.top4top.net/p_864lg7zr1.jpg


هذي ورقات السلك بعد التقطيع:

https://b.top4top.net/p_864e4yqj1.jpg

http://im31.gulfup.com/7vCbU.jpg

نغسلها بالورقة :eek: ونصفيها ونحطها على مفرش نظيف

https://d.top4top.net/p_864iseiz1.jpg

http://im32.gulfup.com/DQozw.jpg

والورق المقطع رقيق نغسله في صفاي ونخليه نين يجف

https://b.top4top.net/p_864h2vwf1.jpg

http://im32.gulfup.com/Rh2UB.jpg

وبعدين نبدا في التكييس
طبعا أنا استعملت النايلو اللاصق متاع حفظ الأطعمة الجاهزة
نفرد النايلو ونحط في الوسط مجموعة ورقات مرتبة فوق بعضها

https://c.top4top.net/p_864t9eou1.jpg

http://im33.gulfup.com/kp78U.jpg
نلفها مع شوية ضغط ونسكر الجوانب

https://f.top4top.net/p_864lmxam1.jpghttp://im39.gulfup.com/anKmz.jpg


وكل لفة من اللفات هذي نحطها في كيس عادي متاع فريز
ويمكن من البداية ينحط في كيس عادي

والورق اللي قطعته رقيق وجف من اميته
نحطه في كيس في الفريز نخليه للحشوات والمعجنات اللي بالسلك

https://e.top4top.net/p_864igpio1.jpg


ولأني متعودة نفرش للبراك في الطنجرة العروق متاع السلك
فحبيت حتى توا نغسلهم ونقطعهم ونفرزهم :o

https://b.top4top.net/p_8649sb2p1.jpg

http://im39.gulfup.com/uBlYU.jpghttp://im42.gulfup.com/aK5Qi.jpg
(بدون تعليق) :rolleyes:

وهذا السلك في الفريز جاهز للحشو
وبعد يثلج ونطلعه يفتر نلقاه طري ومايحتاجش طبخ
يعني نلفه طول

https://d.top4top.net/p_864ktqcg1.jpg


https://b.top4top.net/p_8646mqdh1.jpg

http://im40.gulfup.com/xcunX.jpg

ان شاء الله تعجبكم الفكرة وتلقو فيها الفايدة
وكل عام وأنتم بخير
سلااااااااااااام

ماشــــــــاءالله
فكره رااااائعه وتهبببل
عجبتني يا بنوته واول مره نعرفها بارك الله فيك وان شاءالله اكيد حنطبقها
تسلمي وللاسف التقيم مباش يمشي
لي عوده ان شاءالله

ماشاء الله على الافكار الحلوة

شفتهاالطريقة في التلفزيون زمان لكن ما طبقتها

بجد بنوتة مشاركة مميزة جداً جداً حبوبة

وخلي نزيدك معلومة بالنسبة لعيدان السلك

عزوزتي تنظفهم وتقرضهم أصغر شوي منك

واذبلهم في زيت زيتون وبعدها اضيف لهم ملح وثومة

وتاكلهم حتى من غير خبزة عادي


تستاهلي أحلى نجوووووم وللأسف التقييم ما يمشي

بارح الله فيك وجزاك كل خير

تسلمو ياحبوبات على المرور والنجوم
مشكورة على المعلومة المفيدة ياأم ساره
بارك الله فيكم

ماشاااااااااااااء الله عليك
ديمه شغلك مرتب ويسههههههههههف
انا كنت نعرف انه يفرز لانى نلاقى فيه فالمحلات هنا هوا وورق العنب بس بصراحه اول مره نعرف الطريقه
بااااااااااااارك الله فيك وعجبتنى الطريقه ساهله جااااااااااارى التطبيق ان شاء الله

تسلمي
مشكورة علي الصور والشرح

بارك الله فيك

بارك الله فيك ياوخيتي وتسلمي على الفكرة الحلوة وان شاء الله اليوم بنجربها وليك افضل تقييم.....

ﻣﺎﺷﺎﺀ ﺍﻟﻠﻪ فﻓﻜﺮﺓ تﺗﺠﻨﻨﻨﻨﻨﻨﻨﻨﻨﻨﻨﻨﻨﻨﻨﻨﻦ ..

فكرة حلوة وكدلك ورق الكرنب ممكن ديريه هكي والعنب كدلك وفكرتك في تفريز العروق حلوة ولك من خمس نجوم والتقيم تسلم يداك

تسلمووووووو ياحبوبات على المرور والردود الحلوة
بارك الله فيكم

ماشاءالله بنوتة
فكرة حلوة وخصوصا انها تغنيك عن قصة التغطيس في الماء الساخن
وربي يعطيك ماتتمني يارب
لك احلى نجوم

ربي يحفظك ويرعاك
ايدين يلتفوا فى حرير
كل عام وانت بخير

بارك الله فيك
تسلمي علي الفكرة

الله يبارك فيك بنت طريقة مريحة فعلا

الله يرحم ولديك ويعطيك الصحة علي هالفكرة

تسلمو ياغاليات على مروركم وردودكم الحلوة
بارك الله فيكم

ماشاء الله... فكرة حلوة ومريحة وتوفر الجهد هلبا خصوصاً مع زحمة رمضان....يسلموا ايديك بنوتة عليها ..

طريقة روعه يسلمو الايادي وكل عام وانتم بخير

تسلمو ياحبوبات على المرور والردود الطيبة
بارك الله فيكم

ماااشااااء الله بصراحة فكرة رووووعه ومهمه
وجاري تطبيقها مدي الحياة
تسلم افكارك ومشاركاتك الحمد لله اللي درنا هالمسابقة
بيش تعلمنا من كل البنات حاجات مرات ماتخطر عالبال
بارك الله فيك تم التقييم

بصراحه أفدتيني أكثر من روعه جاري التطبيق

سلمت يدك

فكرتك رائعة وممتازة
ربى يعطيك الصحة

تم تعديل الموضوع