http://www.libyan-kitchen.com/gallery/thumbs/4.gif
السلام عليكم
اليوم حابه انزللكم طريقة حلوة لحواوشي وساهلة وان شاء الله تنال اعجابكم
نبدو بسم الله
مقادير العجين :
3كوب دقيق+ملعقة صغيرة ملح +ملعقه ك خميرة فورية +2ملعقة ك سكر +ربع م ص فلفل اسود +رشة كمون + ربع كوب زيت +كو ب ماء دافي او علي حسب الدقيق
الحشو :
لحمة مفرومه +2 قرن فلفل اخضر +بصل +حرارات +ملح+فلفل اسود +هريسه+تومه .
http://www.libyan-kitchen.com/gallery/thumbs/8.gif
الطريقة :
ناخد جميع النواشف في العجين وانخلطهم مع مع وانديرفلهم زيت واندعك باطابعنا لين يشرب الدقيق الزيت
http://www.libyan-kitchen.com/gallery/thumbs/7.gif
http://www.libyan-kitchen.com/gallery/thumbs/9.gif
وبعدين نبدا انطيف الماء بشوي لين نتحصل علي عجينة متماسكه
http://www.libyan-kitchen.com/gallery/thumbs/2sds.gif
وبعدين انكورها لكويرات متساوية وناخد في بالنا انها بنستخدم كل دورتين جميع يعني لازم ايكون عدد الكويرات عدد زوجي
نفرد العجينه علي شكل دائرة ونضع عليها الحشو (طبعا الحشو انخلط جميع مقادير الحشو مع بعض من غير تتطييب ) وبعدين نفرد كرة تانية وانغطي بها الدائرة اولي الي حطينها عليها الحشو
وهكدا لين انكمل المقدار انا هنا درت نص المقدار
http://www.libyan-kitchen.com/gallery/thumbs/6.gif
http://www.libyan-kitchen.com/gallery/thumbs/5nin.gif
وبعدين ناخد طاوة وانحطها علي نار متوسطة لين تسخن طبعا اتكون مدهونه بشوية زيت وانخليها لين تسخن وانحط عليها العجين المحشي
وانخليها لين تتحمر من تحت ونقلبها علي الجها التاني لين اطيب ومتخافوش الحشوة رح اطيب بس انتم متكتروش هلبة بس
انا هنا حطيتها في الفرن لان كان معنديش وقت انطيب بوحدة
وهدا منطرها بعدما طابت
http://www.libyan-kitchen.com/gallery/thumbs/3.gif
زوووووووووووووووم
http://www.libyan-kitchen.com/gallery/thumbs/99.gif
http://www.libyan-kitchen.com/gallery/thumbs/4.gif
وصحتين علي قلوبكم صدقوني تستاهل الواحد ايجربها
وردودكم اتشجعني