[مشاركة فى مسابقة صاحبة أجمل فكرة مطبخية ] الاستفادة من كيس الدقيق او الارز من الصابرة

اخجلتم تواضعنا
بصراحة والله مش عارفة شنو انقول من الكلام
والتشجيع الذي منحتموني اياه
ربط لساني عن شكركم
اختي الساجدة لله فعلا الدنيا شاطت فيها النار
لكن والله انا ماشية على درب ماما لان معليش من اول
ماصار عمري 12 سنة مسكت التوكة بدالها
اسلوب العقاب استعملته مع خوتي اللي اضغر مني
ماشاءالله 7
وتوا خوي المتزوج يستعمل في نفس النظام مع بنياته ربي يحفظهم
مع ان اعمارهم 3و 2 سنة
وناجح
ومشكورة حبيبة على التقيييييم
بنت حواء والله يا وخيتي غير البال الواسع الاصرار على التعلم
وانا عندي موجود ليومنا هذا
وطبعا وضعي مساعدني
ماعنديش اطفال وراجلي يطلع من الصبح ايجي في الليل
ام ميوسة بارك الله فيك
والله انا التي عجز لساني على شكركم
ومشكورة على التقييم
غير عندي موضوع عرس خوتي
بعده نستأذن من الاستاذة زينب
وان شاءالله افيدكم في الكروشيه
لكن البطمة تخمميلها مشكلة هادي هههههههه
وفيك بارك الله اختي ام عدنان ان شاءالله
توا انشوف واصورهم وانزللكم
لان اهلي صارلهم مشكلة
فانحرق منزلهم بذكريات 30سنة زواج
لكن لو لقيت حاجة من اللي دايرتهم مازالت قاعدة عند
جداتي سوف اصوره
انتي تامري ام عدنان

والله وجعتى قلبى على حوش أهلك ولكن الاهم أنهم هما كويسين ,الذكريات الحقيقة فى القلب,ربى يهينكم على العرس وننتظروك.

ماتنوجعي على غالي يارب
والحمدلله جت في اللي ينشرى بفلوس وخطت راسهم
والذكريات ديمة مكانهامحفوظ في القلب زيكم يا احلى رفقة

مشكورة حبوبة على هالفكرة الرووووووعة

وموفقة في المسابقة يارب

ما شاء الله لا قوة الا بالله
تسلمي علي الافكار الحلوه والانيقه والمرتبه
الصراحه حاجه خيال
حمدلله علي سلامة اهلك
جاري التقييم
وان شاء الله ربي يرزقك الذريه الصالحه اللهم امين
موفقه في المسابقه

بسم الله ماشاء الله فكرة رائعة وعندك دوق بالتزيين

صدق من قال وسعة البال تهد جبال

لكن للاسف انا ماليش فيه كار الخياطه يادوب البطمه لما تنقطع تقعد شهر وماخيطتها

يسلموا ايديك

مشكورة حبيبتي ليبية حرة
مشكورة اختي ام خديجة وبارك الله فيك على الدعاء
وان شاءالله عاجل وليس اجل
مشكورة زهرة بنفسج انتي اللي كلك ذوق
مشكورة نسمة ليبية والله حتى انا فترات انمر بيها نبدا البطمة تقعد وقت طويل
بيش نخيطها لكن الحمدلله فترات منقطعة بعيدت الامد ولما يجيني الحماس حتى قفطان لروحي انخيط

ماشالله عليك حتى اني امخيطه وحدة من كيس الرز لما كنت في حوش اهلي
لكن اكيد مش بهالدقه والروعه كانت ماشي حالها دايرتها للخبزة
يسلمو ايدياتك اتهبل ماشالله

صااابرة

تبارك الرحمن والله واحد عليك

وربي يعطيك اصحيحتك وضي عيونك

اتجننن