[طابونة دجاج ] من بنغازية وافتخر

السلام عليكم


اخواتي كيف حالكم آسفة جدا لان ليل فترة طويلة ما دخلتش المنتدى عشان كان عندي امتحانات لكن حنحاول نكثف مشاركاتي الايام الجاية عشان نعوض اللي فات واليوم حابة نقدملكم طابونة الدجاج هذه الاكلة من تأليفي انا واكلة حاجة تشبهلها في مطعم وحاولت نقلدها بس بطريقتي


مقادير العجينة :



4 اكواب دقيق ملعقة الا ربع خميرة كوب زبادي نص كوب ماء دافئرشة ملح تدهن العجينةبشوية زيت وممكن لو حسيتيها رطبة بكل تزيديها دقيق


الحشوة:



شاورمة دجاج بالطريقة اللي تحبيهازيتون شرائح طماطم حب مكعبات جبنة فريكو مبشورة هريسة


الطريقة :




تعجن العجينة وتترك لترتاح نصف ساعة ثم تفرد علي هيئة دوائر كبيرة وتوضع فيها الحشوة وتغلق علي هيئة نص دائرة وتطهي في فرن درجة حرارة عالية لمدة عشر دقائق وهذه الصور

حبوبه الصوره ماطلعتش
لكن ماشاءالله طريقه حلوه
تسلم يدياتك وان شاءالله بالتوفيق في امتحاناتك

ماشاء الله حبوبة وقفك الله في دراستك طرقة رائعة الزبادي في المعجنات روعة
سلمت يداك لك تقييمي

يمييييييييييي
يسلموااااااااحبيبتي بنغازية
بس خسارة الصورة مش طالعة
حاولي تنزليهم مرة ثانية
وعودا حميدا

بنغازية هلا برجعتك وان شالله انشوفو وصفاتك الحلوة

شكلها طابونة خفيفة وحلوة

بس مافي صور ياريتك اتصوريها واتنزلي الصور

شكراا ليك