[ مشاركة تشجيعية في مسابقة تجهيزاتك المطبخية لشهر رمضان والعيد] أدوات منوعة من مطبخ أمـ ساره

السلام عليكم ورحمة الله وبركاته


http://www.libyan-kitchen.com/gallery/images/tool.gif


بعد غيبة طويلة اتمنى تسامحوني عليها ولكن الظروف أقوى مني

حبيت نشارك معاكم ببعض الحاجات هي بسيطة ولكن حبيت نترك بصمة في المسابقات


مجموعة أدوات عادية جداً لكن نحتاجوها في المطبخ في رمضان وفي سائر الايام طبعاً


بسم الله نبدأ


http://i1159.photobucket.com/albums/...the/adawat.gif

http://i1159.photobucket.com/albums/...he/adawat1.gif

صفاي بلاستيك عملي ومرات أفضل من الالمنيوم من حيث الصدأ وأيضاً التفاعل

يعني نحط فيه الخضرة واني مطمنة

والادوات من اليمين

مجموعة أقماع عددها 3 وبأحجام مختلفة

وبعدها أقماع للمعجنات عندي قبل 3 وزدت 2 حتى صار عندي 25 قمع

والي بعدها حفارة الفلفل الحلو لنزع اللب تنفع للمحشي

والي بعدها أداة فصل البياض عن الصفار

وآخر شيء فازو (برطمان) بلاستيك للتوابل والبهارات

وعلى فكرة كل الي في الصورة نفس السعر بدينار بس (مش المجموعة كلها القطعة بدينار )

وخيتكم طاحت في محل ياسلام وما قصرت كالعادة لأني من قبل لقيتهم بأسعار أكثر



http://i1159.photobucket.com/albums/...he/adawat5.gif


وهذه أيضاً بدينار وقبل خذيت منهم بس تشكيلة ثانية وبسعر أغلى

وعلى فكرة مش تقول النوعية أو الجودة تفرق بالعكس نفس الشيء غير الاسعار مختلفة



وهذا المترد من نفس المحل لكن سعره 3 ونص دينار

http://i1159.photobucket.com/albums/...he/adawat7.gif

http://i1159.photobucket.com/albums/...he/adawat6.gif


والحاجات الجاية من محل ثاني مش نفس الاول وأسعارها المعروفة


http://i1159.photobucket.com/albums/...he/adawat3.gif

http://i1159.photobucket.com/albums/...he/adawat2.gif

من اليمين

سلتين (سبات) بلاستيك للخبز بس اني خذيتهم لغرض ثاني



وهو وضع فازوات (أوعية) الزيت والخل والحاجات الي نستخدم فيها دائما ونحط فيها جنب الغاز

وبعدها حافظات 3 خذيتهم لصلصة البيتزا والهريسة ولصوصوات بشكل عام

لأن تسكريتهم حلوة ومحكمة ان شاء الله يكونوا واضحات

وبعدها صواني بلاستيك الي لونها وردي خذيت 3 منهم الوحدة بحوالي 2 دينار

وقوالب التارت عددهم 6 يجو مع بعض وسعرهم تقريبا 3ونص أو 4 الا ربع مش متذكرة بالضبط

والي بعدها قوالب الايس كريم عجبوني وخذيت منهم 2 وسعرهم حوالي 3 تقريبا مش متأكدة

والشنتروات الي تحت ان شاء الله يكونوا باينات خذيت منهم 4 وحجمهم متوسط ولنين ذهبي وفضي

وفرشاة صغيرة سيليكون لدهن المعجنات ولحاجات ثانية

وهذه صورة اوضح للسبات والشنتروات

http://i1159.photobucket.com/albums/...he/adawat9.gif



وهذه حافظة للطعام تنفع للكيكات ولبواقي الطعام

تسكريتها محكمة وفيها يد تقدري تمسكيها منها تنفع حتى للطلعات

وسعرها تقريبياً 8 ونص

http://i1159.photobucket.com/albums/...he/adawat4.gif




وان شاء الله لو فيه جديد يكون عندكم أكيد

ويارب حاجاتي المتواضعات تعجبكم

وسامحوني على التقصير

تتهني بيهم ام سرو
الحق عجبوني وقديش الحاجة البسيطة ادير فرق في مطابخنا وديكوراتنا
وعجبوني هلبة استخدامك لسلة البلاستيك حلوة

تعيشي وتشري يام سرو وتبيديهم بالهناء
حاجات قنينة وتنفع في المطبخ
وكل عام وانت بالف خير..

وعليكم السلام ورحمة الله

بارك الله فيك علي المشاركة
وعجبني (السبات)
مُبارك عليكِ الأدوات الجديدة
مشكورة
تسلمي

تم التقييم

الله يسلمكن ويبارك فيكن وخياتي

ومشكورة على هلبة على مروركن السمح

وخلونا نشوفوا تجهيزاتكم حتى انتم زي ما عودتونا بالمشاركة

وشكراً على التقييم

حاجات بسيطه ومهمه فى الطبخ
تبيديهم بالصحه والعافيه. وين
حصلتيه محل دينار ؟؟

ما شاء الله
حاجات عمليه ورائعه
عجبتني حفارت الفلفل
ربي يهنيك ان شاء الله وتبيديهم بالهناء

كالعادة حاجاتك حتي ولو بسيطة قنينة وحلوة
تبيديهم بالهني والصحة
ومشكورة عالمشاركة البسيطة بالنسبة ليك ولكنها مهمه بالنسبة لي
تم التقييم

الله يسلمكن ويبارك فيكن وخياتي

وشكراً لمروركن وكلامكن الطيب

ترهونية المحل هذا في مسلاته وتقريباً حتى في الخمس فيه



وشكرا على التقييم