[مشاركة في مسابقة التطبيقات لمواضيع المنتدى] الرشدة المبكبكة لزينب محمد من مطبخ أمـ ساره
http://www.libyan-kitchen.com/gallery/images/ccc.gif
السلام عليكم ورحمة الله وبركاته
هبلتني لوبا أمس لما شفت تطبيقها لزينب محمد في الرشدة المبكبكة
واني ماعندي الروح معاها حتى كل يوم ناكلها
بس مشكلتي كانت ما عندي قديد لأني ما ناكله بس نطيب بيه عادي
المهم اليوم كنت ناوية نديرها ولما الليبية تنوي الحاجة تخترع وتتفنن
عندي طريف لحمة من الشاكلات (الضلوع) داستها للمحشي والشربة العربية
حطيتها على النار مع المية خليتها تغلي وبعدين صفيتها وحطيت لها شوية زيت
وخليتها تنقلى في الزيت ونزلت دهانها وبعدها ضفتها لطنجرة الطبيخة متاع الرشدة
وبصراحة اعطت بنة القرقوش في الرشدة وجت مش عادية
بس ناقصها رويس فلفل أخضر وحبق وشبت وتجي على كيف الكيف
وبعد المحاضرة الطويلة
هذا رابط زوبة
[ الرشدة المبكبكة ] من المطبخ الليبي لزينب محمد
وشوفوا صور تطبيقي
http://i1159.photobucket.com/albums/...psb6a4c486.gif
http://i1159.photobucket.com/albums/...ps63224510.gif
http://i1159.photobucket.com/albums/...ps257c92ea.gif
http://i1159.photobucket.com/albums/...ps907a243b.gif
وهذه أول مرة نديره في حوشي
قبل ديمة ناكل فيه في حوش أهلي من ايدين أختي
وان شاء الله تطبيقي المتواضع يعجبكم
وربي يبارك في زوبة ويعطيها ما تتمنى
ويفتح دروب الخير قدامها يارب