[مشاركة في المسابقة المفتوحة للمقبلات الرمضانية] رول الدجاج من مطبخ طرابلس
http://i1263.photobucket.com/albums/...iy1985/juj.gif
السلام عليكم ورحمة الله
كل عام وانتم بخير ان شاء الله وينعاد عليكم
ليا فترة كل منجي منكتب ميصيرش لن سخر ربي اليوم وجبتلكم معاي رول الدجاج بالخضار فعلا يستحق التجربة
المكونات:_1 دجاج مفروم
2- بهارات (فلفل اسود واحمر,زنجبيل,قرفة,تابل تونسي)
3- بصل مبشور وثوم
4-ملح وزعتر جاف
http://im37.gulfup.com/FI8L9.jpg
الحشو:_ -1بطاطا مقلية
2-سبانخ او سلق(اني ستعملت سلق) مشوح في شوية زيت مع بصل وثوم ومتبل بفلفل اسود وملح
3-جزر مسلوق
4-بازليا
5-جبنة مبشورة ومثلثات وبيضة
http://im34.gulfup.com/aWJUS.jpg
لتغطية :_ بيض وخبز يابس (بقسماط)
وزيت للقلي
الطريقة:- تاخدي ورقة فويل وتدهنيها بزيت بعدين ترشها بالبقسماط ثم تضعي فوقها خليط الدجاج وافرديها
http://im34.gulfup.com/K0MJu.jpg
وبعدين حطي الحشو وساويه بحيث يكون شكله اسطواني
وابدي لفي زي ماواضح في صورة
http://im35.gulfup.com/1nsOJ.jpg
لن تكملي لف واضغطي عليه من جهتين كويس وبعدين خليه في الفريز حوالي نص ساعة او اكثر لن تتماسك وطلعيه ادهنيه بالبيض ورشي بالبقسماط(لانه كبير صعب انك تغمسيه)
واقليه في زيت ساخن حتي ياخد لون من جيهتين
http://im39.gulfup.com/tQn9I.jpg
وطلعيه خليه يبرد وقصيه اني لقيته من داخل قاعد مش طايب البيض فدخلته للفرن لن شد روحه
وهذا شكله نهائي
http://im34.gulfup.com/0J3VG.jpg
ان شاء الله يعجبكم
ملاحظة: استخدمت طاجين للقلي لان كبير ممكن ديري اكثر من رول باش تقدري تقليه في طنجرة القلي
لفرد الدجاج الافضل انك تدهني ايديك بشوية زيت وافردي اسهل من الفرد بالنشابة
http://i1263.photobucket.com/albums/...5/1af672ae.gif