استفسار عن بيع حافضات للرز

السلام عليكم لوسمحتم نبى نسئل على حا فضات للرز يقعد فيهم الرز سخون قبل التقديم فى اى المحلات نلقاهم وبنسئلكم ماتعرفوش محلات للتاجير بساطات للحفلة ولترد عليا ان شاء الله رب يفتحها دنيا واخرة عليها

ان شاء الله البنات يفيدوك

حبوبة بالنسبة للحافضات انتي تقصدي كميات كبيرة او صغيرة

لو كبيرة تقدري تستخدمي ترمس المية الكبير الي نستخدموا فيه في الافراح

هكي درت في عرسي وعرس اختي يقعد سخون فيها ماشاء الله

اما الصغيرة ففيه هلبة انواع واشكال في الاسواق



اما ايجار البساطات بصراحة ما نعدف بالضبط لكن تقدري تشوفي

في محلات ايجار مناسبات الافراح من خيم وماعين وحاجات ثانية

اساليهم مرات ياجروا في بساطات بس

والله ماعندي منزيد علي كلام ام سرو
بسم الله مشاء الله كفت وفت وحتي احني مجربين الترمس في اكثر من مناسبه والحق يخلي الرز كأنه كيف طالع من من طناجره وكل معامل الطبخ بدو يحطو فيه

بارك الله فيك ام سارة وربى يحفطك انى شايفة حافضات ستيل كبار قلت بالك حد شافهم فى المحلات

بصراحة ما نكذب عليك ما نعرفهم

ولو كويسات ان شاء الله تلقيهم

حتى احنا نستعملو في ترمي المية الكبير في الافراح
لاكن اللي قلتي عليه ماسمعتش بيه للاسف وربي يتمم على خير

حافظات ستنستيل كيف لي ريتهم في سوق الثلاثاء الكبير الدور الثاني
لاكن حجم صغير
مش كبير متع اعراس

وبنسبة للبساطات تلقيهم في محل للايجار للمناسبات عندهم كل الى تبيه
ومبروك عليكم مناسبتكم

بارك الله فيكم مغتربة7وفنان وزهرة البنفسج وعهود وجزاكم الله خيرا