[ مشاركة في مسابقة الشطارة في الدوارة ] طريقة اسرع لخرط المصارين الرقيقة من مطبخ لوبا

http://www.libyan-kitchen.com/gallery/images/vb.gif


السلام عليكم ورحمة الله وبركاته



طريقتي في خرط المصارين الرقيقة

بسرعه ولا تأخد وقت


وهيا نقطع المصارين الرقيقة بطول الدراع


وناخد مجموعه حوالي 6 او 7 مصارين



http://im34.gulfup.com/ftC2N.jpg



ونتنيهم علي اتنين ونمسكوها جهة التني باليد زي القوس متلا

ونضعها علي لوحة العمل هنا مكان السكين هو مسكة اليد



http://im34.gulfup.com/QXhNN.jpg



ونخرطهم بالسكين

والجهة اللي بين بين ايدينا نحول ايدينا منها ونمسك من جهه نظيفه ونخرط اللي كان مكان الايدي



http://im34.gulfup.com/gKcR1.jpg




ونصيحة في الاول ماتنزلوا عليه بالقوة يعني نص نص


بعدين نقعيهم في الماء مابين كملتي اول مجموعه


تاخديها وتخرطيها مرة تانية وتلقي شوية بواقي وتنظف تماما

السبب لما تنزلي عليها من اول مرة حتهري المصران وهو رقيق

بس حتبان النتيجة وقت الحشو و بعد يطيب



تقبلوا تحياتي وان شاء الله نكون افدتكم ولو بالقليل

ماشاءالله ولاقوة الا بالله

ماعندي مانقول ربي يحفظك على الافكار والطرق السهلة المبدعة

اكيد احلى نجوم واحلى تقييم تستاهلي

تسلم ايديك وافكارك

تعرفي اني المصارين هذي نرمي فيها حشوها صعب هلبه
جارري التقييم

ماشاء الله عليك ربي يعطيك صحيحتك آمين.

اسعدني مروركم ونورتوا المشاركة
حبيبتهم بعض منهم نحشي فيهم بطريقتي اللي بايديا
وسبق ونزلتها واﻻ بالقمع الصغير اسهل واسرع منه مافيش
المرة اللي فاتت جاني مصران شكلي نازله عليه وكل مانحشيه
بالقمع يتشرك مني فحشيته وبسرعه تميته بطريقة الحشو باﻻصابع
والقمع طريقة جدا حلوة ومرنه وعلي فكرة بنتهم حلووووووووة الرقاق هدومه

ما شاء الله لوبا
المصارين هدوما اندير فيهم مع اللواوي بعد خرطهم نملحهم وننشرهم في الشمس
اما حشهم فصعب ممكن جربته مرة او اتنين النتيجه كانت انهم تفزروا وماتحملوا التطييب

يسلموا
انا نحشي فيهم بالمحقن الصغير
ومانكثرش الحشو

اهلين بالغاليات نورتوا الموضوع
واني زيك نسمه مانكترش حشو ﻻنه الرز بينتفخ فيبي مساحه

ماشاءالله
بارك الله فيك وكتر من امتالك وخيراتك يااااارب
باه اسعفتيني بيها يوم العيد يعطيك الصحه وفعلا اسهل طريقه
تسلمي لبونه ومشكورررره جدا

الله يسلمك امورة
وتفضلي في اي وقت ااحمد لله انها عجباتك
منورة الموضوع