شكرا وخيتي رايك عجبني لكن شنو الماركة اللي تنصحيني بيها وسامحيني حبوبة كاني كترت عليك اني نبي ناخد اي حاجة كهربائية تكون استالستين بش تمشي مع ديكور مطبخي :)
عرض للطباعة
حبيبتي في محل في شارع عمر المختار ما عنداش اسم لكن اول ما تخشي لعمر المختار المحل يجيك ثالت عمارة عاليسار في الكورنر عنده ماركة كينوود سعرها 700 دينار و حاجاته كلها ماركة يعني زي ما نقولوا حاجة العمر بس المحل زايدها حبتين ...
ان شاء الله تحصلى طلبك
انى خديتها فى الاحدات من محل فى شارع عمر المختار
غالية شوى بس تستاهل
ماركتها كينود
عليك بكينوود الصراحة ممتازة وحتى الكتشن ايد ايضا ممتازة
شكرا سجودة على النصائح تعبتك امعاي بادن الله بناخد ماركة كينوود
السلام عليكم أخواتى
أمس فى السوق ندور على عجانة لقيت وحدة أسمها manomann ألمانية ياريت اللى عندها عليها فكرة والا جربتها تقولى كويسة والا لا
والسؤال الثانى عن الكوب المعيارى هل يصلح نستعمل الأداة اللى تشبه الكوب وتجى مع الفرامات تغلق بيها فتحة إضافة المواد أثناء الفرم ونضيفوا بيه المواد السائلة صلبة للفرامة بدون فتحها يعنى وهى تشتغل
نتمنى تكونوا فهمتونى وشكرا
عليكم السلام أنسام ,بصفة عامة الماركة الالمانية كويسة,تأكدى أنها صنع ألمانى وليس أستايل ألمانى,كم قوتها بالوات ,قارنى بعجانة ماركة ثانية,الاعلى رقم الافضل,وعلى ما أعتقد مش متأكدة وخصوصا اذا كانت غالية معها ضمان,بالنسبة للكوب لو على مقاس الفتحة مافيش مشكلة,أكيد لو واحدة من الاخوات عندها معلومة مش حتقصر.
حبيتي نسومة بالنسبة لسؤال الاول متع العجانة اعتقد لو تتاكدي من الصنع وشوفي قوتها بالوات اما السؤال التاني فاانا مافهمتش قصدك سامحيني
شكرا أم عدنان على الرد والاهتمام
شكرا حبيبتى الساجدة لله
بالنسبة للكوب المعيارى اللى نقصده اللى يجى مع الفرامات زى المولينكس ييكون مدرج باللمللتر وبالكوب هل نقدر نعتمده كمكيال للزصفات اللى بتكون مقاديرها بالكوب المعيارى و حاولت نصوره ونحط صورته ما عرفتش الطريقة فنزلته بالمرفقات يار ريت يكون طلعت الصورة وشكرا حبوباتى عللى الاهتمام وياريت لو أى عضوة بتكتب وصفة تصور لنا الكوب المستخدم فى المعايير ونكون مشكورة ليها هلبة لأن فيه وصفا تعجبنى فى المعجنات والحلويات ونخاف نديرها ما تنجحش معاا:(
وعليكم السلام حبيبة
بالنسبة لسؤالك الاول اني والله ماعندي اي فكرة على العجانة هذه بس زي ماقالت ام عدنان البضاعة الالمانية كويسة لواصلية
اني عندي عجانة كيتشن ايد ماشاء الله عليها روعة
وبالنسبة لسؤالك الثاني اني عندي خلاط وفيه نفس الفكرة مرة قست عليه مقدار الكوب الى عندي طلع مش نفسه والحاجة الثاني متعي فيه نقبة صغيرة
وان شاء الله انكون افدتك حبيبة