[أستفسار][أماكن تركيب الساعات للوحات التطريز] من حماة ام عبسي

السلام عليكم و رحمة اله وبركاته
أريد الأستفسار عن أماكن تركيب الساعات علي القماش المطروز في طرابلس,,تعلمت هذه الطريقة من صديقتي و هيا كانت تبعث في شغلها لمصر عشان الأطارات.

تحياتي

ملف مرفق 1262

ملف مرفق 1261

ماشاءالله حماة ام عبسي روعة
هذا احنا انقولوا عليه شغل الكنفاة
وطالع روعة من دياتك
وبالنسبة لطلبك والله مانعلم بكل غير ماقدرتش
نمنع روحي من الرد واني انقول ماشاءالله

ماشاء الله حماة أم عبسي

رووووعه بجد عجبتني هلبة هلبة

اون شاء الله وحدة من الوخيات تفيدك

لأن بجد شغلك ايهبل ونتخيل فيه في اطار يطلع مش عادي

http://www.libyan-kitchen.com/kitche...1&d=1358897673

ماااااااااااااشااااء الله لاقوة الا بالله رووووووعه

وخاصة هادي مش عادية نتخيل فيها علي وسادة في دار الصغار او غطاء

بصراحة لوحة هادي احتراف فضيعة

ممكن نعرف كيف خدمتيها

نبي نعرف نوع القماش اللي مستعملتيه

ونوع الخيوط وكيف ادخلي فيهم وكيف ترسمي كله كله لو سمحتي

ولو مافيهاش كترت تعب عليك

تسلم ايديك وربي يعطيك الصحة والقوة

ماشاءالله لا قوه الا بالله
والله ماعندي مانقول كلامي نفس كلام واسئله لوبا بالزبط
يعطيك الصحه شغل يجنن

السلام عليكم
شكرا حبيباتي علي هذه الكلمات الرائعة و الدعم .
بالنسبة للقماش و الأبر انيلين و الخيوط أما الصوف او الخيط العادي و يسمي bcm و أحيانا تلقي قطعة القماش مرسومة جاهزة عليك بس أطبقي الغرزات علي الرسم زي ما في صورة الطفل و أتجيك معاها رسمة أضافية و لكن بدون قماش و بمجرد ما تتعلمي الغرزة حتعدي و تطبهيا حسب المربعات.
و بأذن الله حنزله ليكم ع الموقع بعد نكمل تجميع الموضوع
تحياتي للجميع

بعد اذن ام عيسى لوبا هذه كنفات موجودة بكثرة عند محلات لفي باب الحرية لفيهم لوازم الخياطة تسلم ايدك يااام عيسى حلوات بجد