[مشاركة العيد للاجهزة والادوات المطبخية] غســـالة الصحون كون كورد من مطبخ ام تغريد

شكرا لمرورك على موضوعي وهذا شرف لي ووسام على صدري

أوووووووو مش عادية ماشاء الله
غسالة ولا أروع
راحة تامة تبيداها بالهني ياربي
ومشكورة على المعلومات المفصلة

الحق رووعة ماشاءالله تبيديها بالهني بس اللي اني ماتنظفش الطناجر كيف تنظيفك انتي
اللي تبيه وخاصة السلستيل لانه لما تنظيفهم بروحك تعطيك هديكا اللمعة لكن بالنسبة للغسالة
صح تنظف وتعقم بس الطناجر اني ماتنظفليش الحق ومجربه حتى نوعية اللي في ليبيا
بس الحق يستاهلوا ان الوحدة تديرها في مطبخها مبروكة ومسعودة عليك حبيبتي

بالله ياوخيتي بكم خديتيها وانشالله تبيديه بالهني زمان قبل مناخد مشيت اني واهلي بر واجرنا حوش فيه غسالة امعين والله ندكر فيا لتو كل شي تغسله وبالحق نكر لما كنت نتعلم انطيب ياودي حتي تو مرة مرة نحرق الطنجره تريح فحمه دخلتها للغساله طلعت واكانه جديدة

تعرفي حمستيني لموضوعها و زي ماتعرفي اني نخدم و نروح موخر و مع ليليا سلامتها ماعنديش وقت و مهيب تقريبا كل سبت يديرلنا في عزايم و غسيل الماعين يشد اليد هلبا فلهذا توكلت علي ربي و خديتها و طبعا كل ما مهيب يجي بيناقشني نقوله لالالا خالتي واخدتها و مريحتها هلبا ( ربي يستر ) اني كيف خديتها امس و المفروض كان سخر ربي يجي العامل يركبها اليوم ( بيركب طوبوات المية و بيدير وصلة للمجاري ) و بالنسبة للصابون خديت صابون و ملمع و مكتوب عليه 3 في واحد لكن مش مكتوب عليه بالانجليزي الماركة اللي خديتها فمفهمتش حاجة و خديت الملح نفس ماركة الصابون المحل اللي خدينا منه قال قبل ما تستعملوها ديرو زوز كيلو ملح مع لتر ماء و صبوه في المكان المخصص ليه و بعدين مرة كل شهرين تلاتة زيدوها شوية بس و بالنسبة للغسالة اني كان خاطري في اريستون ايطالية لكن ماحصلتهاش المحلات اللي نمشيلهم عندهم اللي في العرض بس و اني نبيها بباكوها و كان لقيت بباكوها نلقا البيضاء و اني نبيها ستي فخديت نوعية تانيةالماركة اسمها beko تركية و يشكرو فيها هلبا متع المحلات و اللي شجعني اكتر عندهم وكيل و مركز تصليح في طرابلس و قطع غيارها متوفرة و سعرها معقول جدا ب455 دينار و الصابو فيه 108 قطعة ب 34 جنيه والماركة اسمها finish و الملح نفس ماركة الصابوه و يبيعو في شكارة فيها زوز كيلو ملح ب 8 جنيه

مبروك عليك ياام ليليا وان شاء الله تبيديها بالهني وما تعرفي قيمتها لين اتجربيه

تصدقي حتى تغريد اللي كانت تغسل في الماعين هذا وين ارتاحت

بس طبعا بعد ما تركبيها نبو نشوفي الصور ان شاء الله

[marq="3;right;3;scroll"]كل سنه وانتم طيبين بمناسبة المولد حبيباتي وردو بالكم علي اولادكم من الميش ولالاعاب الناريه احنا مو ناقصنا اطلاق نار اوموت الله يحفظ جميع اولادنا ااااااااااامين[/marq]

تبيدها بالهنى وربى يعطيك خيرها ان شاء الله