-
نسومة عادي حبيبة قصقصي على راحتك وخيتي
انا درت الفتات المصراتي وهو نفسه الفطيرة طبعاً
غير الطريقة بس تختلف
وبعدين درت بيه فتات وان شاء الله انزل طريقته قريب
اطيبي الطبيخة والبصلة عادي زي الي اديري فيا لرشدة الكسكاس
وبعدين تقصي الفتات وتحببيه كويس وتسقيه وسلامتك
مرة نزلت طريقة الجبل الغربي لأم سوما
وبصراحة مش عادي
-
خدوج ماشاء الله شكلها طبيخة قنينة
ومع شرحك خلتيها في خاطري وانتي توصفي وتتفنني في الوصف
يعطيك الهني وراحة البال وكل ما تتمني ياااااارب
ان شاء الله نجربها مرة ثانية
نسومة ايه والله ربي يعين على كيلو اللحم شايطة فيه النار
-
وين الحلوات اليوم شوركن مرتاحات من الغذاء
تعرفوا اليوم صارلي موقف مع الغذاء
طبعا في بالي بندير غذاء متأخر كالعادة
اتصل راجلي قريب الواحد وقال لي جاينه ضيوف عالغذاء
وطبعا وخيتكم جري على المطبخ ونتحرك بأربعة ايدين لكن الحمد لله
هم تأخروا شوي زلما وصلوا كان الغذاء واتي
درت فاصوليا ورز أصفر درت معاه لوز بس
ودرت ضلوع خروف في الكوشة وقليت بطاطا بعد ما طبختها شوي في المية
وبعدين درتها في الدقيق المتبل وقيلتها
وقليت فلفل أخضر حلو وجزر وحطيتهم مع الضلوع
ودرت بيتزا معاهم وما لحقت عالسطات يا ذوب الخضرة الي درتها
والحمد لله ربي سترني مع زوجي
-
ام ساره الله يعينك على قولة امى قالت الراجل يحساب اللحم لما يجى يطيب فى ساعتها
عشان هكى هى شرت طنجرة الضغط وتستعمل فيها فى الازمات
وياريتك صورتى لنا الغدا
-
انا اليوم غدايا رز بلاو وشربه ومخلل
-
...مرحبا...
غذاى اليوم درت براك وطاجين دجاج ورز بلاو
الراجلى معنداش الروح فى الرز ونستنى فيه لما يروح من الشغل وناكلوا هديكه الصفيرة
وطبق الحلو والله اليوم معزومين فى حوش سلفتى لان ولدها عيد ميلاده اليوم ومانحكيلك القيتها سبيلة
-
اول امس كتبت رد طويل عريض
غريبة وينه؟؟؟؟
-
امس غداى مبكبكة فى هذاك الصقع تاكلو صوابعكم وراها ههههههه
انى نحب الجارى(مبكبك)بس 2 من صغارى هلكونى مايحبوش
فمنديرش فيه الا نادر ومعاها سلاطة وعصير
ولمن نديره نتربعله تربيعة صح
وعشيتهم سمبوسك وشاى
-
خدوج ووردة الربيع صحيحتين على قلوبكم
-