حبيبتهم بارك الله فيك معلومات حلوه ورائعه
ميرولاكي
شن قلتي مزال فيه دولاب تاني
اني لما شبحت هدينا وقلت ماشاااااااءالله شنو هدا كله وانتي تقولي مزال
ماشاءالله لكن باين عليك من تطيبك كله يهبل ربي يكمل عليك النعمه
عرض للطباعة
حبيبتهم بارك الله فيك معلومات حلوه ورائعه
ميرولاكي
شن قلتي مزال فيه دولاب تاني
اني لما شبحت هدينا وقلت ماشاااااااءالله شنو هدا كله وانتي تقولي مزال
ماشاءالله لكن باين عليك من تطيبك كله يهبل ربي يكمل عليك النعمه
المصراتيه
باااااااااااااارك الله وفيك وحتى انت ديمه مسهفنى تطيبك وحلوياتك ماشااااااااااااااء الله
بس هذا الجزء الاكبر يعنى دولاب البهارات الرسمى بس لانه صغير مزال شوى حاجات فى دولاب تانى هههههههه يعنى مش دولاب كامل
ان شاء الله انزلهم قريب
ماشاء الله على الفالحات والمنورات
مشاركاتكم تجنن ميرولاكي ماشاء الله عندك محل عطارة جميع التوابل عندك تبارك الرحمن ربي ايزيدك من نعيمه
لي عودة ان شاء الله لعرض بعض التوابل
الله يسلمك لوبا حبيبة على كلامك الحلو
ميرولاكي
ايه استغربت حسبته نوع ثاني وما نعرفه
حبيبتهم
اني حسب ما نعرف انها محرمة وهذا الارجح والله أعلم
فيه حديث بالضبط ما نذكره لكن بما معناه ماحرم كثيره فقليله حرام
اني سيبتها وما عاد استخدمتها والحمد لله مع اني نحبها خاصة في الباشميل
بالنسبة للملح كيف نعرف أما هو الكويس انتي حيرتيني توا
وبارك الله فيك على المعلومة المفيدة
غروبة
ماشاء الله مازال عندك توابل
هيا اتحفينا بيهم حبوبة
ميمي يا حلوة
وين توابلك دهشتينا واحني نستنوا فيك وخيتي هيا بلا كسل انشطي ونزليهم
السلام عليكم
ام سارة الملح اللي يكون مفيد هو الملح البحري او الملح المعزز باليود وهو غالبا تلقيه في اكياس في محلات المواد الغذائية بعضها مكتوب عليها معزز او مدعم باليود
اما الملح اللي مش مفيد هو الملح الصخري اللي ايبيعوا فيه بالوزن ويكون حبوب كبيرة وغالبا اللي يستعملوا فيه يغسلوا فيه قبل الطحن للتخلص من الاتربة العالقة بيه ومرات ايبيعوا فيه مطحون ويكون مخلط خشن وناعم مش نفس الحجم بعد الطحن
ان شاء الله لما تسمح الفرصة انزل صورة كيس الملح المعزز باليود
بارك الله فيك حبيبتهم على الافادة
صار الي عندي مش ملح بحري اني شارية متاع الوزن
وياريت تنزلي لنا صورة الملح المعزز خلي نستفيدوا منك
ومشكورة حبيبة على المعلومات
ام سارة هذا نوع ملح مدعم باليود وفي انواع غيره بس اني هذا اللي عندي توا في الحوش
http://im16.gulfup.com/90pk1.jpg
بارك الله فيك حبيبتهم على الصورة
وان شاء الله المرات الجاية نركز على هالنقطة هذه
السلام عليكم
الزنجبيل الطازج نستعمل فيه كتابل في الطعام
في تتبيل اللحوم والدجاج
ونحب حتى نغليه ونشربه
نحفظه في الفريز بعد تقطيعه لقطع صغيرة مثل الصورة وكل مانحتاج ناخد قطعة او اكثر حسب المطلوب
http://im24.gulfup.com/KHgs1.jpg
السلام عليكم ورحمة الله وبركاته
ماشاء الله توابلكم حلوة وعرضكم ليها يسهف
تحمست وقلت خلي حتى أنا نعرض توابلي
مع أن مافيها شيئ جديد عليكم لكن حبيت نشارك
وبالنسبة لكلام حبيبتهم على الملح
مافهمتش ليش الملح الصخري مش كويس؟؟
نسحابه طبيعي 100 %
وتوا نبدا:
http://im14.gulfup.com/BOn510.gif
http://im15.gulfup.com/uNEq10.gif
بالسبة للتوابل هذه كلها وهي:
ورق غار _ زنجبيل _ قرفة _ ورد جوري _ شيبة _ عود لحم
فلفل أسود _ حب هان _ قرنفل _ كبابة
نستعمل فيها في الحاجة البيضا
يعني
الرز بالخلطة
والمقلوبة وو.....
نطبخهم مع اللحم ولا الدجاج وناخذ المرقة
والمكرونة المبوخة البيضاء بالخلطة
والكسكسي بالخلطة
ونستعمل في البعض منهم في (الرز بالتقلية) (المكرونة المبوخة)
http://im17.gulfup.com/k7mU10.gif
بالنسبة لهذه التوابل وهي:
اكليل _ زعتر _ كروية _ كمون حوت _ نعناع مجفف
الاكليل: طبعا في تتبيل الدجاج بجميع أنواعه
ومرات ندير فيه في صلصة البيتزا بديل الزعتر
الزعتر: في البيتزا
الكروية: في المخللات وبعض أنواع السلطات
(وحتى الكسبر المطحون لكن مصورتاش مكانش عندي)
كمون الحوت: في شوربة العدس وطبيخة الفاصوليا والفول المدمس
وأي حاجة فيها بقوليات بكثرة
نعناع مجفف: في طاجين البطاطا بالدجاج والمحاشي وبعض الشوربات
http://im23.gulfup.com/ugvZ10.gif
هذه طبعا توابل معظم الأكل
كركم _ زنجبيل _ فلفل أسود _ حرارات _ قرفة.. مطحونات
وبارك الله في مغتربة 7 على الفكرة الحلوة......... سلااااااااااااام