ساعدونى بتغير فى مطبخى

[ليبيا قلبى]

السلام عليكم

الكل عارفين انى على وشك الولاده
ونبى انغير اشويه فى المطبخ يعنى لمسات
وتغير بسيط
فى الفرشه
ومفرش الطاوله
نبى نعرف اللون يلى يمشى مع المطبخ
انا انوريكم المطبخ وانتم ساعدونى ياحلوين





واخيرآ

[ليبية]

حبيبتي بسم الله ماشاء الله عليك بالهني مطبخك تحفة تبيدي وتجددي ان شاء الله
ملاحظاتي ليك:
اول شيئ مطبخك بني والميوليكة بيج والحلو في الموضوع انه عندك هلبة مكانات باش تحطي تحف
يعني لو اخديتي اي لون تحبيه وخديتي بيه كل شي من مفارش وتحف حيطلع حلو
اني نقولك شن الألوان اللي انا لو كنت مكانك اخترتها في مطبخك:
البيج طبعا والبني هذا من غير كلام
البرتقالي الهادي وهذا يطلع مش عادي

حبيبتي عندي بعض التعليقات ياريت ماتنزعجيش مني :
اول حاجة فرشات الأرضية لو تاخذيلهم نفس لون مفرش طاوة واكسسوارات يطلعوا حلوات لكن هكي يعني تحسي انه المطبخ ملخبط شوية
وتاني شي ناقصك ستار تعرفي حيطلعلك حلو ويغير في المطبخ بشكل كبير
ثالث شيء البنبولينة انا نحط فيها في دار الخزين وسلفاتي يحطوا فيها تحت الحوض
ورابع شي لو خذيتي علاقات للطواسي اللي بحدا المية يطلع شكلهم حلووووووووووووووووووووووو

سامحيني على جرأتي بس مطبخك مش عادي وناقصه شوية تعديلات ولكن نهنيك على ذوقك رائع مثلك يا قمر

[ليبيا قلبى]

اقتباسالمشاركة الأصلية كتبت بواسطة ليبيةحبيبتي بسم الله ماشاء الله عليك بالهني مطبخك تحفة تبيدي وتجددي ان شاء الله
ملاحظاتي ليك:
اول شيئ مطبخك بني والميوليكة بيج والحلو في الموضوع انه عندك هلبة مكانات باش تحطي تحف
يعني لو اخديتي اي لون تحبيه وخديتي بيه كل شي من مفارش وتحف حيطلع حلو
اني نقولك شن الألوان اللي انا لو كنت مكانك اخترتها في مطبخك:
البيج طبعا والبني هذا من غير كلام
البرتقالي الهادي وهذا يطلع مش عادي

حبيبتي عندي بعض التعليقات ياريت ماتنزعجيش مني :
اول حاجة فرشات الأرضية لو تاخذيلهم نفس لون مفرش طاوة واكسسوارات يطلعوا حلوات لكن هكي يعني تحسي انه المطبخ ملخبط شوية
وتاني شي ناقصك ستار تعرفي حيطلعلك حلو ويغير في المطبخ بشكل كبير
ثالث شيء البنبولينة انا نحط فيها في دار الخزين وسلفاتي يحطوا فيها تحت الحوض
ورابع شي لو خذيتي علاقات للطواسي اللي بحدا المية يطلع شكلهم حلووووووووووووووووووووووو

سامحيني على جرأتي بس مطبخك مش عادي وناقصه شوية تعديلات ولكن نهنيك على ذوقك رائع مثلك يا قمر




الله يسلمك ويهنيك ويبارك فيك ياغاليه
عادى هاهاهاها مانزعلش على شى
لانا كل واحد شاطر فى حاجه
وانا مش شاطره فى فى الديكور وتغير الحاجات
والله نصيحتك فدتنى واجد ياحلوه
انشاء الله انغير فيه الحاجات وانحط الصور
ومشكوره وبارك الله فيك
اسعدنى ردك

[سحابه صيف]

ليبيا مطبخك مش عادي وملاحطاتي نفس ملاحطات لبيبيه بدات في فرش اللارضية ستار للروشن
بس بنسالك من وين تلقي الشنترات هدوم ههههههههه الي علي الطاله شكلهم تاكم كامل وعجبوني هلة الراحه

[ليبيا قلبى]

اقتباسالمشاركة الأصلية كتبت بواسطة سحابه صيفليبيا مطبخك مش عادي وملاحطاتي نفس ملاحطات لبيبيه بدات في فرش اللارضية ستار للروشن
بس بنسالك من وين تلقي الشنترات هدوم ههههههههه الي علي الطاله شكلهم تاكم كامل وعجبوني هلة الراحه

انتى يلى مش عاديه
هاهاههاهاها
انشاء الله نبى انغير الفرشه
واندير ستاره للروشن
اه تاكم
من ايام فرحى هاهاهاهاهاهاها
ماغيرته
يسلمووو ياحبيبتى على المرور
وبارك الله فيك على النصيحه
منكم نتعلم

[أمـ ساره]

ماشاء الله ليبيا مطبخ حلو ايهبل

اتبيديه بالهني يارب

واني زيك الصراحة ما نعرف في الديكور هلبة

وبصراحة اني من النوع الي نحب الوساع ما نحب نعبي المطبخ هلبة

نبي نبرطح فيه على راحتي

ان شاء الله لما يجي دوري واندير مطبخ على ذوقي يارب



وربي يتمملك حملك على خير وتولدي بالسلامة وتشري شن تبي ان شاء الله

[ليبيا قلبى]

ام ساره الله يسلمك ياغاليه ويبارك فيك
انشاء الله اديرى مطبخ على ذوقك اقريب
يارب
اسعدنى مرورك الجميل

[ام الجميلات]

الصراحة مطبخك حلو وعجبني لكن انتي تبي من يعطي رائيه وبصراحة
مفارش المطبخ موزعيتهم هلبة في المبطخ لين هربتي منظره وبعدين طاولة المطبخ من رائي تخليها من غير مفرش لان جمال خشب الطاولة خبيتيه وسجادة المطبح لونها مش راكب مع المطبخ من رائي تكون السجادة قهوي داكن سادة او بيج سادة
والغاز او البوتاقاز او الفرن كان يتعلى برجلين مثل رجلين الدولاب بحيت يكون مستوى واحد هو والمطبخ حتى انتي تكوني مرتاحة في الطبخ لما يستوي مع الدولاب
وسقطار الصواني الافضل يكون بجانب شيشمة المية احسن وجانب الفرن حطي سكريات للبهارات يكون لونها مقارب لمطبخك
وفترينة المطبخ كان تلغي المفارش اللي فيها تطلع احلى
هدا من رائي وتقبلي مروري
تحياتي وان شاء الله بالخلاص وخيرة الناس

[ليبيا قلبى]

ام الجميلات

بارك الله فيك على النصيحه
لانى انا ماعنديش خبره هلبه فى الموضوع هذا
استفدت من صيحتك ياغاليه
وبارك الله فيك اسعدنى مرورك

[فضااوي]

ليبيا قلبي

ماشاء الله يبارك الرحمن مطبخك روووعه بس عندي ملاحظات على طقم المطبخ

انحسة مداير حوسة ههههههههههه ماتزعليش غاليتي

غيري المفارش حتى اللي داخل الارفف



شفتي في انواع زي هذي حاليا في الاسواق حتى من غير ما يكون فيها رسماات

وحاولي تخلي ستارة المطبخ بسيطة


تعطي المطبخ ديكور جمالي اكثر من الكاملة

والطاولة ماتحطيش عليها مفرش في ديكورات بيضاوية ومربعات في محلات المواعين
للطاولات




وفي تلبيسات لشيش المية والسخانات يعني حاولي يكون الديكور بيج في بني
ودخلي فية شوي برتقالي

ان شاء الله انكون افدتك