[الخبزة الملفوفة] من مطبخ سحابه صيف

**سحابه صيف** · 01-05-2011, 08:43 PM

بنات حبت ىنعطيكم طريقتي في خبزة الملفوفة بعجينة تقدري اتقولي متعددة اشكال يعني العجينه هادي اندي ربيها في كل شي انا طبعنا بنسبة للمقادير عيني ميزاني فيها لكن ليكم كيلتها باش ادا حبتا ين وحدة فيكم التجربة اتكون مزبوطة ان اشاء الله
طبعا العجينه روووووووعه واروعه طعمت الخبزة الملفوفة بيها اتهبل اتبهل
المقادير العجينه
كوب ماء +5 ملاعق كبيرة زيت +2 ملعقة كبيرة سكر+خميرة بيرة +ملح+ دقيق
مقادير الحشو
بطاطا مقليه مقطعه مكعبات +بيضه مسلوق +هريسه+طماطم اخضر+بهارات +شوية طماطم معجون
+جبنة أي نوع اتفضلينه
طبعا الحشو تقدري تتفنني فيه علي حسب دوقك
الطريقة
نخلط الماءوسكر وملح وخميرة وبعدين اسكب عليها الدقيق بشوي لين تحصل علي عجينه لينه مش يابسه
انجو للحشو نقلو البطاطا وانحولوها علي جنب وانصفوها من زيت
انقرطو الطماطم ونقلوه في شوية زيت وبعدين ناخدو صونيه صغيره انصبو فيها شوية اميه واشويه فلفل احمر بودرة وطماطم معجون وملح وبزار وانخلطوهم زين وبعدين انصبوهم علي الطماطم ىالاخضر ألي علي نار وانحركوهم لين يخترو شوي وبعدين انصبو عليهم البطاطا المقلية وانحركو وبعدين انحطو عليها الفلفل اسود وحرارات وقرفه
وهكي انكونو جهزنا الحشو
ناخدو العجينه بعدما تخمر طبعا ونطرحها علي سطح مرشوش بدقيقة ونشكلوها علي شكل دائرة
ندهنو الدائرة وجها بهريسة وبعدين نطرحو عليها الحشو علي الدائرة بكامل ووبعدين الدحي مطبوخ المقطع مكعبات وبعدين الجبنة الشرائح او المبشوة او الموجودة عندي وتقدري اترشي حتي زيتون شرائح امممممممم علي طعمتها
وهدا الصورة نعتدر علي عدمتصوير الخطوات لاني كنت مستعجله

وان شاء لله تعجبكم يا رب
دعواتكم الطيبه

**الساجدة لله** · 01-05-2011, 10:26 PM

ماشاء الله لاقوة الابالله
يسلمو ايديك حبيبة على الخبيزة ريحتها وصلتني لحوشي صحة وهنا على قليبك

**سحابه صيف** · 01-05-2011, 10:41 PM

اقتباسالمشاركة الأصلية كتبت بواسطة الساجدة للهماشاء الله لاقوة الابالله
يسلمو ايديك حبيبة على الخبيزة ريحتها وصلتني لحوشي صحة وهنا على قليبك

ههههههه سلمها يا ربي اسعدني ردك

**سحابه صيف** · 01-06-2011, 11:41 AM

معجبتكمش بناااااااااااااااااااااات

**n00nal00na** · 01-06-2011, 11:48 AM

raw3a yslamo

**~~ ضوء القمر ~~** · 01-06-2011, 01:13 PM

طبعاً هذا أول رد لي في هذا المنتدى الرائع روعة المتواجدات بيه اخواتي العزيزات

اود ان اشكرك على هذا الطبق الرائع روعة صاحبته

اختى العزيزة سلمت يداكي وفي انتظار ابدعاتكي

تقبلي مروري ودمتي بحفظ الرحمان ورعايته

**سحابه صيف** · 01-06-2011, 02:09 PM

اقتباسالمشاركة الأصلية كتبت بواسطة ~~ ضوء القمر ~~طبعاً هذا أول رد لي في هذا المنتدى الرائع روعة المتواجدات بيه اخواتي العزيزات

اود ان اشكرك على هذا الطبق الرائع روعة صاحبته

اختى العزيزة سلمت يداكي وفي انتظار ابدعاتكي

تقبلي مروري ودمتي بحفظ الرحمان ورعايته

الف شكر ليك حبوبة ويسعدني اتكوني في اول ردود ليك في موضوعي وانستينا حبوبه