[حساء درناوي عالكيف] من مطبخ للاهم

[أم أيوب]

اليوم بس قعدت نحب الحساء

من عمري ما ناكل فيه بس والله حساك جاء في خاطري

انشاء الله نجربه وندعيلك

يسلموا ايديك للاهم

[للاهم]

العزيزة الذواقة
ام سارة تسلمي ، طيب المرور خيتي

[للاهم]

هههه لا نسمة ليبية
ماهو حتى انا زي امك
قديدي ( قرقوشي) كبيررر
بس اللي ينشاف بالتلسكوب الفتاريش اللي فاضلات في قاع الزير
القرقوش عدا من زمااان ومابقي مغير الدهان

[للاهم]

يا ناري يا بريكة حسني زعلت.
جربيه خيتي بيش ما يمشيش ف خاطرك
كاميرتي:
Canon
Power Shot SD790 IS

[للاهم]

شكرا الغالية نوارة ليبيا عالتقييم والتمييز
نراجو في تطبيقك

[السمحة]

هههههههههههههههههههههه يعطيك احبيبة وخلاص فى لسانك اللى ينقط عسل
سلمها زوجة الدرناوى اللى واخذة طبع الدروناة حساء صح و100فى 100خاصة علية خبيزة تنور بايتة وارفس الفلفل وهاكى يامعدة اجعنك ماتردى هههههههههههههههه
مع تحياتى السمحة بنت درنة اب عن جد

[للاهم]

فضااوي خيتي شكرا ليك
تقدري اديريه بدقيق القمح عشان يكون هلثي ومنخفض السعرات ويستفيدن الرشيقات
بس بيني وبينك انا عادة ندير فيه بدقيق القمح لما يكون راجلي بياكل منه ونقعد ناكل فيه وانا زعلانة خفية
بس المرة هذي درته مخصوص ليا حااار وبدقيق الفارينة
ربي يعينه على الهلثي والفيتامينات والوكال القفار

[للاهم]

شكرا يا زوبة خاطري تذوقي منه - بس مايجي شي حذا الجاري متاعك يسهف
من امس وانا نتحنون هالمهشهش
ومكرونتك البكبوكية
الله يعين ونديرهن اليوم

[للاهم]

شكرا كيتي قاقو
طيب المرور خيتي

[للاهم]

زهورة فاهمة شعورك
حتى انا مرات مايعجبنيش
في اللي يديره مدهن والا يكون قديده غاوي
او لأي سبب من الاسباب
ومرات مايزبطش
يجي مرخي
واللا ناقص ملح
او حاجة غلط فيه
تبيله نفس
هذا اللي اكتشفته
اكتشفت اني لما نديره بدقة يفلت
ولما نديره بسرعة من غير مانفكر فيه يطلع عال العال
الحاجة اللي نحبها ف الحساء انه يكون غليظ حبتين
ومبزر - يعني عينه صفرة - وما تكثريش الطماطم الحكة
كثري الطماطم الخضر يجي افوح