[الملوخية] من مطبخ mnona

[mnona]

الملوخية

أهلاً وسهلاً اخواتي

اليوم حبيت نجيبلكم طريقة الملوخية المرحية لاني نحبها هلبا

طبعا أني علمتهالي إميمة الله يرحمها

وأمس درتها غداي وحاولت نجيبلكم صور ولكن للأسف

الصور طلعت مش واضحة هى يالله خليكم مع المقادير والطريقة

" المقادير "

كيلو لحم بقرأو لحم قعود ( اني نفضلها بلحم القعود أبن )

4 ملاعق كبيرة ملوخية مرحية

6 فصوص مفروم ناعم

بصلة صغيرة مفرومة

كزبرو كروية

هريسة
شوية ملح
ملعقةمعجون طماطم
ماء ساخن
كوب زيت
2 ورق الرند

الطريقة :

تخلطي المقادير مع بعض ماعدا الزيت والملوخية والماء الساخن وتبلي بيهم اللحم وبعدين حطيهم في كيس وخليه الكيس في الثلاجة لمدة ساعتين باش اللحم يتبل كويس

وبعدها سخني الزيت كويس هلبا و ضيفي الملوخية مع و رقتين الرندوالبصلة المفرومة خلي تتقلى على نار هادئة مدة 5 دقايق

وثم ضيفي الماء الساخن وردو بالكم من البخار و خليها تغلي مدة نصف ساعة و بعدين نضيف كيساللحم مع التوابل

و خليها على نار هادئة جدا مدة من 3 الى 4ساعات لين تنشف شوية واطلع زيتها يعني زي الصالصة و كل ما كانت النار هادئة و المدة طويلة كل ماكانت بنتها أحلى

(( للعلم انها تستهلك في غاز هلبا ))

وهذا شكلها النهائي

تاكلوها بالهني والرضي ا ن شا الله

اللي يعرفها تو يقوللكم علي بنتها واللي مايعرفهاش ننصحه يجربها

[فضااوي]

بصراحة اول مرة نعرف ان الملوخية تاخذ كل هالوقت

انا امي مصرية يعني اهل الملوخية وطريقتناا تختلف تماما عن طريقتك

يعطيك الصحة والعافيه وراح انجربهاا

[خدوج]

الله الله يامنى
مش عادية بكل
تسلمى تسلمى تسلمى
انى عندى طريقتين
وحدة نفس طريقتك هذى تاخد وقت
والتانية مختلفة ونسموا فيها طريقة التحميس
نبدا فيها الساعة 9 صبح وتتغدى بيها تاخد وقت اقل كان كمية شوى
بس كل مازادت الكمية زاد وقت التطييب
وانى نفضل نطيبها من الليل باش نتغدوا بيها لان صنتها قوية ومانقدرش ناكلها فى نفس اليوم
وحتى فى المناسبات يديروا فيها وطناجر ويغدوا بيها
نفسك تشبع منها
فتحتلك سيرة من فرحتى بيها شكلى بنديرها غدوة
ونديروا بيها حتى بازين(بازين ملوخية)مش عادى مش عادى
وان شاء مرة تانية لودرتها بالتحميس نزلها
الصراحة تسلمى

[خدوج]

اقتباسالمشاركة الأصلية كتبت بواسطة فضااويبصراحة اول مرة نعرف ان الملوخية تاخذ كل هالوقت

انا امي مصرية يعني اهل الملوخية وطريقتناا تختلف تماما عن طريقتك

يعطيك الصحة والعافيه وراح انجربهاا

فض فض
الطريقة المصرية مختلفة تماما
لان الطريقة المصرية ماتاخد وقت
والصراحة تستاهل التجربة طريقة منى هذه حلوة حلوة

[mnona]

اقتباسالمشاركة الأصلية كتبت بواسطة خدوجالله الله يامنى
مش عادية بكل
تسلمى تسلمى تسلمى
انى عندى طريقتين
وحدة نفس طريقتك هذى تاخد وقت
والتانية مختلفة ونسموا فيها طريقة التحميس
نبدا فيها الساعة 9 صبح وتتغدى بيها تاخد وقت اقل كان كمية شوى
بس كل مازادت الكمية زاد وقت التطييب
وانى نفضل نطيبها من الليل باش نتغدوا بيها لان صنتها قوية ومانقدرش ناكلها فى نفس اليوم
وحتى فى المناسبات يديروا فيها وطناجر ويغدوا بيها
نفسك تشبع منها
فتحتلك سيرة من فرحتى بيها شكلى بنديرها غدوة
ونديروا بيها حتى بازين(بازين ملوخية)مش عادى مش عادى
وان شاء مرة تانية لودرتها بالتحميس نزلها
الصراحة تسلمى

الله يسلمك ياللالا

باهي اما لا جربيها بالعصيدة وشوفي بنتها كيف تهبلك وبعدين قوليلي رأيك بصراحة

وصحتين وعافية ان شا الله

[mnona]

اقتباسالمشاركة الأصلية كتبت بواسطة فضااويبصراحة اول مرة نعرف ان الملوخية تاخذ كل هالوقت

انا امي مصرية يعني اهل الملوخية وطريقتناا تختلف تماما عن طريقتك

يعطيك الصحة والعافيه وراح انجربهاا

الله يسلمك ونحب نقولك ان الطريقة المصرية مختلفة تماماً أولاً الملوخية المصرية ورق ومش مرحية ( بودرة ) يعني وثانياً يطيبو فيها بأي لحم حتى دجاج وأرانب هذا علاش متعطلش وننصحك تجربيها لان فيه ريحة مش عادية

[mnona]

اقتباسالمشاركة الأصلية كتبت بواسطة خدوجاقتباسالمشاركة الأصلية كتبت بواسطة فضااويبصراحة اول مرة نعرف ان الملوخية تاخذ كل هالوقت

انا امي مصرية يعني اهل الملوخية وطريقتناا تختلف تماما عن طريقتك

يعطيك الصحة والعافيه وراح انجربهاا

فض فض
الطريقة المصرية مختلفة تماما
لان الطريقة المصرية ماتاخد وقت
والصراحة تستاهل التجربة طريقة منى هذه حلوة حلوة

جربيها جربيها والأحلى كان عندك حد ماشي لتونس يجيبهالك من غادي بنتها وريحتها احلى لانهم خبراء فيها ، حتى اللي يبيعو فيها هني مش بطالة ولكن للأسف مرات لما تتبننيها تحسي كأنه فيها تراب
هيا جربيها وقولي رأيك ** خدوج ** وتسلمي على مرورك ومشاركتك الرائعة

[kittygago]

ما شاء الله عليك

يسلم هالإيديات يا حبوبة

[نوارة ليبيا]

ماشاء الله تسلم الأيادي ^_^

[Om Amory]

تسلم الأيادى