[تجارب وخبرات] أول مرة دخلتي المطبخ ؟!؟

**ابريكه** · 12-02-2010, 06:52 AM

اول مرة دخلتي للمطبخ
كل وحدة من الاخوات تدخل وتحكيلنا على اول تجربة ليها في المطبخ
هل كانت موفقة أو ؟
نبداء بنفسي
اول مرة دخلت للمطبخ
كان وجبة عشاء بكبوكي
وليتو واجعيني اوخيني اللي رقدو بلا عشي ويناري كان شتاء

خشيت للمطبخ وبكل ثقة وما نبي حد يساعدني
ثقة زيادة
جهزت المكرونة وقدمتها
ونمشي من جنب خوتي واني رافعة خشيمي
ثقة زيادة
وقعدت ننتظر في تعليقاتهم عالبكبوكي
جاني وخي قالي اوخيتي
دهشنا واحني نجرو وراء حبوب المكرونة
ههههههههههههههههههههههههههههههههههههههه
عرفتو ليش

لان المرقة أكثر من الحبوب ههههههههههههههههههههه
يعني درتها ليهم شووووووووووربة
ومنها عطوني اجازة للعطلة ولما تكون علية وجبة المطبخ يتعشو في المطعم

وبعدها تحسن الحال وصرنا انا والمطبخ اصحااااااااااااااااااب
بأنتظار مشاركتهم ومواقفكم الحلوة

**حنان** · 12-02-2010, 07:12 AM

اهلين بالاخت ابريكه والله ضحكتينى
ههههههههههههههههههههههه كلنا كانت لينا تجارب اتهبل فى المطبخ
وانا كانت تجربتى كانت البيتسة وجت فى حويلة الله لايوريك رايحة تقولى عمارة من علوها
ولاكن والله بنتها معقولة وبعدها البكبوكى حتى انا وجتنى طايبة هلبة
لاكن الحمد لله توا وليت معظم وقتى فى المطبخ ومن هواياتى الطبخ
اهو الحمد لله ماشية الامور تمام هدى كانت اول تجاربى

**الساجدة لله** · 12-02-2010, 09:44 AM

صباح الخيرات والليرات حبيباتي اول تجربة لطبخ ليا كانت وانا في عمر 7 سنين نشوف في امي اطيب لاختي في الرز فكنت بعد مانخليها ترقد نخش نطيب فيه وطبعا الرز كان يحيني ني اما عن اول مرة طيبت فيها حاجة رسمية كانت مكرونة مبكبكة وكانت حارة هلبه اللي ياكل فم مايكملش التاني هههههه

**kittygago** · 12-02-2010, 10:22 AM

ههههههههههههههههههههههههههههههههههههههههه

يا عطيك الهنا و السلامة و خلاص

قسما بالله جتني ضحكة لين سمعوها اللي بحداي و ما قدرتش ندرق بكل

هههههههههههههههههههههههههههههه

يا عطيك الهنا و خلاص

اني اول مرة نخش فيها المطبخ و بدون مبالغة ... خشيت غلى الرز المبكبك .... لأني نحبه هلبة و درته في يوم امي و بوي مهناش ..... لأنه من طبعي نحب ندير الحاجة الجديدة بروحي و ما نحب حد يوقف فوق راسي و كان عمري 12 العام

و الحمد لله جيه زي العسل ... صدقوني مش شكرانية ... لكن ماما ما صدقتش انه اني درته ... و بعدين صدقت لأنه ما فيش في الحوش الا اني و خوتي اللي اصغر مني هههههههههههههههههههههههههه

فكانت بداية موفقة

لكن بعدها كان فيه تبلبييييييييييييييييز هلبة .... و فكرتيني يا بريكتي لما درت الشربة أول مرة

بعد ما كملو ... قالي بابا لما تبي اديري الشربة قوليلي ... باش نوتي حوايج العوم

عرفتي اكيد علاش

حبوب الشربة طشة و الطبيخة هلللللللللللبة

ههههههههههههههههههههههههههه

**التا ئبه لله** · 12-02-2010, 10:30 AM

السلام عليكم يا احلى اخوات
ابريكه يا عسل الله يجزاك خير
بنسبه للمو ضوع والله مش متفكره اول حا جه طيبتها شن هيا بس الا نتفكر فيه والا راسخ فى دهنى انى تعلمت الطبخ بعد ما نخطبت عاد تعرفو اعلاش

نتفكر مرة دررت رشه كسكاسوحطيتها
فى الكسكا س من غير ما نغربلها من الدقيق فا منحكلكميش امى شن دارة فيا الا يجينا تقوله اعليها
واهو لتو نتعلمو ما فيش حد جاى من بطن امه متعلم والحمد لله بشهادة الجميع بديت ست بيت درجه اوله
خخخخخخخخخ واحد تشكر فى نفسها قالك تغرب واكدب ههههههههه والله بجد والحمد لله

**سحابه صيف** · 12-02-2010, 02:00 PM

روعة الموضوع يا ابريكه
انا تجربي كانت اتخوخم هههههههههههه
اول مرة انخش علي المطبخ خشيت علي بسبوسه طول والحمد لله حيلا جتني قنينة لمة العفسة جتني في اني لما ولع الكوشة طبعا كانت كوشه الغاز هي
المهم ولعتها علي اساس نبيها تسخن ولعتها وخليت الولاعه في الكوشة مش عارفة كيف انسيتها وسكرتها بكل تقه وشوة اتصير تقرفيها ونرنها عيطه انا ههههههههههههههه جتنا جارتنا تسحابه اشبح شني صار هههه
ومهاما قعدة شهر وانا كلما نبي انخش للمطبخ نتردد

**نوارة ليبيا** · 12-02-2010, 03:06 PM

ههههههههههه والله منورات يابنات

احم احم اني اول مابديت دخلت بروحي للمطبخ هههه كانت سنة أولى اعدادي يعني عمري يا 10 يا 11 سنة

درت مكرونة صالصة ..اسهل منها مافيش هههه

والحق ياربي الطبخ عندي هوااااية نخش انبلبز تطلع حاجة حلوة " شكااار العروس هههههه "....وحاليا بعد الخطبة ههههه قلت لهم يعلموني البازين لأن بجد مانعرف

والحمدلله ....

وايدي ملاحة ونحب الملح هلبة ... لكن الحمدلله بديت نتحكم في روحي

ومن أولى ثانوي واني مع ماما ايد بايد في المطبخ ...لأن الحق اني راااس بنت

......وبس

**اريناس** · 12-02-2010, 06:47 PM

خير عليكم

انصااار الكل عنده بدايه موفقه وبدااايه مضحكه فى المطبخ (الكوجينه)

اناا اول حااجه ندريهااا هى عصيده بزبده اصلى نحبهااا بصرااحه

لكن اول مره انديرهااا ههههههههههه درتهااا رطبه وخيتك بعد ماطابت اتحط فيهاا يدهاا و العجينه تلصق فى يدى ووووووووووو وقاعدت نجرى واهلى فى جرتى وعصيده لصقه فى يدى

وخلتلى يدى محروقه قريب اسبوعين ههههههههههه

بس مازالت نحب العصيده ونموت فيهااااا

**الساجدة لله** · 12-02-2010, 07:00 PM

هههههههههههههههه كل وحدة ليها تجربة احرف من التانية كيتي واريناس سحابة وبريكة موتووووووووووني بالضحك يعطيكم الصحة

12-02-2010, 07:04 PM

ههههههههههههه
والله ضحكتونى وابكيتونى فى نفس الوقت ادكرت الوالدة الا يرحمها
كنت مدلعتنى هى وخوتي الوطة مايبونى نمشى عليها
لانه الغالية ظنوتها الاكترية اولاد وانا بنت جيئتهم على شووووق
معيشتنى اميرة زمانى
وبعد ماتوفت ربى يرحمها <<دعواتكم لها بالرحمة والغفران
شد مهمتها بوى الغالى ربى ايطولنا فى عمره ويحفظه لينا ويدوم عليه الصحة يآرب
فتصدقو لما انخطبت اختى ومرات خوي يقولو تعالى خشى معنا <<انرد عليهم ها هالعلم ولا درة يلى بتعلمونى فيها
على قد ماحاولو معى مافيش فائدة نهائياً

خوتى الاولاد يضحكو عليا ايقولولى مش ح نستحشوك اسبوع وبترجعيلنا بعد الزواج

وتزوجت وخشيت للمظبخ بكل تقة
والحمد لله
ماندكرش موقف صار معى والله العظيم لعند الان ست بيت درجة اولى مع مرتبة الشرف
بشهادة الجميع
غير مرتبة الشرف اخديتها توة وانا فى امريكا زدت طورت نفسى من عالم النت
والحمد لله كل يوم نتعلمو وكل يوم تتطلع حاجة جديدة

طولت عليكم وحليت قصة حياتى
*_^

على فكرة اول مره عزمت بوى يتغدي معنا قالى لراجلي كول الكفتة من اليدين الزفته هههههههه هازى عليا
خخخخخخ
ربى يحفظه ان شاءلله

الموضوع: [تجارب وخبرات] أول مرة دخلتي المطبخ ؟!؟

أدوات الموضوع

عرض

[تجارب وخبرات] أول مرة دخلتي المطبخ ؟!؟

معلومات الموضوع

الأعضاء الذين يشاهدون هذا الموضوع

المفضلات

المفضلات

ضوابط المشاركة