[تجارب وخبرات] أول مرة دخلتي المطبخ ؟!؟

[ام الحلوين]

السلام عليكم
تسلموا يالغاليات ديما التجارب الأولى حاجه غير
أنا عن نفسي أول ما دخلت عالعصيدة طول زي أريناس
ومازلت نذكر فيها
كانت عندنا دار بره الحوش وقلت لخوتي أصغر مني تعالوا أمعاي أنديرلكم عصيده وجوا أمعاي مساكين وكان عمري بين 13 14 سنه مساكين بياكلوا عصيده
وحطيت الطنجرة وحطيت الميه والملح لعند هنا أكويس وبعدين حطيت الدقيق أدعكي أدعكي وقعدت على النار أهي تلتم ما بت حالفه وخوتي يضحكوا ويقولوا أمي مش هكي عصيدتها
وبعدين صبيتها وخلاص جت عصيده جاريه
وخشت عليا أمي وحصلت عليها قرصة وذن ليش ما كلمتيني وقلتيلي وكان أنحرقتي وحرقتي خوتك
وما كلامنها إلا بوي الله يرحمه ورفع معنوياتي وقالي كويسه يابنيتي حتى السوادين عصيدتهم هكي
أما الباقي كملوها ضحك
ومنها ما عاد درتها إلا من سنه تعلمتها يعني توا جديده وبروحي فجأة طلعت أتهبل وذاقتها عمتي وعجبتها وقالت لي مانك تعرفي أتديري كنها عصيدتك سمحه
مسكينه 6 أسنين أمعاهم هي اللي أتعصد
وتوا مانحكيلكم كل يوم جمعه نعصد لزوجي في الشتاء
وباقي الطبخ روووووووووعه مانشكر روحي
بشهادة أم زوجي وزوجي الليما يأكل إلا من أيدي
معليش كثرت قرقرة سامحوني

هههههههههههه ربى يرزقك بالذرية الصالحه ياربى انشاءالله نشوفو شريط متاع الحمل وانتى تعدى فى الشهور كم مازالت عاولادة
وربى يرحم بوك ويغفرله ويجعل مثواه الجنة وربى يحفظلك زوجك ويجعلك قرة عينه

[اريناس]

السلام عليكم
تسلموا يالغاليات ديما التجارب الأولى حاجه غير
أنا عن نفسي أول ما دخلت عالعصيدة طول زي أريناس
ومازلت نذكر فيها
كانت عندنا دار بره الحوش وقلت لخوتي أصغر مني تعالوا أمعاي أنديرلكم عصيده وجوا أمعاي مساكين وكان عمري بين 13 14 سنه مساكين بياكلوا عصيده
وحطيت الطنجرة وحطيت الميه والملح لعند هنا أكويس وبعدين حطيت الدقيق أدعكي أدعكي وقعدت على النار أهي تلتم ما بت حالفه وخوتي يضحكوا ويقولوا أمي مش هكي عصيدتها
وبعدين صبيتها وخلاص جت عصيده جاريه
وخشت عليا أمي وحصلت عليها قرصة وذن ليش ما كلمتيني وقلتيلي وكان أنحرقتي وحرقتي خوتك
وما كلامنها إلا بوي الله يرحمه ورفع معنوياتي وقالي كويسه يابنيتي حتى السوادين عصيدتهم هكي
أما الباقي كملوها ضحك
ومنها ما عاد درتها إلا من سنه تعلمتها يعني توا جديده وبروحي فجأة طلعت أتهبل وذاقتها عمتي وعجبتها وقالت لي مانك تعرفي أتديري كنها عصيدتك سمحه
مسكينه 6 أسنين أمعاهم هي اللي أتعصد
وتوا مانحكيلكم كل يوم جمعه نعصد لزوجي في الشتاء
وباقي الطبخ روووووووووعه مانشكر روحي
بشهادة أم زوجي وزوجي الليما يأكل إلا من أيدي
معليش كثرت قرقرة سامحوني

هههههههههههههههههه انصار موش انا بس

مقالب مع العصيده

[ابريكه]

هههههههههههههههههههههههههههه
ياعيني عالفالحات طلعن مدايرات فلايط في بدايتهن هههههههههههههههههههههه
ضحكتوني والله كل موقف اكثر من التاني
وتوة ماشاء الله عليكن فنانات نشوف فيكن ومتميزات في المطبخ العربي كلة
يسلمهن زينات بلادي

[امتنان]

موضوع غاية في الروعة ياابريكة
انا ياما درت من حاجات لكن من نخلي حد يشوفني يعني ديما بعد الغداء
واول حاجة كيكة وطلعت نية من الوسط وحكايتها بكل
ولكن تعلمت المطبخ بدري من الاعدادي ولما تزوجت وتغربت تعلمت اكتر واتقان الحمدلله كاني كنت مانعرف شي وزادني ابداعتكن ماشاء الله
بوركتي والله ينولك اللي في بالك

[روح مغتربه]

السلام عليكم حبوبات
بريكه ربي يسعدك والله ضحكت ضحك الله يعلم بيه مواقف مش عاديه
بنسبه لي المواقف بصدق واجده لاني خشيت المطبخ بدري وديمه انخش من وراء ظهر امي يعني هي تمشي من هنا وعمتك الفالحه تسمي بالله من هنا
بس اكثر موقف ندكره ويضحكني كل ما ندكره هو حاجه ساهله خشيت نبي انطيب السحلب الي هو القصب كان شتاء وعشيه ومعايه خويه الي اصغر مني وامي الله يدكرها بالخير امخليتلنا كيكه ناكلوها كان جعنه بس حسينا روحنا نبو حاجه ساخنه زي ما عودتنا امي احسن حاجه طويسة سحلب وخويتكم حافظه المقادير طاسه الميه بكاشيك دقيق قصب وبس ضروري انديرو الفلاحه قلت خليني نحسب بويه وامي وخوتي يعني كرم مش عادي ونحطلك 7 طواسي اميه في الطنجره ونستناهم لين يغلو ونبدا انحط في كواشيك الدقيق لين كملت 7 كواشيك وبديت انحرك وصبيتله السكر وطفيت الغاز ولما جينا انصبو فيه طاحن كور من الطنجره اتقولي دحي مطبوخ لاني ما دوبتش الدقيق في اميه بارده ولما نذكرهم كيف نزلوا في الطاسه وتبزع علينا السحلب نضحك بروحي كيف الهبله
والله ايام الصغره والبراءه ما تعوضش

[mnona]

ههههههههههههههههههههههههههههههههههههههههههههههه
يعطيكم السلامة وخلاص
والله فكرتوني في حاجات كنت ناسيتهم
اني اول مرة نخش للكوجينة طيبت كيكة ، كيكة انما ايه
كان يومها عيد ميلاد اختي الكبيرة والكبير ربي
وكان الجو ثلج مصقع والمطر هلبا وقالت امي
مافيش حد يتبرع ويمشي يجيب تورتة لوخيته
عاد كلهم صقع تمبلو
نضت اني الفالحة عاد علي اساس
قلتلها تي لا لا وعلاش تورتة توا اني نديرلها كيكة تهبل
المهم خشيت للكوجينة ودرت الكيكة ودرت الشاهي
ونتفكر في روحي كان عمري ههههههههههههههههههههههه وقتها 15 سنة
ترا قولو باش درتها الكيكة بدقيق الشعير ههههههههههههههههههههههههه
وبدلا لا نحط سكر حطيت ملح في الشاهي والكيكة
هههههههههههههههههههههههههههه
ومنحيلكمش عالعويلة شن صار فيهم
ومرة في عطلة نصف السنة قالتلي امي ترا بنيتي ديرنا حاجة حلوة هههههههههههه نشربو بيها الشاهي قلت خلي نديرلهم كيكة ثانية وتو نوريهم ضحكو عليا في الاولى بدل مانحط نشا حطيت شب ههههههههههههههههههههههه وكان وقتها خوالي معانا وكلوها وبدو الجماعة يدوخوااا هههههههههههههههههههههههههههههههههههههههه والله موقف مستحيل ننساه لين امي
قالتلي شن درتي يابنت في الكيكة خوالك اللي بطنه وجعاته واللي راسه بدي يدوخ
خشت معاي للكوجينة ووريتها المقادير اللي درتهم
امي عيطت قريب لمة عليا امة لا اله الا الله
ههههههههههههههههههههههههههه
وفيه مرة حتى هوا تفلحت ولكن كنت باهي كبيرة شوية يعني 17 سنة هكي قالي خوي خاطرنا في
كوسا وفلفل محشي وامي وقتها مسافرة هيا بوي
قلت يالله مشي خوي ياناري جابلي كل شئ ودرتلهم الكوسا وطلعت الحشوة هههههههههههههههههههههههههههههه لونها اسود زي الفحمة هههههههههههههههه ولي توا والله مانعرف علاش جتني سودة وبنتها غريبة ومش حارة ولا مالحة

ولكن بفضل الله والحمد لله اكلتي كلها تجيني 100 % وبالذات المحشي والكيكة
وحتى تاج راسي عاجبه اكلي والحمد لله

[أشواق]

هههههههههههههههههههههههههههههه
والله لين مصيريناتى و اجنابى خلاااااااااااص من الضحك
قريت اغلب المشاركات وكانت كل وحدة أحلى من الثانية
هههههههههههههههههههههه الله ايفرحكن بالجنة يا رب

كلا بالنسبة ليا أنا أول تجربة ليا كانت أيام الثانوية...نذكر كان يوم من أيام رمضان وكانت الوالدة الله يحفظها مش متواجدة، فقلت خلينى انديرللهم براك (ضولمة)..خشيت للمطبخ وشمرت أكمامى و بديت فى غسل الخضرة وتقريضها وهكذا لغاية ما بديت نحشى....أوكى حشيت ورق السلق كله وحطيته فى الطنجرة و ولعت عليه النار و بعد ما قريب يأذن المغرب طفيت عليه و بديت نبى انوزع فى التباسى....شفت الطنجرة انفجعت....قلت تى وين راح البراك بسم الله الكريم ...العشية كلها و أنا اندير فيه .....ترا قولولى علاش... هههههههههه




طلعت الفالحة مش حاطة رز فى الخلطة...ههههههههههههههههههه

يعنى الحشو كله خضرة و طابت وساحت مع المية.؟..ههههههههه

نذكر باتى و خوتى قالولى تى وين البراك لا اله إلا الله حرام عليك رانا صايمييييييييييييييييين

قتلهم الله غالب اعذرونى هذى تجربتى الأولى

ههههههههههههههههه...ذكريات ما يتعوضن

[المصراتيه]

ههههههههههههه
مقالب كلها حلوه ومضحكه ربي يهنيكم

[قهوة مزبوطة]

تجارب مضحكة تموووووووووووووووووووووووووووووووت من الضحك نذكر أول حاجة طيبتها كانت مكرونة بالصالصة و مضنيتها اللي دؤتها صالصة لحد الأن مانعرفش ليها أسم ههههههههههههههههههههههههههههههههه وبويا قعد يطبخ على خواتي لآنهم خلوني نخش بروحي للمطبخ ههههههههههههههههههههههههههههههههههههههههههههههه وهذاك اليوم عدي الغداء للدجاج ههههههههههههههههههههههههههههه