[تجارب وخبرات] أول مرة دخلتي المطبخ ؟!؟

[ابريكه]

اهلين بالاخت ابريكه والله ضحكتينى
ههههههههههههههههههههههه كلنا كانت لينا تجارب اتهبل فى المطبخ
وانا كانت تجربتى كانت البيتسة وجت فى حويلة الله لايوريك رايحة تقولى عمارة من علوها
ولاكن والله بنتها معقولة وبعدها البكبوكى حتى انا وجتنى طايبة هلبة
لاكن الحمد لله توا وليت معظم وقتى فى المطبخ ومن هواياتى الطبخ
اهو الحمد لله ماشية الامور تمام هدى كانت اول تجاربى

حنونة اسعدني تواجدك
وخشيتي طول عالمعجنات قوية منك
هههههههههههههههههههههههههههه
اكيد توة البتزا تطلع منك تحفة لان ديمة الحاجة اللي تغلط فيها تحب تبدع فيها
منورة حبوبة

[ابريكه]

صباح الخيرات والليرات حبيباتي اول تجربة لطبخ ليا كانت وانا في عمر 7 سنين نشوف في امي اطيب لاختي في الرز فكنت بعد مانخليها ترقد نخش نطيب فيه وطبعا الرز كان يحيني ني اما عن اول مرة طيبت فيها حاجة رسمية كانت مكرونة مبكبكة وكانت حارة هلبه اللي ياكل فم مايكملش التاني هههههه

خاشة عالرز هههههههههههههههههههههه
الرز زمان دارلي عقدة نفسية نسحابة طايب وبعد نقدمة يقولولي ني
صار الالمكرونة ما تقدري تكملي منها فم
باهي الحمد الله تابثة في مكانها هههههههههههههه مش زي تسبح ويجرو وراها
اسعدني تواجدك سجودة منورة

[Om Amory]

طبعا أنى أول أول مره تعلمت البكبوكى ههههههههه

كانوا اماليا مهناش وعندى بنات عمى

طبعا درت وهما معاى طبعا قعدت المكرونه مش طايبه

كويس هههههههه نتفكر فيها كانت سبيقه يابسه هههههه

قعده ماطابتش ههههههههههههههه

لكن الحمدلله توا نطيب ميه ميه حتى راجلى عاجبه تطييبى

ومع انى تعلمت موخر هههههههه لكن الحمدلله

[ابريكه]

ههههههههههههههههههههههههههههههههههههههههه

يا عطيك الهنا و السلامة و خلاص

قسما بالله جتني ضحكة لين سمعوها اللي بحداي و ما قدرتش ندرق بكل

هههههههههههههههههههههههههههههه


يا عطيك الهنا و خلاص

اني اول مرة نخش فيها المطبخ و بدون مبالغة ... خشيت غلى الرز المبكبك .... لأني نحبه هلبة و درته في يوم امي و بوي مهناش ..... لأنه من طبعي نحب ندير الحاجة الجديدة بروحي و ما نحب حد يوقف فوق راسي و كان عمري 12 العام

و الحمد لله جيه زي العسل ... صدقوني مش شكرانية ... لكن ماما ما صدقتش انه اني درته ... و بعدين صدقت لأنه ما فيش في الحوش الا اني و خوتي اللي اصغر مني هههههههههههههههههههههههههه

فكانت بداية موفقة


لكن بعدها كان فيه تبلبييييييييييييييييز هلبة .... و فكرتيني يا بريكتي لما درت الشربة أول مرة


بعد ما كملو ... قالي بابا لما تبي اديري الشربة قوليلي ... باش نوتي حوايج العوم


عرفتي اكيد علاش

حبوب الشربة طشة و الطبيخة هلللللللللللبة

ههههههههههههههههههههههههههه

هههههههههههههههههههههههههههههههههههه
ان شاء الله ديمة مبتسمة وتضحكي يالغالية
والله حركتك حلوة اول تجربة ليك والاهل غير موجودين فكرة خطيرة والله حتى كان صار ما صار لوح ومايندريش حد عالفلايط وكان شيطت حويجة يتبخر البيت قبل ما يوصلو تمشي ريحة الشياط
ههههههههههههههههههههههههههههه
ماشاء الله خشيتي عالرز يا كيتي من اول مرة وزبط معاك
بسم الله ماشاء الله وصغير عمرك
صار الشربة زي بكبوكي ههههههههههههههههههههههه
ضحكتني جملة الوالد معناها تعبو تعب خوتي ههههههههههههههههههههه
اسعدني تواجدك وديمة منورة

[ابريكه]

السلام عليكم يا احلى اخوات
ابريكه يا عسل الله يجزاك خير
بنسبه للمو ضوع والله مش متفكره اول حا جه طيبتها شن هيا بس الا نتفكر فيه والا راسخ فى دهنى انى تعلمت الطبخ بعد ما نخطبت عاد تعرفو اعلاش

نتفكر مرة دررت رشه كسكاسوحطيتها
فى الكسكا س من غير ما نغربلها من الدقيق فا منحكلكميش امى شن دارة فيا الا يجينا تقوله اعليها
واهو لتو نتعلمو ما فيش حد جاى من بطن امه متعلم والحمد لله بشهادة الجميع بديت ست بيت درجه اوله
خخخخخخخخخ واحد تشكر فى نفسها قالك تغرب واكدب ههههههههه والله بجد والحمد لله

منو التائبة السموحة
هلا وغلا
والله فعلاً مزااااااااااال تصيرلنا اخطاء وعترات وهفوات ومزال نتعلمو
معناها يا سمحة ما طلعت رشدة ههههههههههههههههههههههه
يعطيك الهناء
ماشاء الله عليك باين عليك شطورة وفالحة وربي يسعدك في حياتك ويباركلك في ذريتك
اسعدني تواجدك وتسجيلك معانا

[أم أيوب]

أول تجربة ليا كان عمري عشر سنوات

هذاك اليوم ماما كانت مريضة وبطنها توجع فيها
وبابا كان معزوم برة الحوش على غداء

قلت لماما ارتاحي توة نطيب أنا

بعد اصرار مني ومحاولات قالتلي باهي ديريلنا برودو ( شوربة خضار )

عطتني الطريقة ووقفت جنبي لعند ما حطيت الحاجات عالنار

وبعد ما طلعت قلت لروحي أكيد ماما نست التوابل

مشيت للتوابل ولا غاب عالبرودو فلفل أحمر مطحون ولا حرارات

ولا حاجة حارة وهو بالحق يكون هافت بلا حرارات

المهم واخر حاجة قلت هي اسمها شوربة خضار وكيف ماما نست

قرينات الفلفل توكلت على الله وحطيتله فلفل وطاب وحطيته في الفناجين

وما تلقي الا اللي يبكي من خواتي الصغار من كثر ما حرقهم وماما كانت عابية

على حاجة هادية وجتها برودو نار يحرق

ومنها بديت فالمطبخ بس توة الحمد لله نطيب كويس بكل بس مازال عندي

مشكلة الأكل الحار

[ابريكه]

روعة الموضوع يا ابريكه
انا تجربي كانت اتخوخم هههههههههههه
اول مرة انخش علي المطبخ خشيت علي بسبوسه طول والحمد لله حيلا جتني قنينة لمة العفسة جتني في اني لما ولع الكوشة طبعا كانت كوشه الغاز هي
المهم ولعتها علي اساس نبيها تسخن ولعتها وخليت الولاعه في الكوشة مش عارفة كيف انسيتها وسكرتها بكل تقه وشوة اتصير تقرفيها ونرنها عيطه انا ههههههههههههههه جتنا جارتنا تسحابه اشبح شني صار هههه
ومهاما قعدة شهر وانا كلما نبي انخش للمطبخ نتردد

هههههههههههههههههههههههههههههه
عين وطارت الحمد الله ماجتش فيك التفرقيعة
لكن صحة ليك والله خاشة عالبسبوسة
ماشاء الله
فعلا فية حاجات يصيرولك تولي خايفة ترديلهم تاني لين تتعودي بشوي
وتوة ماشاء الله عليك ست مطبخ تبارك الرحمن
اسعدني حضورك

[ابريكه]

ههههههههههه والله منورات يابنات

احم احم اني اول مابديت دخلت بروحي للمطبخ هههه كانت سنة أولى اعدادي يعني عمري يا 10 يا 11 سنة

درت مكرونة صالصة ..اسهل منها مافيش هههه

والحق ياربي الطبخ عندي هوااااية نخش انبلبز تطلع حاجة حلوة " شكااار العروس هههههه "....وحاليا بعد الخطبة ههههه قلت لهم يعلموني البازين لأن بجد مانعرف

والحمدلله ....

وايدي ملاحة ونحب الملح هلبة ... لكن الحمدلله بديت نتحكم في روحي

ومن أولى ثانوي واني مع ماما ايد بايد في المطبخ ...لأن الحق اني راااس بنت


......وبس

ربي يخليك ليمتك ويخليها لك ويفرح قلبها بيك
ماشاء الله صار من الاول شطورة
باين يا سمحة والله
ان شاء الله ربي يوفقك في دراستك ويسعدك مع زوج المستقبل
اسعدتني مشاركتك نوارتنا

[ابريكه]

خير عليكم

انصااار الكل عنده بدايه موفقه وبدااايه مضحكه فى المطبخ (الكوجينه)

اناا اول حااجه ندريهااا هى عصيده بزبده اصلى نحبهااا بصرااحه

لكن اول مره انديرهااا ههههههههههه درتهااا رطبه وخيتك بعد ماطابت اتحط فيهاا يدهاا و العجينه تلصق فى يدى ووووووووووو وقاعدت نجرى واهلى فى جرتى وعصيده لصقه فى يدى

وخلتلى يدى محروقه قريب اسبوعين ههههههههههه

بس مازالت نحب العصيده ونموت فيهااااا

ههههههههههههههههههههههههههههههههه
يعطيك الهناء صار اول مرة علامة باليد
الف سلامات ارنوسة
وتوة تلقي نفسك مبدعة في العصيدة
لانك تلوعتي منهاههههههههههههههه
ديمة منورة ارنوسة اسعدتني مشاركتك

[ابريكه]

هههههههههههههههه كل وحدة ليها تجربة احرف من التانية كيتي واريناس سحابة وبريكة موتووووووووووني بالضحك يعطيكم الصحة

ان شاء الله دوم سعيدة ومبسوطة سجودة:d