[تجارب وخبرات] أول مرة دخلتي المطبخ ؟!؟

[ابريكه]

ههههههههههههه
والله ضحكتونى وابكيتونى فى نفس الوقت ادكرت الوالدة الا يرحمها
كنت مدلعتنى هى وخوتي الوطة مايبونى نمشى عليها
لانه الغالية ظنوتها الاكترية اولاد وانا بنت جيئتهم على شووووق
معيشتنى اميرة زمانى
وبعد ماتوفت ربى يرحمها <<دعواتكم لها بالرحمة والغفران
شد مهمتها بوى الغالى ربى ايطولنا فى عمره ويحفظه لينا ويدوم عليه الصحة يآرب
فتصدقو لما انخطبت اختى ومرات خوي يقولو تعالى خشى معنا <<انرد عليهم ها هالعلم ولا درة يلى بتعلمونى فيها
على قد ماحاولو معى مافيش فائدة نهائياً

خوتى الاولاد يضحكو عليا ايقولولى مش ح نستحشوك اسبوع وبترجعيلنا بعد الزواج

وتزوجت وخشيت للمظبخ بكل تقة
والحمد لله
ماندكرش موقف صار معى والله العظيم لعند الان ست بيت درجة اولى مع مرتبة الشرف
بشهادة الجميع
غير مرتبة الشرف اخديتها توة وانا فى امريكا زدت طورت نفسى من عالم النت
والحمد لله كل يوم نتعلمو وكل يوم تتطلع حاجة جديدة

طولت عليكم وحليت قصة حياتى
*_^


على فكرة اول مره عزمت بوى يتغدي معنا قالى لراجلي كول الكفتة من اليدين الزفته هههههههه هازى عليا
خخخخخخ
ربى يحفظه ان شاءلله

ربي يرحم ميمتك ويطول بعمر الوالد ويعطية صحتة
صار هازي هههههههههههههههههههههه
قوليلى شوف الابداعات
اسعدني تواجدك حرة منورة

[ابريكه]

[quote=أم عمورى;1633]طبعا أنى أول أول مره تعلمت البكبوكى ههههههههه

كانوا اماليا مهناش وعندى بنات عمى

طبعا درت وهما معاى طبعا قعدت المكرونه مش طايبه

كويس هههههههه نتفكر فيها كانت سبيقه يابسه هههههه

قعده ماطابتش ههههههههههههههه

لكن الحمدلله توا نطيب ميه ميه حتى راجلى عاجبه تطييبى

ومع انى تعلمت موخر هههههههه لكن الحمدلله[/quote
عروستنا الحلوة هنا
توة ورية الابدعات والحركات المطبخية ونوعي بالوجبات والمقبلات

ان شاء الله ربي يسعدك
وحغسة السبقيتة مش ح تتكررمع علاء
هههههههههههههههههه
اسعدني تواجدك ومنورة

[ابريكه]

أول تجربة ليا كان عمري عشر سنوات

هذاك اليوم ماما كانت مريضة وبطنها توجع فيها
وبابا كان معزوم برة الحوش على غداء

قلت لماما ارتاحي توة نطيب أنا

بعد اصرار مني ومحاولات قالتلي باهي ديريلنا برودو ( شوربة خضار )

عطتني الطريقة ووقفت جنبي لعند ما حطيت الحاجات عالنار

وبعد ما طلعت قلت لروحي أكيد ماما نست التوابل

مشيت للتوابل ولا غاب عالبرودو فلفل أحمر مطحون ولا حرارات

ولا حاجة حارة وهو بالحق يكون هافت بلا حرارات

المهم واخر حاجة قلت هي اسمها شوربة خضار وكيف ماما نست

قرينات الفلفل توكلت على الله وحطيتله فلفل وطاب وحطيته في الفناجين

وما تلقي الا اللي يبكي من خواتي الصغار من كثر ما حرقهم وماما كانت عابية

على حاجة هادية وجتها برودو نار يحرق

ومنها بديت فالمطبخ بس توة الحمد لله نطيب كويس بكل بس مازال عندي

مشكلة الأكل الحار

ياناري وجعتني ميمتك مريضة وتراجي في حويجة تأكلها هههههههههههههههه
درتي برود وحار
يعطيك السلامة
هذة تجربة حلوة واكيد تعلمتي منها
وكلنا مزال نتعلمو وكل يوم نقولو هذة تعلمتها
ونفرحو بيها
اسعدني تواجدك منورة

[أمـ ساره]

ههههههههههههههههههه

ااااااااااااااااااااااااااااااااهه

بطني وجعتني من الضحك والله حتى زوجي قالي خيرك شنو جاك

تخايلوا وحدة مقعمزة على الكمبيوتر وتضحك بروحها هههههههههههههههه

لكن أرنوسة تخيلت شكلك وانتي تجري واماليك وراك

هههههههههههههههههههههههههههههههههههههه


والله صحة ليكم كلكم مواقف قوية

[أمـ ساره]

اااااااااااااااااه منكم والله ماقدرت نبطل ضحك

ابريكة يا غالية الله يفرح قلبك بالعيل الي تتمنيه يارب زي ما فرحتينا ليلة هالجمعه



بالنسبة لي ما نتذكر أول موقف بالضبط لأني ما تعلمت التطيب بكري

بس كنت مرة مرة اندير في الباسطي والبريوش والحاجات هذه الخفيفة


مرة نتذكر أمي وبوي مهناش وقاعدة اني وخواتي بروحنا

فقررت اني اندير باسطي وبديت فيك لكن بعد ما نضيف الدقيق ما يجيني كويس

انلوحه ونعاود مرة ثانية علي هالحل لين المرة الثالثة نفس الشيء قلت خلاص ما عاد بندير


علي جية جارنا راجل كبير جاي يطمن علنا لأن وقتها كنا صغار وما يخلينا بروحنا

أنا كنت في الصف الخامس ابتدائي تقريباً

قالي شنو اديروا قلت له اندير في باسطي وما يبي يجيني كويس من بكري

قالي خلي انشوفه وطبعا كان عنده شوية خبرة في الطبخ

لما شاف الباسطي متاعي قالي هذا شنو قلت له باسطي

قالي لا مش هكي ايديروا فيه

تعرفوا وخيتكم شنو كانت ادير

تعجن في الباسطي بدل ما تضربه بالشوكه

هههههههههههههههه

[أم أيوب]

اااااااااااااااااه منكم والله ماقدرت نبطل ضحك

ابريكة يا غالية الله يفرح قلبك بالعيل الي تتمنيه يارب زي ما فرحتينا ليلة هالجمعه



بالنسبة لي ما نتذكر أول موقف بالضبط لأني ما تعلمت التطيب بكري

بس كنت مرة مرة اندير في الباسطي والبريوش والحاجات هذه الخفيفة


مرة نتذكر أمي وبوي مهناش وقاعدة اني وخواتي بروحنا

فقررت اني اندير باسطي وبديت فيك لكن بعد ما نضيف الدقيق ما يجيني كويس

انلوحه ونعاود مرة ثانية علي هالحل لين المرة الثالثة نفس الشيء قلت خلاص ما عاد بندير


علي جية جارنا راجل كبير جاي يطمن علنا لأن وقتها كنا صغار وما يخلينا بروحنا

أنا كنت في الصف الخامس ابتدائي تقريباً

قالي شنو اديروا قلت له اندير في باسطي وما يبي يجيني كويس من بكري

قالي خلي انشوفه وطبعا كان عنده شوية خبرة في الطبخ

لما شاف الباسطي متاعي قالي هذا شنو قلت له باسطي

قالي لا مش هكي ايديروا فيه

تعرفوا وخيتكم شنو كانت ادير

تعجن في الباسطي بدل ما تضربه بالشوكه :d

هههههههههههههههه

هههههههههههههههههههههههههههههههههه

موتيني ضحك يا أم سارة

معقولة تعجني فيه عجن

ههههههههههه انشالله تكبر سارة وتدير كيفك

[اريناس]

ااسيريه ربى يسلملك اعويلتك وصاحب بيتك ويعوضك فيهم

زهوره ههههههههههههه ياانارى ع امك وحعتنى والله


ام ساره والله لعند تواا يقولولى يااريت كانت فى كميرااا وصورنك

عروستنااااااا شطوره عرفتك من كسكسو اليوم

[omhammam78]

ماشالله العضوات كلهم فالحات اللي اطيب من 7 واللي 10 أني ممكن أعرفت مصطلح البيكمبودر والفانيليا وابديت انميز بينهم في ثالتة اعدادي أني مشكلتي غريبة شوية أني كنت انحب المطبخ هلبة وبنهبل لما وحدة من صاحباتي تقول اني طيبت حاجة والا اني نخش مع امي للمطبخ لان ماما كانت مانعة علينا المطبخ وكانت فالحة هلبة وعيافة والسبب في اعتقادي لان ماما انحرمت من التعليم مسكينة فتبي كل وقتنا انكرسوه في الدراسه واني في المدرسة انقول لصاحباتي اميتي نتعلم الطبخ احني 5 بنات بنفس الطريقة لين مرة حرشت فيها جداي قتلها امي قتلي وقتكم حتى البازين بيجي معلب فردت عليها جداي وقتلها دقي كان ما ارجعتوا للرحاة ههههههههه وبديت مرة مرة بالخنبة انجرب وبعدين كملت الدراسة من اهني والنصيب كان يستنى و تزوجت وامي قالتلهم ما تعرفش اطيب وقعدوا لابسينه وهو متحشم ولكن صدقوني بفضل الله وبالدعاء وبرغبتي الدفينة لحب المطبخ سترني ربي ويحسابوني من تواصعي انقول ما نعرفش انطيب ولكن الحاجة الثانية اللي فادتني اني كنت انركز على امي واي حاجة انطيبها انقربها للطعمة امتاع امي والمرة الثانية نعرف شن اللي ناقص لين اتجي زي طعمة امي واني كل يوم نتعلم و طموحي كبير

[السمحة]

السلام عليكم
ههههههههههههههضحكتينى ابريكة من البرودو(الشربة)
اتذكر اول مرة دخلت المطبخ واختى كانت عندها صديقة ونحن فى درنة من العادة لما ايجى حد ايهدرز العشية انديروا عصيدة وكانت ماما خارج البيت وكان عمرى عشر سنين المهم دخلت المطبخ وحطيت الطنجرة ودرت عصيدة وكلت اختى وصديقتها وعطيت اخوتى وطلعت جميلة جدا لااننى كنت على طول مع ماما فى المطبخ
وتوا شاطرة وكل حاجة نعرف انديرةواللى ايعيش ياما ينظرويتعلم حتى زوجى ديمة يمدح فى اكلى عند اهلة
واصبخ المطبخ جزء من حياتى بجانب الاعمال اليدوية مثل الكروشية
تحياتى

[اريناس]

ماشالله العضوات كلهم فالحات اللي اطيب من 7 واللي 10 أني ممكن أعرفت مصطلح البيكمبودر والفانيليا وابديت انميز بينهم في ثالتة اعدادي أني مشكلتي غريبة شوية أني كنت انحب المطبخ هلبة وبنهبل لما وحدة من صاحباتي تقول اني طيبت حاجة والا اني نخش مع امي للمطبخ لان ماما كانت مانعة علينا المطبخ وكانت فالحة هلبة وعيافة والسبب في اعتقادي لان ماما انحرمت من التعليم مسكينة فتبي كل وقتنا انكرسوه في الدراسه واني في المدرسة انقول لصاحباتي اميتي نتعلم الطبخ احني 5 بنات بنفس الطريقة لين مرة حرشت فيها جداي قتلها امي قتلي وقتكم حتى البازين بيجي معلب فردت عليها جداي وقتلها دقي كان ما ارجعتوا للرحاة ههههههههه وبديت مرة مرة بالخنبة انجرب وبعدين كملت الدراسة من اهني والنصيب كان يستنى و تزوجت وامي قالتلهم ما تعرفش اطيب وقعدوا لابسينه وهو متحشم ولكن صدقوني بفضل الله وبالدعاء وبرغبتي الدفينة لحب المطبخ سترني ربي ويحسابوني من تواصعي انقول ما نعرفش انطيب ولكن الحاجة الثانية اللي فادتني اني كنت انركز على امي واي حاجة انطيبها انقربها للطعمة امتاع امي والمرة الثانية نعرف شن اللي ناقص لين اتجي زي طعمة امي واني كل يوم نتعلم و طموحي كبير

والله اتصدقى حتى اناا دخلت للمطبخ بدون حد مايقولى واصلا كانت عايشه مع زوجت اب

وسبحان الله كل مره نخش ع حاجه لين تعلمت اااابروحى وتواا الحمد الله

ومازناااا نتعلمواا كل يوم حاجه جديده