صحن يصلح لتقديم الأكل وخصوصاً البازين في المناسبات الاجتماعية الليبية

[سحابه صيف]

اخواتي في الله

اليوم وانا نتقلب في احد المنتديات لفتت نطري هدي الصونيه للبازين حسيتها

كويسة ومش كويسة الحق

كويسة في انها كل واحد يا كل في الجهه بروحه وتعرفي البازين كيف انت

ومش كويسة ىل=انحس فيها مش عملية

المهم حبت انزلهلكم وتشوفوها ونشوف تعليقاتكم عليها

[الساجدة لله]

والله هي كويسة من ان كل شخص ياكل في الاناء الخاص بيه , انا عن نفسي عجبتني موفقة سحوبة

[أمـ ساره]

سبحان الله اختراع والله, كل شي ايديروله حل

بصراحة اني ما ناكل في البازين ولا اندير فيه

اختي لما شافتها قالت هذه بيديروها للبازين المعلب هههههههههههههههههه


سلمت سحوبة على الموضوع الحلو زيك

[جميلة الكون]

والله الفكرة حلوة وعجبتني هلبا وضحكتني في نفس الوقت
مشكورة وصححتين علي البازين

[guidona]

بالعكس حلوه وعجبتني ودرتها في دماغي ان شاء الله لما نرجع لليبيا

[ابريكه]

خطيرة هالصينية
فكرة حلوة رغم ان الكبار مايحبوش ياكلو الاكلات القديمة الا في صينية وحدة
زي ماقات غيدونا اروحو لارض الوطن ونفكرو فيها ان شاء الله
تقييم حلو تستاهلين سحوبة

[خدوج]

تسلمى سحوبة
انا عجبتنى لافراد اسرتى(فقط)
بس للمناسبات نشوفها مش عملية

[فيراك]

السلام عليكم.................!

معلينا اتغيرت العادات الليبية ومن اين اشترتي الصحن مشا الله علية.

[ام انسام]

شفتها مندكرش في اي محل
ولكن بصراحة معجبتنيش انحسها مش عملية
منورة سحوبة عالموضوع

[بنية بوها]

فكرتها حلوة لكن نحس فيهم مايكلوش فيها ومش عارفة لكن اني عن نفسي عجبتني منورة سحوبة