[ فائدة] نظام غدائي صحي

[الساجدة لله]

السلام عليكم

من فترة وانا احاول وضع نظام غذائي صحي استطيع اتباعه والسير عليه دون التوقف فيه او الضجر منه
واخيرا والحمد لله رسيت على نظام وان شاء الله نستمر عليه وقلت نحطه في الركن هدا ممكن اي وحدة من البنات تستفيد منه والغاية عندي تنزيل الوزن بطريقة صحيحة وصحية وبدون تعب وضروري يكون عندي يوم في الاسبوع مفتوح ناكل فيه بدون قيود الا القيود الاساسية عندي وهي بدون ملح وبدون سكر الالضرورة

نبدا توا الافطار :1ك كب تشينو + نصف شريحة توست قمح او شعير ,
الساعة 12 : تاخدي نصف شريحة التوست المتبقية وتاخدي معها قليل من الجبن المطبوخ وانا نفضل الجبنة المعصورة +1ك عصير فريش اي فاكهة المهم متكونش منجا وانا نفضل جريب فروت ونعصره عندي في البيت +خيارة وطماطمة مقطعة الى شرايح.

الغداء :سلطة مكونة من 5 ورقات خس + من 1 الى 2 قطع خيار + من 1 الى 2 قطع جزر + من 1 الى 2 قطع طماطم +عصير ليمونة واحدة ملعقة صغيرة زيت زيتون ورشة زعتر و4 حبات زيتون اسود بدون بذور ، خضار سوتيه او مسلوقه متلا قرع احمر او كوسا + شريحتين دجاج او شريحتين لحم بقري او شريحتين سمك فيليه المهم تكونو مسلوقتين بعدين مشويين ومعصور عليهم حامض .
العشاء : السلطة السابقة +فاكهة وتكون نوع واحد فقط +علبة زبادي حجم صغير طبيعي +بيضة مسلوقة او شريحة بيف برجر مسلوقة تم مشوية او 2 بيض مسلوق وقليل من الجبن المعصور او 2 برجر مسلوق تم مشوي و2 توست .
ولا ننسى شرب ماء 2 لتر ماء اي 8 اكواب ماء .
بااذن الله ربي يوفقني ونقدر نمشي عليه

[فضااوي]

صراحة رجيمك ما شاء الله

بس تنقصة وجبة خفيفة اللي بين الغداء والعشاء

الله يوفقك وتوصلي للوزن اللي تبية

اهم شي العزيمة والاصرار

[الساجدة لله]

اقتباسالمشاركة الأصلية كتبت بواسطة فضااويصراحة رجيمك ما شاء الله

بس تنقصة وجبة خفيفة اللي بين الغداء والعشاء

الله يوفقك وتوصلي للوزن اللي تبية

اهم شي العزيمة والاصرار
حبيبة نقدر ناخد نصف ك كب تشينو ونقسم الحصة متع الصبح بدل من كوب تبدا نصف كوب وفي المساء نصف كوب وناخد معها صحن صلاطة صغير جدا .

[أمـ ساره]

ماشاء الله ساجدة باين عليه ريجيم رووووعه


نيالك وخيتي اني ما نقدر نداوم على نظام واحد


ان شاء الله يفيدك وتنصي عليه يارب

[ام جنى]

روعه رجيم سهل ان شاء الله ابتدى فيه

[روح مغتربه]

ساجده نظامك هذا مر عليه سنه تقريباً
نبي نعرف شن صار فيه
لاني بصراحه نقصت غب عني ايام الثوره المباركه من الغشايش وتوه باديه نرجع احرف من قبل مع الحمل طبعاً وناويه بعد الولاده انقص تنقيصه صح وبصراحه الملابس الي انشوف فيهن علي الناس الرقيقه ايجيبولي في الكائبه ونحس في روحي وحش وزياده وجع الركبين والكعاب مرات ايسهر فيه

[نسيبة]

وفقك الله لكل الخير غالية

[بنت الاشراف]

بارك الله فيك