الهدرزة الليبية 13 تفضلوا ما يغيبش منكم حد

[ليبيا قلبى]

زهوره تعالى قوليلى شنو درتى فى بنغازى
وين عديتى وشنو شريتى
وشنو قالتلك الدكتوره على البيبي

[ليبيا قلبى]

نعومى شنو الجو اليوم عندكم فى طربلس

[ام رواسي]

السلام عليكم
نعومى انى جيت

[أم ميوسة]

السلام عليكم ورحمة الله وبركاته

كيف حالكم يا بنات

وسعولي مكان جنبكم اهو جيت وجبت معاي العالة

ما تحلى الهدرزة أ لا بيها

[نعومي نت]

اقتباسالمشاركة الأصلية كتبت بواسطة زهورة الأمورةهو أنا مش حنتعب غير في تحويل الحاجت المهمة

زي التحف والاكسسوارات متاع الحوش أو نلم دبشي

الترتيب والتنظيف نكلمله وحدة تديره ليا

المشكلة وين نقعد

حوش أهل زوجي ما ناخدش راحتي لو قعدت عندهم طول الوقت نقعد بالمحرمة على راسي

ولا نقدر نتمدد لأن مرات حد يخش عليا وتوة نبي راحة

قالي راجلي بعد ما تجيبي انشاء الله لمي حاجتك اللي خايفة عليها

ونشيلك لأهلك ولما يتم الزواق نروح بيك من عندهم
إيه حتى هذا راي كويس
والله مرار وتقولي زواق بس تطلعي كل مرة بحاجة لا خلي نغير هادي لا خلي إنزبط هادي
وامشي علي ها الموال
أسالي مجرب احني المدة اللي فاتت كنا اديرين صيانة ما نحكيلكش
قريب هبلنا
ومن الاخير خودي برائي راجلك

[ليبيا قلبى]

اهلين
ام ميوسه
اهم حاجه تقعد الطويسه خضراء

[ام رواسي]

ليبيا قلبى وزهورة الامورة والتائة لله ام ميوسة كيف حالكم

[ليبيا قلبى]

[نعومي نت]

اقتباسالمشاركة الأصلية كتبت بواسطة التا ئبه للهالسلام عليكم

كيف حال العسولات الساهرات ان شاء الله بخير

زهورا مبروك عليك الدويره الجديده العقبال ما نبركولك
بالبيبى شن اخباركم طيبين

السلام عليكم
شني طلعتي منه زير الدهان اللي غطستي فيه
باهي باهي وأخيـــــــــــــــــــــــــــــــــــــــــــراً

[ليبيا قلبى]

اقتباسالمشاركة الأصلية كتبت بواسطة ام رواسيليبيا قلبى وزهورة الامورة والتائة لله ام ميوسة كيف حالكم


الحمد الله
كيف حالك انتى
انا قاعده نستنا فى زوجى انشاء الله ايجى طيب قاعد فى الطريق