الهدرزه الليبيه 15 وعقبال ال100 والمليون في طاعة الله

[أم أيوب]

تجويد تفضلي الحوش حوشك حبيبة

[أمـ ساره]

تعرفي بالنسبة لي العصيدة ما نعرف ليها مقدار عيني ميزاني

نصب مية وبعد ما تغلي نصب الدقيق ونخلط

واني نحرك فيها نعرف امتى تكون كمية الدقيق مناسبة


لكن هذه الله يسامحك فيها

اني قلت المراة حامل وما ادير حاجة صعبة خلي انديرها حتي اني وخلاص


لكن ان شاء الله اول واخر مرة خلي العصيدة التونسية لماليها

[أم أيوب]

تعرفي بالنسبة لي العصيدة ما نعرف ليها مقدار عيني ميزاني

نصب مية وبعد ما تغلي نصب الدقيق ونخلط

واني نحرك فيها نعرف امتى تكون كمية الدقيق مناسبة


لكن هذه الله يسامحك فيها

اني قلت المراة حامل وما ادير حاجة صعبة خلي انديرها حتي اني وخلاص


لكن ان شاء الله اول واخر مرة خلي العصيدة التونسية لماليها

هههههههههههههههه

كويس اللي ما كرهتي العصيدة أصلا

[أمـ ساره]

ايه نكرها

اني نحب شيء اسمه عصيدة وخاصة بالرب


لكن زوجي ما يحبها وهو مسافر حاليا قلت انجربها

لأن كل يوم وحدة تنزل عصيدة اتقول ناوين عليا

فقررت اليوم باذن الله انديرها ونزلت منها لسلفي

زطبعا لزوك الريجيم خلطتها بدقيق الشعير


لكن الحق عصيدة مقومة سلمت ايدياتك

[أم أيوب]

تسلمي يا عسل

[أمـ ساره]

معليشي حبوبة نستاذنك توا وان شاء الله نتلاقوا غدوة على خير يارب

بندير رضعة لبنتي وعيوني معبيات نوم


تصبحي على خير

[أم أيوب]

على ذكر العصيدة أم سارة

ما تعرفيش عيد الميلود أمتى؟؟؟

[أمـ ساره]

لا والله حبيبة ما نعرف

بس بصراحة احني ما نحتفلوا بيه ولا عندنا سبر معين

[أمـ ساره]

تصبحي على خير ام طه

ما عاد نقدر نقاوم النوم خلااااااااص

[أم أيوب]

وانتي بخير أم سرورة

و أنا شنبيري روح خلي نشوف حاله وأحواله