تنبيه إداري

[omsuma65]

السلام عليكم ورحمة الله وبراكاته
جتكم العزوزه
ههههههههههههههه
زوبه ولايهمك ولاتزعلي ارويحتك
ان شاء الله النشاط يعود الى ماهو عليه
انت تعرفي امور الحياه
لهذا السبب ماقدرت انكون مراقبه
حتى مانظلم حد
اكيد اوخيتنا اينفسوا اشويه في الهدرزه
مش مشكله اكيد حيعوضوا الاول ويكون فيه مواضييع وردود كثيره
اما عني {كان عندنا عطلة نص السنه وكملت اليوم
وفي العطله درنا لسوما عمليه على انفها والحمدلله هي كويسه
وان شاء الله لما يكون فيه جديد ينزل على طول
واخيرا تسلمي يازوبا ولاتزعلي ونشوف خير ان شاء الله
اختك ام سوما

[المستعينة بالله]

صباح الخير حبيتي معك حق وعن نفسي

اعتذر لو كان هناك تقصير مني احاول ان اكون حاضرة يوميا ومشاركة

يمكن اول شي اقوم به من الساعة 5 صباحا هو فتح المنتدي والاطلاع

حتي بالعمل افتحه واحاول ان اشارك رغم فارق التوقيت والعمل والحمل والبيت

يهمني شخصيا نجاح المنتدي ورقيه وانا بكل صراحة مع الاعتذار الي الاخوات

رائي ان يلغي موضوع الهذرزة لانه لسي هناك اي فائدة منها

وتبقي المسابقات للتسالي لمن تحب ومن تريد الهدرزة تراسل صديقتها علي بريدها

وتمنياتي بالتقدم والرقي للمنتدي

[حساسة والدمعة الماسة]

فعلا انا مبتداة في المنتدى مالياش واجد بس اعترف بتقصيري
انا من عشاق المطبخ بس ظروفي تمنعني اني نصور اكلات وانحطها لاكن حنبدل جهدي في المشاركات الاخرى

[ام اسر]

السلام عليكم
والله ان عندك حق وسامحينا علي التقصير ووالله عندي هلبه مواضيع وصور خاطري انزللهم
لكن العله اني مانعرفش انزل الصور لكن في الردود علي المواضيع والله مانقصر ديما انرد
ويارب نلقي وحده اتوسع بالها معاياتعلمني كيف انزل الصور والمواضيع
وان شاء الله معاش في تقصير من اليوم بادن الله
وربي يوفقنا اجمعين

[اريناس]

زنوبـــــــهـ

كلامك صح

وان شاء الله يرتقى المنتدى فى احسن صوره

وربى يقدرنااا ونكون فى جانبك

تحيااتى

[بنية بوها]

صباح الخير يازوبة والله عند الحق ليه فترة المنتدى لكن سامحينا عالتقصير وانشالله من هنا وغادي
مهناك الا اللي تبيه ويعجبك ونتعاونوا في رقي المنتدى

[نسمه ليبيه]

السلام عليكم

انا عن نفسى ندخل للدردشه ونرد عالاطباق اللى تعجبنى

لكن كلامكن حسسنى ان الهدرزه وكانها شى عيب لذلك انا قررت معش ندخللها
وان شاء الله المنتدى يرتقى لاعلى المستويات

[أم ميوسة]

السلام عليكم ورحمة الله وبركاته

اختي زينب شكرا للتوضيح وبارك الله

وأنا أول المقصرات وبأذن الله نوعدك بالجديد في الفترة القادمة

وأني نضغط على نفسي أكثر على خاطر المنتدى

بس لو سمحتي أختي زينب بس في نقطة نبي نقولها أنا اعتقد أن للرقي بمنتدانا هادا

يجب أن تأتي النوعية قبل الكمية

مانبيش الأخوات يأخدهم الحماس بطريقة غير ايجابية

ويصير نقل للمواضيع بطريقة كبيرة

أنا نعرف ما شاء الله هلبة معانا فالحات وناشطات وعندهم ابتكارات

وممكن يضيفوا الكثير للمنتدى

واللي ظروفه ما تسمحش يضيف حتى رأي أو فكرة مفيدة

يعني من كلامي الرقي بالمنتدى يجب أن يكون بطريقة صحيحة

بصراحة اغلب المنتديات تنقل في نفس المواضيع

ولما نبحث على طبق في النت نلقاه واحد والمنتديات هلبة

ومش معنى هادا نلغي النقل

لا النقل مفيد في حالات كثيرة

وغير مجدي في حالات أخرى

فلهادا اللي تحب المنتدى بجد تحاول اضيفله حاجة من عندها

كلا على حسب ظروفه وامكانياته

[henda]

انى نسحابهم المسابقات قدم
وتموا


لو مازال فيه وقت .. رح نشارك بادن الله

وياريت تقولولى كم الفتره المتبقيه



يلا بنات صح الكلام
الاركان المهمه لازم ننشطوا فيهاوالله يوفقنا جميعا


وبارك الله فيكم
وفيكى اختى زينب على المجهودات اللى تبدلوا فيها

[زينب محمد]

اقتباسالمشاركة الأصلية كتبت بواسطة نسمه ليبيهالسلام عليكم

انا عن نفسى ندخل للدردشه ونرد عالاطباق اللى تعجبنى

لكن كلامكن حسسنى ان الهدرزه وكانها شى عيب لذلك انا قررت معش ندخللها
وان شاء الله المنتدى يرتقى لاعلى المستويات

حبوبة انا مقلتش ان الهدرزة عيب

والا مكنتش استجبت لطلب الاخوات وفتحت الركن

لكن لكل شيء حد معين

والشيء اللي يزيد عن حده يأثر تأثير سلبي