تنبيه إداري

[زينب محمد]

اقتباسالمشاركة الأصلية كتبت بواسطة أم ميوسة

السلام عليكم ورحمة الله وبركاته

اختي زينب شكرا للتوضيح وبارك الله

وأنا أول المقصرات وبأذن الله نوعدك بالجديد في الفترة القادمة

وأني نضغط على نفسي أكثر على خاطر المنتدى

بس لو سمحتي أختي زينب بس في نقطة نبي نقولها أنا اعتقد أن للرقي بمنتدانا هادا

يجب أن تأتي النوعية قبل الكمية

مانبيش الأخوات يأخدهم الحماس بطريقة غير ايجابية

ويصير نقل للمواضيع بطريقة كبيرة

أنا نعرف ما شاء الله هلبة معانا فالحات وناشطات وعندهم ابتكارات

وممكن يضيفوا الكثير للمنتدى

واللي ظروفه ما تسمحش يضيف حتى رأي أو فكرة مفيدة

يعني من كلامي الرقي بالمنتدى يجب أن يكون بطريقة صحيحة

بصراحة اغلب المنتديات تنقل في نفس المواضيع

ولما نبحث على طبق في النت نلقاه واحد والمنتديات هلبة

ومش معنى هادا نلغي النقل

لا النقل مفيد في حالات كثيرة

وغير مجدي في حالات أخرى

فلهادا اللي تحب المنتدى بجد تحاول اضيفله حاجة من عندها

كلا على حسب ظروفه وامكانياته

وعليكم السلام ورحمة الله وبركاته

حبوبة انا لم اقصد نقل اي موضوع والسلام

بل اقصد نقل الموضوع المتميز جدا والذي يصعب الوصول اليه في الشبكة

وسبق وطرح موضوع بهذا الخصوص من قبل طمطم بارك الله فيها

تفضلي

مثبــت: [وجهة نظر] المنقول بين المرغوب والمرفوض

[أمـ ساره]

أم اسر حبوبة ولا يهمك نحنا لبعض واتفضلي اي وقت

ان شاء الله ما نقصروا معاك


وفيه بعض الدوروس المطروحة في قسم الدعم الفني ان شاء الله تفيدك

وأي سؤال اني حاضرة حبوبة


وربي يوفقنا جميعاً

[جيجي هانم]

صح لسناك والله انك صادقة وانا شخصيا لم اشارك في هذاالمنتدى اننى احببتكى فى الله لما احسست انك وضعت كامل خبرتك لتعلمينا اصول الطبخ بكل تواضع وسعة صدر وسلوب راقي وحضاري والدليل علي ذلك استفدت من وصفاتك وسيتم تنزيل بعض التطبيقات من وصفاتك بإذن الله

[Om Saga]

زيزو فعلا كلامك ماعندي مانقول فيه
وأنا كذلك ملاحظه الشئ هذا
وحاااااااااااااضر سوف نبدل قصار جهدنا
من أجل منتدانا حببيتي
وكله إلا زعل زيزووووووووووووو

[ranaa]

بارك الله فيك زنوبة كلامك صحيح يالغالية

وانا عن نفسي نعتذر لو كان فيه مني أي قصور ليا يومين مافتحتش المنتدي وماشفتش الرساله اني متاسفه علي الرد المتاخر لاني ندرس والاسبوع الجاي كله امتحانات وانشاء الله ربي يسترنا معك انتي تستاهلي كل خير الله يوفق الجميع

[أريج الورد]

عندك الحق زينب وان شـــــــــــــــــــــاء الله المطبخ بيعمر باخواتي وجديدهن

[*الليبية*]

معليشي والله اني نتمنا كل يوم انحط اكلة لكن مش من النوع اللي يقعمز على الكمبيوتر في مدة كفاية منحصلش وقت مع اطفالي ومعنديش هدا الطبخات لان في الغربة مش هداك الطبخات الحلة اللي ديما انديروا فيهن في البلاد والحق الحق عندك الحق على كل شي قتيه ربي يوفقكم انشاء الله

[ام الحلوين]

السلام عليكم
ابلة زينب عندك الحق فى كل كلمة قلتيها وفعلا النشاط بدى فى ركن الضيافة بس
اسفة يابلة زينب اليومين هادم ضروفى صعبه الله لايوريك خلى نرسى على البر ونعرف
ساسى من راسى وبادن الله ماتشوفى كان اللى يسرك

[إرتواء]

السلام عليكم ورحمة الله وبركاته ,,,

اعذريني أخيتي لمى سأقوله ,,كل منا ربة بيت ولديها أولاد ومنا من هي مغتربه ومن هي تدرس ,,,

الصعود للقمه يبدأ خطوه خطوه ,,,

ومن يصل إليها دون عناء الخُطى ووعثاء الطريق فإنه سيسقط من أعلاها بسرعه ,,,

وسياسة وأسلوب السلطه لايكون في المنتديات ,,,كأن أفرض على العضوات اسماء مواضيعهن

أو افرض عليهن الدخول لمثل هذا الموضوع قبل أي تصفح للمنتدى ,,,

أو أهدد بقفل قسم ترفيهي لهن ,,,

واحمدي الله أن حظيتي بعضوات مخلصات نهضن بالمنتدى في فتره وجيزه ,,,وحافظي عليهن
وإلا ستجدين نفسك وحدك هاهنا ,,,

فالعطاء لا يكون إلا نتيجه للحب ,,

تسجيل خروج زينب محمد 2 ,,,

توقيع :: من لاتحب القيود

[ام الأيهم]

بسم الله
والله اختي زوبة اولا انا جديدة في المنتدي وما عنديش خبرة في تنزيل المواضيع ولا كيف نحط صور بالرغم اني مدمنة مطبخ والكل يقول اني شاطرة وعندي نفس واغلب الطبخات نصور فيها بس لو نعرف كيف ندير مواضيع حلوة زيكم اخواتي اعضاء المنتدي
والرد علي هدا الموضوع يهمني لاني نبي شوية مساعدة حتي نقدر نزل معاكم المواضيع لاني تعودة نكون متفرجة لامشاركة
[frame="1 50"]
وبارك الله فيك اختي زينب وتشرفت اني نرد علي موضوع مهم لينا كا ليبيات
[/frame]