[اللوسة] من مطبخ طمطم

[أم أيوب]

فكرة جديدة تستحق التجريب

صحيتي طمطومة

[السمحة]

تسلم ايدك على اللوسة واول مرة نعرفها ماننحرم من جديدك وبارك الله فيك

[ام رواسي]

يم يم يم انموت فيها والبنة يللى فيها مش عادية عندى صاحبتى جبالية ادير فيها
يسلموو ادياتك شكلها اتسفة

[ابريكه]

تعبتينا طمطومة
ماشاء الله لوسة تفتح النفس
وانا أول مرة نعرفها
وبارك الله فيك لانك عرفتينا عليها
جاري التقييم

[طمطم]

الله يسلمك المستعينة ... سعيدة إنها عجباتك

ههههه للاهم... سعيدة جدا انك نورتي موضوعي بخفة دمك
شن رايك انديرو أفاري؟؟؟؟؟ نعطيك اني كلللللللللللللللللللل اللوسة وانتي تبعتيلي زويتيناتك؟؟؟؟؟ ديل مش عادي صح؟؟؟
بس من غير عواصف.... اني خايفة وهيا غادي لابال تجيني هني... شن رايك تخليها هيا غادي وتجيني انت وتجيبي الزويتينات ونديرو خليطة بحدا بحيرة البجع اللي صورتهم في توقيعي؟؟؟؟؟؟؟؟؟؟؟ مش هتقدر تغمض عينك!!!!
مانحكيلكش قداش نكره صوت الريح..... اكره صوت عندي مهما كان ضعيف
ويخليلك حبابك ياعسل ويحفظ كل مسلم من شر الريح والعواصف
تسلمي زهورة جربيها ساهلة وتجنن... تنسي كل الريجيمات معاها... خاصة مع التن أو جبنة المثلثات

تسلمي السمحة.... والله استغربت ان في هلبة جديدة عليهم واني لما ندير في الموضوع كنت مترددة ونقول شن الجديد فيها علاش بنزله الموضوع

أم رواسي تسلمي... ياريت نطولك ونعطيك منها

بريكة تسلمي على التقييم..... جربيها حلوة عالآخر ومختلفة على الهريسة ... واطول هلبة لأن كل اللي فيها مجفف مافيهاش مية بكل

[الساجدة لله]

الله يسلم يدياتك حبيبة تعرفوني اللوسة نستعمل فيها يوميا ومااتمش مني وهده عجبتني هلللللبه صحة ياغالية

[سحابه صيف]

مشاء الله والله تعرفي عندي كميه من الفلفل هدا هههههههههه واندير فيه كان لما اندير بربكيو و انحب انرش عليه شوية في الفاصوليا لكن توة انجرب طريقتك وانستغله
وحنا عندنا الوسه تختلف عليكم هلللللللللللللللللللبة
عندنا وجبه لنقولوها بازين بلوسه
ولوسه هي نفسها في من ايقوللها الحميضه وهي عشبة خضرةوحامضة لكن طعمتها اتهبل
كاني في بلادي راهو دورتلكم عليها وطيبتها ونزلتها

ومشكورة عيا طمطم علي المواضيع المميزه

[الجبليه]

تسلم يدك تسفه

[سيدة ليبية]

[guidona]

ياعيني علي اللوسه نفس طريقك عمتي بالزبط وتعلمت منها باش تعرفي النساوين واكيد انت عاد فالحه فيها اسلم هلايديات وربي اخليلك احبابك يارب