[وصفة منقولة] حلى الهرم

[ranaa]

جبتلكم طريقة حلى الهرم شفتها وانا نتصفح المنتديات وجربتها وطلعت حلوة ونقلت لكم الطريقة وايضاً صورت لكم الهرم امتاعي


على فكرة فيه اكثر من طريقة لعمل الهرم وانا جربت الطريقة هذي


اخليكم مع المقادير والطريقة


بنحتاج لهاي الأشياء:

علبتين قشطة بالعسل
دريم ويب كبير أو أي نوع تاني المهم أربع أغلفة
بودرة كاكاو
وبسكويت الشاي بكيتين
وكاسة حليب سائل




الطريقة:

بنخلط الدريب ويب والقشطة مع الحليب السائل وبودرة الكاكاو بيصير متل هيك



وبعدين بنفرد قصدير وبندهن عليه شوية من الخليط يلي عملناه



وبنصف عليه تلات صفوف من البسكويت وبس نخلص تصفيف بنرجع ندهن شوي من الخليط على البسكويت



وبعدين بنجيب باقي البسكويت وبنكسره بصحن وبنضيف عليه باقي الخليط



وبنخلطهم الاتنين سوا ليصيرو متل العجينة




وبناخد من هاي العجينة وبنحطها عالعامود الوسطاني



وعشان يصير على شكل هرم بنرفع القصدير من الطرفين يلي عليهم عامودين البسكويت يلي عالجناب وبنسكر القصدير من فوق ومن الطرفين منيح وبنحطو بالفريزر بحسب الرغبة حطيتو ساعتين



ولما يجمد وتفتحوه إما بتخلوه متل ما هو وبتقطعوه على شكل مثلثات أو بتدهني عليه بصوص الشوكولاه
وأنا هون دهنت عليه خليط من نوتيللا وحليب سائل وبودرة كاكاو لحد لما بيصير شكلها متل الشوكولا السايحة



وبنزينو بجوز الهند أو الفستق الحلبي المطحون أو الفواكه المعلبة على راس الهرم
وبنقطعو على شكل مثلثات

[ناني2007]

مشكورة على النقل

[أم أيوب]

فكرتها رهييييييييبة وحلوة

يسلمو عالنقل يالغالية

[ranaa]

بارك الله فيكن

[سحابه صيف]

روعه بارك الله فيك علي النقل

[الساجدة لله]

يسلمو ايديك غاليتي على النقل .....وصفة رائعة

صحة وهنـــــــا على قلـــــــبك