[ مشاركة في مسايقة افضل طبق سلطة مشوية ] من مطبخ ام اسر

[ام اسر]

السلام عليكم ورحمة الله وبركاته
اوخيتكم قد ماحاولت تتعلم تنزيل الصور شي ايخش من اهني يطلع من اهني
لكن اني وياهم والزمن طويل ادعولي ان الصور يطلعو في الموضوع
حبيت انزل نوعين من السلايط المفضلات او الساهلات في تحضيرهن

1.السلاطه المشويه

مش عارفه مازال الوقت انشترك بيها في المسابقه او لا المهم ان كل واحد عنده طريقه في تحضيرها انجو للمكونات
5حبات طماطم اخضر
3قرون فلفل اخضر حار
1طرف بادنجان
3سن ثوم
ربع ملعقه صغيره فلفل اكحل
رشه ملح
شوية زيت زيتون
شوية كسبر مرحي
نضع الخضره في طاجين في الكوشه لين يتحمرو كويس وبعدين انديرهم في ست البيت ونضربهم
مش نرحيها هلبه وانحب ايكون فيها الحرق شويه يعطي نكه حلوه مانقشرش فيها وانصب الملح والزيت والفلفل والكسبر ونقدمها مع الرز الابيض وبالهنا والعافيه

[ام رواسي]

يسلمووووووووو ادياتك يا ام اسر شكلها اتسفة
واعطينا حتى طريقة السلاطة يللى على اليسار امتع المكرونة ههههههه

[ام اسر]

حاضر من عيوني وايداتي نكتبها غر الصور طلعو اكبار هلبه
الف شكر ليك علي المرور الرائع

[ابريكه]

هم الصور صح كبار
لكن اللي فيهم ينسيك كبرهم
ماشاء الله يسلم يدياتك
الباين ا للمة كانت مقومة واضح من اللي طالع بالصور
منورة بحماسك ونشاطك ام اسر
بانتظار جديدك

[بنية بوها]

سلم يدياتك وبالتوفيق

[فضااوي]

ماشاء الله ام يسر

شكلهاا تحفففففففة

تسلم الايااادي يالغلا

بس مكانهاا بقسمي هههههههههههه

[خدوج]

ام اسر
يسلموا ايديك
تعلمتى تنزلى ماشاء الله
توا تعلمى تصغرى الصور
باش تجى احلى واحلى
يسلموا ايديك

[الساجدة لله]

يسلم ايديك غاليتي السلاطة ماشاء الله روووووعة
بس الصور يحتاجو الى تصغير

[ام عبدالمعز]

يسلمو ايديك ام اسر روعة ماشاء الله بس لو كان الصور اصغر اكيد حيبان جمالها اكثر

صحتين وعافية وموفقة في المسابقة

ام اسر مافي معجنات مستنية تنوريني

[نوارة ليبيا]

تسلم الأيادي وبالتوفيق يارب

تنقل للقسم المناسب