[ مشاركة في مسابقة الشوربات والمشروبات الساخنة ] شوربة العدس من مطبخ أم أيوب

[أم أيوب]

السلام عليكم ورحمة الله وبركاته

كيف حال الغاليات

اليوم وعيت الصبح وأنا نخطط نبي ندير شوربة عدس

صدقوني طعمتها رهييييييييييبة ولذيييييييييذة

المهم جهزتها وجيت نجري نجري نجري نجري نبي نشارك بيها في مسابقة نوارتنا العسل

لقيت هوب باب الاشتراك تم قلت مش مشكلة خيرها في غيرها ونحطها للغاليات

المقادير :

صدر دجاجة + بصلة متوسطة + عدس أصفر تقريبا 2 كوب + ثلاث ورقات غار + 4 حبات مستكة

ملعقتين زبدة + ملح + ملعقة كركم ( بزار ) + ربع ملعقة فلفل أكحل + ربع ربطة معدنوس

الطريقة :

نقطع البصل والدجاج مكعبات



نحطهم عالطنجرة ونحط عليهم الزبدة ونقلب عالنار لغاية ما تتحمر




نضيف الماء والكركم والملح وورق الغار ونخليها لغاية ما يستوي الدجاج



بعدها نخليه على جنب يبرد

نحط العدس في طنجرة تانية ومعاه ماء ونخليه لغاية ما يستوي

ما ياخدش وقت طويل عالنار وبعد ما يطيب نحطه على جنب يبرد

نجو للبليندر ( خلاط الفاكهة ) نحط العدس مع المرق اللي فيه الدجاج والمعدنوس

وهوب خلط لغاية ما يقعد زي الحساء نرده للطنجرة من جديد ونحط الفلفل الأكحل

وحبات المستكة اللي هي أساسية عندي في كل أنواع الشوربة

غلوتين ثلاثة ونشيلها من عالنار و تمتعوا بطعمها الخيالي



ملاحظة مهمة : ممكن تستخدمي اللحم أو المفروم بدل الدجاج بنفس الطريقة

بس أنا نفضلها بالدجاج

[Om Amory]

اممممممممم تهبل يسلمو ايدياتك حبيبه

حتى انى نزربز نبى نديرها هههههه


تو نجرب طريقتك ان شاءالله

[أم أيوب]

اممممممممم تهبل يسلمو ايدياتك حبيبه

حتى انى نزربز نبى نديرها هههههه


تو نجرب طريقتك ان شاءالله

هلا هلا أم عموري

يبارك فيك عالرد

جربيها أم عموري والله مش عادية

[أم ميوسة]

شكرا عزيزتي

شكلها تهبل

أنا ندير فيها بطريقة تانية

بس حتى هيا حلوة

صحتين إن شاء الله

والمستكة تصدقي ما عمري ماجربتها

رغم عشقي للبهارات

اليوم بأذن الله ماشية لمحل بهارات بنأخد حاجات

بأذن الله تو نشريها ونجربها في الشوربات والشاورما

[أم أيوب]

شكرا عزيزتي

شكلها تهبل

أنا ندير فيها بطريقة تانية

بس حتى هيا حلوة

صحتين إن شاء الله

والمستكة تصدقي ما عمري ماجربتها

رغم عشقي للبهارات

اليوم بأذن الله ماشية لمحل بهارات بنأخد حاجات

بأذن الله تو نشريها ونجربها في الشوربات والشاورما

مراحب أم ميوسة نورتي الموضوع بردك الحلو

المستكة ما نطيب الشوربة الا بيها بس المهم تحصلي الأصلية

ريحتها غير عادية في الشوربات

[ليبيا قلبى]

امممممممممم
شكلها اتهبل
تسلم ايدك

[أم أيوب]

امممممممممم
شكلها اتهبل
تسلم ايدك

هلا ليبو

يسلمو حبيبة عالرد

[نوارة ليبيا]

ماشاء الله تبارك الرحمن
أختي زهورة الأمورة
شوربة رائعه
وتم ضم الموضوع للمسابقة يالغالية بالتوفيق
وشوربة تستحق التقييم

[بنية بوها]

ماشاء الله زهورة شكلها يهبل يسلموا ايدياتك

[الساجدة لله]

بسم الله ماشاء الله لاقوة الابالله حبيبة