[ اشغال يدوية ]ورشة تعليم الكروشيه للمبتدئات

[السمحة]

اقتباس
المشاركة الأصلية كتبت بواسطة عابرة سبيل





السلام عليكم ورحمة الله وبركاته
بأذن الله بنشرى الادوات ونتعلم معاكم
لكن نخاف نسجل وناخذ مكان وحده ثانيه وانا مش حنقدر نطبق معاكم الا الاسبوع الجاى لانى مسافره هالاسبوع
لكن ان شاءالله متاااااااااابعه

اهعلا بيك حبوبة ممكن تشتركى لان الدورة ستبدء شهر فبراير بعون الله مازال فى وقت عليك بان تضعى شعار الدورة

[ام لبنتين وولد]

وحتي انا حابة نتعلم لكن خايفة منلتزمش معاكم وكذلك معنديش اي خلفية عالكروشيه يعني صفر معلوماتي فياريت سموحة تقوليلي نصائحك نتشجع والا لا

[سحابه صيف]

انا اووووووووووووووول مشتركة لكن لين نشري العدة

المشكله المحلات القريبه عمرهم مصادفوني انا متابعه لين نشريهم

[سحابه صيف]

سمحة انا متحمسه هلبه علي الدورة
ونبي نطلب منك طلب شني نوع الابرة وخيوط الي حنستخدموهم في الدورة يعني الي حنستحقهم باش نبدا من غدوة بعون الله البحت عليهم

بالله قوليالي علي حاجات الاساسية باش نبدى البحت

[السمحة]

اقتباسالمشاركة الأصلية كتبت بواسطة سحابه صيفسمحة انا متحمسه هلبه علي الدورة
ونبي نطلب منك طلب شني نوع الابرة وخيوط الي حنستخدموهم في الدورة يعني الي حنستحقهم باش نبدا من غدوة بعون الله البحت عليهم

بالله قوليالي علي حاجات الاساسية باش نبدى البحت

الصوف فى التعليم افضل وهدانوعة ومعة الابرة عادية جدا واللى متوفرة فى ليبيا

[السمحة]

اقتباسالمشاركة الأصلية كتبت بواسطة ام لبنتين وولدوحتي انا حابة نتعلم لكن خايفة منلتزمش معاكم وكذلك معنديش اي خلفية عالكروشيه يعني صفر معلوماتي فياريت سموحة تقوليلي نصائحك نتشجع والا لا

انصحك بالدورة ولو من بعيد ومرة مرة طلى حتستفيدى والله وشغل اليد لايعلة علية
تحياتى

[أم أيوب]

سموحة نبي نشارك بالك ندير شوي حاجات للبيبي (( خاشة عالقوي على طول ))

والله ديما نعتبر الكروشيه فن رائع وابداع

سجليني في الدورة وان شاء الله نستفيد منك حبيبة

ايديك في الشغل يلتفوا بالحرير

[ليبية]

واني اني اني يا ابلة نبي نشترك معاكم
متحمسة لين خلاص يا سموحة
لكن نبي نقولك سر
اني راني زيروا في الكروشيه يعني ماعنديش خلفية بكل والحق خاطري نتعلمه خصوصا انهم يقولوا انه يعلم الصبر ووسعة البال والله اعلم

[السمحة]

اقتباسالمشاركة الأصلية كتبت بواسطة زهورة الأمورةسموحة نبي نشارك بالك ندير شوي حاجات للبيبي (( خاشة عالقوي على طول ))

والله ديما نعتبر الكروشيه فن رائع وابداع

سجليني في الدورة وانشاء الله نستفيد منك حبيبة

ايديك في الشغل يلتفوا بالحرير
اهلا زهور حطى شعار الدور التوقيع وموفقين باذن الله وان شاء الله اتديرى للبيبى افضل ملابس من تحت ايدين زهور


اقتباسالمشاركة الأصلية كتبت بواسطة ليبيةواني اني اني يا ابلة نبي نشترك معاكم
متحمسة لين خلاص يا سموحة
لكن نبي نقولك سر
اني راني زيروا في الكروشيه يعني ماعنديش خلفية بكل والحق خاطري نتعلمه خصوصا انهم يقولوا انه يعلم الصبر ووسعة البال والله اعلم


اهلا لبية ومرحبتين بيك وشوى شوى نتعلم
والكروشية مش غير يعلم الصبر ويوسع البال وعن تجربة من اختك السمحة

[نوارة ليبيا]

ماشاء الله تبارك الرحمن اقبال رائع

وانا حنشارك معاكم بأذن الله في الورش
بعدما اتموا الاساسيات

وربي يبارك فيك سموحه ^_^