[عجانة كينوود] من مطبخ طمطم

**طمطم** · 01-22-2011, 10:18 PM

بنات من كم يوم شريت عجانة كينوود ووصلتني أمس وحبيت نوريهالكم

وهذه بعض المعلومات عليها

اسمها كينوود شيف بريميير
قدرة 1000 واط
سعة إناء العجن 4.6 لتر

وهذا شكلها وهي مفتوحة وبها أداة خلط البيض والكيك

وهذه وهي مغلقة ويغطي إناء العجن غطاء شفاف به فتحة لإضافة المكونات أثناء العجن

معها كتاب وصفات يجنننننننن وعدد 2 دي في دي وصفات

ومعها خلاط العصير والفروبيه وهو من الزجاج (شفت أنواع أخرى الخلاط اللي معاها من الاستنليس ستيل)

وهنا مضارب الخفق والعجن

وهنا الصندوق وعليه توضيح محتويات الصندوق وأفكار للوصفات التي من الممكن أن تصنعيها (للإغراء كخخخخخخخخخخخخ)
في الصورة تظهر الفتحة حيت يتم إضافة خلاط العصير من فوق والفتحة الأمامية لتركيب اكسسوارات أخرى كالفرامة واداة الباستا ومطحنة الحبوب وأشياء أخرى كلها يمكن أن تشترى مستقلة)

الصندوق من زاوية أخرى

أتمنى عجانتي تعجبكم.... واللي ماعندهاش ادير أحسن منها
وهذه الصورة إهداء للغالية زنوبة

أحدث موديل.... متطور جدا .....

أتمنى أن أكتب عن عجانات كينوود موضوع مفصل ولعلي أفعل ذلك قريبا إن شاء الله

وتوا رديناها في باكوها وخلاص جاهزة للشحن
ادعولها توصل مكينها بالسلامة يارب ويحفظها من حيتان القرش أثناء مسيرتها التي تمتد لشهر أو أكثر

ودمتم بود

**خدوج** · 01-22-2011, 10:25 PM

مبروك ياطمطم تبيديها بالهنى
والله خاطرى انديرها
مهبلتنى تعجب فيه مش عادية
بس احنى مش موجودة لين نبعت ونحصل من يجيب وووو
وياريت فيه وكلاء
ادعيلى نديرها
موضوع قيم
واحلى تقييم
واحلى تقييم

**زينب محمد** · 01-22-2011, 10:32 PM

الف مبروك العجانة وتتهني بها ياطمطم

وتشري افضل منها

وان شاء الله ربي يسخر ونشري انا وياك النوع الاخر المتطور

كينوود شيف كوكينق

لانها داخلة دماغي من يوم شفتها عند الشيف ومش حنرتاح الا لما نشريها

حلوة فكرة تغطية اناء الخلط والعجن حتى لا تتناثر المكونات

**زينب محمد** · 01-22-2011, 10:35 PM

اقتباسالمشاركة الأصلية كتبت بواسطة خدوجمبروك ياطمطم تبيديها بالهنى
والله خاطرى انديرها
مهبلتنى تعجب فيه مش عادية
بس احنى مش موجودة لين نبعت ونحصل من يجيب وووو
وياريت فيه وكلاء
ادعيلى نديرها
موضوع قيم
واحلى تقييم
واحلى تقييم

حبوبة كينوود موجودة في ليبيا من سنواااااااات طويلة

المدة الماضية شفتها في المهاري وشفتها في محل اخر في الفرناج

ويوجد وكيل لها محلات الدلتا في غوط الشعال

**طمطم** · 01-22-2011, 10:47 PM

خلاص خديج ماعندك مشكلة أبدا مادامها موجودة وفي وكيل كمان... جيبك وما يجيب..... هههههههههههه يارب اديري أحسن منها آمين

الله يبارك فيك زنوبة والله طمنتيني إن في وكيل ليها موجود عشان قطع الغيار في المستقبل.... امس قعدت نفكر لازم ناخد مضاراب احتياط وإناء عجن وكم حاجة لكن مادامها موجودة تمام

يارب يارب يازنوبة نطور اني متاعي وانت تاخدي اللي خاطرك فيها ياااااااااااااااااااااااااااااااااا رب

**الساجدة لله** · 01-22-2011, 10:49 PM

تبيديها بالهني ياغالية والماكينة مش عادية ماشاء الله

ودوجة سبقتني زوبة في الرد فعلا الوكيل متعها في غوط الشعال اسمه الدلتا

**الجبليه** · 01-22-2011, 11:11 PM

مبروك عليك طمطوم
وراك تنسينى حتى انا نبي وحده خليك عند وعدك ههههههههه

**خدوج** · 01-22-2011, 11:17 PM

اقتباسالمشاركة الأصلية كتبت بواسطة زينب محمداقتباسالمشاركة الأصلية كتبت بواسطة خدوجمبروك ياطمطم تبيديها بالهنى
والله خاطرى انديرها
مهبلتنى تعجب فيه مش عادية
بس احنى مش موجودة لين نبعت ونحصل من يجيب وووو
وياريت فيه وكلاء
ادعيلى نديرها
موضوع قيم
واحلى تقييم
واحلى تقييم

حبوبة كينوود موجودة في ليبيا من سنواااااااات طويلة

المدة الماضية شفتها في المهاري وشفتها في محل اخر في الفرناج

ويوجد وكيل لها محلات الدلتا في غوط الشعال

شكرا ابله زينب
انى نعرف انها موجودة فى ليبيا
وشفتها حتى فى محل فى شارع عمر المختار
بس قصدى عالمنطقة اللى نسكن فيها وبعيدة على طرابلس 650 كيلو
وانى مش ديما ننزل طرابلس
وشكرا لك
وشكرا سجودة
اكيد فهتو قصدى