[ بكلاوة بالقلاج ] من مطبخ نسيم البحر

**نسيم البحر** · 01-23-2011, 03:54 AM

السلام عليكم ورحمة الله وبركاته
اليوم جايبتلكم طريقه البكلاوه سهله وسريعه
ناخدو باكو ورق القلش +كيلو عسل +نص كيلو لوز امزلط ومرحي +كيلو سمن +قليل من الزهر

ناخد الطاجين وندهنها بالسمن
ثم نضع ورقه القلش ثم ندهن الي ان نصل 12 طبقه وبعدين

ناخدو اللوز الملزط والمرحي الا بنضيفولها قليل من السكر ملعقه كبير وقليل من الزهرونضيفهم على الطبقات ال 12

ثم نطرحهم جيدا عليهم ونضع فوقهم ال 12 التانين طبعا مع دهن كل طبقه بالسمن

وبعدين نقطع العجين بالسكين بالشكل المناسب ونزينهم باللوز ونسكب اعليه كميه من السمن مقدار كوب

وبعدين نحطوها في الفرن الي ان يشقر لونه ونسكب عليه العسل مباشره

وتاكلو بالهناء والشفاء وهدا الشكل النهائي

وتفضلو تواء كويسة ها العصير وامعها ظريف بكلاوه

**ام رواسي** · 01-23-2011, 05:25 AM

ماشاء الله عليك بكلاوة بحق وحقيقى انموت فيها
سلم الله ادياتك
مع انى اول من ارد عليك فعطينى حصتى الطاجين هدا

**نسيم البحر** · 01-23-2011, 05:33 AM

هههههههههههه الطاجين كله ليك صحتين وعافيه على قلبك
شكرا لمرورك على موضوعي وهذا شرف لي ووسام على صدري

**ترتيل** · 01-23-2011, 08:49 AM

الله ايبارك والعدو ما ايشارك
عارفتك فالحه يا نسمه تعرفي كان ما اتخليلناش طريفات مش اتقولي اكلاها المربح جت في خاطري وكان فيا حاجه يا ويلك اديريلي تاني ما دخلنيش فيك

**خدوج** · 01-23-2011, 10:37 AM

يسلموا نسومة
بس كبرى صورك شوى
سلم ايديك

**mnona** · 01-23-2011, 10:45 AM

صحيتي بارك الله فيك
ولكن عندي سؤال لو سمحتي
أي نوع من انواع وق القلاش الكويس يعني شنو اللي استخدمتيه ( السنبلة ) والا حاجة ثانية
لاني مرة اخديت ورق قلاش ومجتنيش باهية

ياريت اللي يعرف النوعية الكويسة واللي تمشي مع البكلاوة 100 % يقولي عليها ومشكورين كلكم