السلام عليكم

مرحبا كيفكم اليوم

راح اقدملكم اول مشاركة لي

شوربة العدس على الطريقة السورية

ان شاء الله تعجبكم

نبدأ بسم الله

المقادير:

لحمة قطع متوسطة حسب عدد الافراد

بصلة متوسطة

بطاطا متوسطة

كوب عدس احمر

نص كوب ارز

نص ملعقة بزار نص ملعقة بهارات

مكعب ماجي

الطريقة:

نقطع البصل ناعم ونحمره بالزيت او السمنة

ونضع اللحمة ونقليها معا ومن ثم نضع العدس والرز

طبعا بكونوا مغسولين ومصفاين من الماء ونقلبه شي خفيف مع البهارات والبزار

ونصب الماء عليهم ونضع مكعب الماجي

والبطاط نقشرها ونبرشها بالمبرشة ناعم ومن ثم نضعها مع الشوربة

ونخليها عنار هادية حتى تستوي وبتكون جاهزة

بلهناء والشفا

انا من جهتي بحب اخلطها بلخلاط

طبعا حسب رغبتكم انتو

وبقدم معها الخبز السوري المحمص